પૂરબ ઔર પશ્ચિમ અને ક્રાંતિ જેવી દેશભક્તિ ફિલ્મોમાં ભૂમિકાઓ માટે જાણીતા પીઢ અભિનેતા મનોજ કુમારનું ૮૭ વર્ષની વયે મુંબઈમાં અવસાન થયું હતું. મનોજ કુમારને હૃદય સંબંધિત બિમારીને કારણે મુંબઈની કોકિલાબેન ધીરુબાઈ અંબાણી હોસ્પિટલમાં દાખલ કરાયા હતા, જ્યાં શુક્રવારે સવારે ૩:૩૦ વાગ્યે તેમનું અવસાન થયું હતું. મનોજ કુમારના નિધનથી બોલિવૂડમાં શોકની લાગણી જોવા મળી રહી હતી. તમામ ફેન્સ અને સેલિબ્રિટીને આ સમાચાર સાંભળી આઘાત લાગ્યો હતા અને અને શૉક વ્યક્ત કર્યો હતો.
પીઠ અભિનેતાને શ્રદ્ધાંજલિ આપતી આપતા વડાપ્રધાન નરેન્દ્ર મોદીએ સોશિયલ મીડિયા X લખ્યું હતું કે તેઓ ભારતીય સિનેમાના એક આઇકોન હતાં, જેમને ખાસ કરીને તેમના દેશભક્તિના ઉત્સાહ માટે યાદ કરવામાં આવે છે. મનોજજીના કાર્યોએ રાષ્ટ્રીય ગૌરવની ભાવના પ્રજ્વલિત કરી હતી અને આગામી પેઢીઓને પ્રેરણા આપતા રહેશે. આ દુઃખની ઘડીમાં મારી સંવેદના તેમના પરિવાર અને પ્રશંસકો સાથે છે. ઓમ શાંતિ.”
મનોજ કુમારે સહારા, ચાંદ, હનીમૂન, પૂરબ ઔર પશ્ચિમ, નસીબ, મેરી આવાજ સુનો, નીલ કલમ, ઉપકાર, પથ્થર કે સનમ, પિયા મિલન કી આસ, સુહાગ સુંદર, રેશમી રુમાલ જૈવી ફિલ્મોમાં કામ કર્યું હતું. તેમને નેધનલ એવોર્ડ, પદ્મ શ્રી અને દાદા સાહેબ ફાળકે એવોર્ડથી પણ સન્માનિત કરાયા હતા.
દિગ્ગજ અભિનેતાએ 1957માં ફિલ્મ ફેશનથી અભિનયની શરૂઆત કરી હતી. 1965નું વર્ષ તેમની કારકિર્દી માટે એક મોટું ગેમચેન્જર સાબિત થયું હતું. એ વર્ષે રિલીઝ થયેલી ફિલ્મ શહીદએ તેમના કરિયરને વધુ મજબૂતી આપી. આ પછી તેમણે ક્યારેય પાછળ વળીને જોયું નહીં. ભૂમિકા ગમે તે હોય, તે રૂપેરી પડદે પાત્રને જીવી બતાવતા હતા.
