ટ્રાવેલ ટેક્નોલોજી ફર્મ ઓયોની પેરન્ટ કંપની ઈન્ડિયા-બેઝ્ડ ઓરેવેલ સ્ટેયસે બ્લેકસ્ટોન રિયલ એસ્ટેટમાંથી G6 હોસ્પિટાલિટીનું અગાઉ જાહેર કરેલ $525 મિલિયનમાં ખરીદવાની પ્રક્રિયા પૂર્ણ છે. કંપની G6 ના નેતૃત્વનું પુનર્ગઠન પણ કરી રહી છે, પ્રેસિડેન્ટ અને CEO જુલી એરોસ્મિથ અને અન્ય ટોચના એક્ઝિક્યુટિવ્સનું રિપ્લેસમેન્ટ મંગળવારથી અમલમાં મૂકશે.
સપ્ટેમ્બરમાં, ઓરેવલ સ્ટેય્સએ બ્લેકસ્ટોન રિયલ એસ્ટેટ પાસેથી G6 હોસ્પિટાલિટીને $525 મિલિયનમાં ઓલ-કેશ ડીલમાં હસ્તગત કરવા સંમત થયા હતા. મંગળવારે, ઓયોએ સોનલ સિંહાને CEO તરીકે નિયુક્ત કર્યા, જેમાં ટીના બર્નેટ ચીફ ડેવલપમેન્ટ ઓફિસર તરીકે ચાલુ રહેશે, એમ કંપનીએ એક નિવેદનમાં જણાવ્યું હતું. G6 ના ચીફ ફાઇનાન્શિયલ ઓફિસર, ચીફ બ્રાન્ડ ઓફિસર, જનરલ કાઉન્સેલ, ચીફ ઇન્ફોર્મેશન ઓફિસર અને ચીફ હ્યુમન રિસોર્સ ઓફિસરની પણ બદલી કરવામાં આવી રહી છે.
OYO ઇન્ટરનેશનલના સીઇઓ ગૌતમ સ્વરૂપે જણાવ્યું હતું કે, “અમે G6 બિઝનેસ માટે અનન્ય અને મહત્વપૂર્ણ એવા કૌશલ્યોમાં રોકાણ કરવાનું ચાલુ રાખીશું, જેમ કે સપ્લાય, એકાઉન્ટ મેનેજમેન્ટ, કોર્પોરેટ વેચાણ, બ્રાન્ડ ધોરણો, ઑફલાઇન માર્કેટિંગ અને સલામતી અને સુરક્ષા.” વર્ષો દરમિયાન OYO એ ટેક્નોલોજી, રેવન્યુ મેનેજમેન્ટ, ઈ-કોમર્સ, પ્રોક્યોરમેન્ટ, લીગલ, ફાયનાન્સ અને એચઆરમાં તેની ક્ષમતા બિલ્ડઅપ કરી છે અને આ ક્ષમતાને G6 બિઝનેસમાં પણ વિસ્તારશે.
કંપની આવતા વર્ષે મોટેલ 6 અને સ્ટુડિયો 6 બ્રાન્ડ્સમાં 150 હોટલ ઉમેરવાની અને ટેક્નોલોજી એકીકરણ, પ્રોપર્ટી અપગ્રેડ અને બજાર વિસ્તરણ દ્વારા G6 હોસ્પિટાલિટીના વિકાસને વેગ આપવાની યોજના ધરાવે છે.
OYOએ જણાવ્યું હતું કે તે મોટેલ 6 અને સ્ટુડિયો 6 બ્રાન્ડ્સને જાળવશે અને મજબૂત કરશે, જેની મજબૂત માન્યતા અને દાયકાઓથી વફાદાર ગ્રાહક આધાર છે. કંપની વિશિષ્ટ અધિકારો સહિત તમામ હાલના ફ્રેન્ચાઇઝ કરારોનું સન્માન કરશે અને ખાતરી કરશે કે વર્તમાન ફ્રેન્ચાઇઝ ટીમો કોઈપણ વિક્ષેપ વિના કામગીરી ચાલુ રાખે.
