ભારતીય ક્રિકેટ બોર્ડે IPLની આગામી ત્રણ સિઝનની તારીખોની જાહેરાત ગયા સપ્તાહે કરી હતી. IPL 2025 14 માર્ચથી શરૂ થશે અને ફાઈનલ 25 મેના રોજ રમાશે. આ ટુર્નામેન્ટ ચેમ્પિયન્સ ટ્રોફી 2025 પછી તરત જ શરૂ થશે.
બીસીસીઆઈએ આઈપીએલ 2026 અને આઈપીએલ 2027ની તારીખો પણ જાહેર કરી દીધી છે. 2026 સીઝન 15 માર્ચથી શરૂ થશે અને તેની ફાઈનલ 31 મેના રોજ રમાશે છે. 2027ની આઈપીએલ 14 માર્ચથી શરૂ થશે અને 30 મે સુધી ચાલશે. BCCIએ IPLની ત્રણ સિઝનની તારીખો એક સાથે જાહેર કરી હોય તેવું આ વર્ષે પહેલીવાર બન્યું છે. આવતા વર્ષે પણ ટુર્નામેન્ટમાં 74 મેચ રમાશે.
ઈંગ્લેન્ડ, ઓસ્ટ્રેલિયા, દક્ષિણ આફ્રિકા જેવા તમામ મોટા દેશોએ IPLની આગામી ત્રણ સિઝન માટે તેમના ખેલાડીઓની ઉપલબ્ધતા અંગે મંજૂરી આપી દીધી છે. આ અંગે તમામ બોર્ડે જણાવ્યું છે કે આગામી સિઝનમાં તેમના ખેલાડીઓ ક્યારે અને કેવી રીતે ઉપલબ્ધ થશે.
