યુ.એસ. ટ્રાવેલ એસોસિએશનના સીમલેસ એન્ડ સિક્યોર ટ્રાવેલ કમિશન અનુસાર, 2026 વર્લ્ડ કપ અને 2028 લોસ એન્જલસ ઓલિમ્પિક્સની હવાઈ મુસાફરીની માંગ માટે યુ.એસ. એર ટ્રાવેલની જરા પણ તૈયારીઓ નથી. તાત્કાલિક પગલાં ન લેવાયા તો જૂની સિસ્ટમ વિઝા, જરીપુરાણું માળખું અને અપૂરતી સુરક્ષા ટેકનિક અંગેની ચિંતાઓ વચ્ચે વધતા મુલાકાતીઓને પહોંચી વળવામાં રીતસરની સંઘર્ષ કરતી હશે.
USTA-કમિશ્ડ રિપોર્ટમાં અંદાજ છે કે 2026 વર્લ્ડ કપ, 2028 ઓલિમ્પિક્સ અને પેરાલિમ્પિક્સ, 2025 રાયડર કપ અને યુએસના 250માં જન્મદિવસની ઉજવણી 40 મિલિયન મુલાકાતીઓ આવી શકે છે અને આર્થિક પ્રવૃત્તિમાં $95 બિલિયન જનરેટ કરી શકે છે.
યુએસટીએના પ્રમુખ અને સીઈઓ જ્યોફ ફ્રીમેને જણાવ્યું હતું કે, “આગામી કેટલાક વર્ષો અભૂતપૂર્વ મુસાફરીની માંગ લાવશે, જેને સંભાળવા માટે અમારી સિસ્ટમ્સ તૈયાર નથી.” “વૉશિંગ્ટન પાસે મુખ્ય મુસાફરીના અવરોધરૂપ મુદ્દાઓને ઠીક કરવા અને $100 બિલિયનની આર્થિક તકને અનલૉક કરવા માટે એક નાની વિન્ડો છે, પરંતુ આ માટે તેણે તાકીદના ધોરણે વર્તમાન સ્તરને ઊંચું લાવવું પડશે.”
યુ.એસ. 2031 મેન્સ રગ્બી વર્લ્ડ કપ, 2034 વિન્ટર ઓલિમ્પિક્સ અને પેરાલિમ્પિક્સ અને લાસ વેગાસ, મિયામી અને ઓસ્ટિનમાં વાર્ષિક ફોર્મ્યુલા વન રેસનું પણ આયોજન કરશે. રિપોર્ટમાં ટ્રમ્પ વહીવટીતંત્રને આગામી વૈશ્વિક ઘટનાઓ માટે ફેડરલ પ્રયત્નોનું સંકલન કરવા માટે વ્હાઇટ હાઉસની આગેવાની હેઠળ સીનિયર ટાસ્ક ફોર્સ બનાવવાનું આહ્વાન કરવામાં આવ્યું છે.
USTA અહેવાલમાં દર્શાવેલ સુરક્ષા સુધારાઓની સાથે એર ટ્રાફિક કંટ્રોલના ઝડપી આધુનિકીકરણ અને નિયંત્રકની અછત માટેના ઉકેલોની જરૂરિયાત પર ભાર મૂકે છે. કમિશનના અહેવાલના આધારે, યુએસ ટ્રાવેલ એસોસિએશન કોંગ્રેસ અને ટ્રમ્પ વહીવટીતંત્રને ચાર પગલાં લેવાનું કહે છે:
