ભારતીય ટીમના ટી-20 ક્રિકેટના ઉભરતા સ્ટાર બેટર તિલક વર્માએ શનિવારે ઈંગ્લેન્ડ સામેની મેચમાં ધમાકેદાર બેટિંગ સાથે અણનમ 72 રન કરી ટીમના વિજયમાં મુખ્ય પ્રદાન કર્યું હતું તો સાથે સાથે તેણે ટી-20 ઈન્ટરનેશનલ્સમાં એક વિશિષ્ટ વર્લ્ડ રેકોર્ડ પણ નોંધાવ્યો હતો.
તિલકે સતત ચાર ટી-20 મેચમાં અણનમ રહીને સતત બે સદી સાથે કુલ 318 રન કર્યા છે, જે એક વર્લ્ડ રેકોર્ડ છે. આ અગાઉ ન્યૂઝીલેન્ડના માર્ક ચેપમેનના નામે સતત અણનમ રહી 271 રન કરવાનો રેકોર્ડ હતો.તિલક વર્માએ વિરાટ કોહલીનો રેકોર્ડ પણ તોડ્યો હતો, કોહલીએ સતત ચાર ટી-20માં આઉટ થયા વિના સૌથી વધુ 258 રન કર્યા હતા.
