રાજકોટમાં એક હોસ્પિટલના CCTV નેટવર્કને હેક કરીને મહિલા દર્દીઓના વીડિયો મેળવીને તેનું ઓનલાઇન વેચાણ કરવાના નેટવર્કમાં રાજ્યની પોલીસે મહારાષ્ટ્રના સાંગલીમાંથી બે અને સુરતમાંથી વધુ એક આરોપીની ધરપકડ કરી હતી. આ કેસમાં અત્યાર સુધી કુલ છ આરોપીની ધરપકડ થઈ છે.
સબ્સ્ક્રાઇબર્સ પાસેથી પૈસા કમાવવાના ઈરાદાથી હોસ્પિટલના લેબર રૂમની અંદર ડોકટરો દ્વારા મહિલા દર્દીઓની તપાસ કરવામાં આવતા વીડિયો યુટ્યુબ અને ટેલિગ્રામ પર ફરતા થયા બાદ અમદાવાદ પોલીસે 17 ફેબ્રુઆરીએ કેસ નોંધ્યો હતો. અમદાવાદ સાયબર ક્રાઈમ બ્રાન્ચના અધિકારીએ રાજકોટ સ્થિત પાયલ મેટરનિટી હોમમાં સીસીટીવી કેમેરા ડિવાઈસ હેક કરવાના સંબંધમાં પકડાયેલા લોકોની ઓળખ સુરતના રહેવાસી પરિત ધામેલિયા તેમજ પાડોશી રાજ્યના સાંગલીના વૈભવ માને અને રાયન પરેરા તરીકે કરી હતી.ધામેલિયા બી.કોમ ગ્રેજ્યુએટ છે. તેની પાયલ મેટરનિટી હોમના સીસીટીવી કેમેરાને હેક કરવામાં સંડોવણી બદલ ધરપકડ કરાઈ હતી. માને યુટ્યુબ અને ટેલિગ્રામ પર જુદા જુદા વીડિયોનું માર્કેટિંગ કરવામાં અને તેનું બેંક એકાઉન્ટ ભાડે આપ્યું હતું. મહિલાઓના આવા વીડિયો વેચીને તેમણે લાખ્ખો રૂપિયાની કમાણી કરી હતી.
