ઑફિસ ફોર નેશનલ સ્ટેટિસ્ટિક્સના જણાવ્યા અનુસાર મે મહિનામાં બેન્ક ઓફ ઈંગ્લેન્ડના લક્ષ્યાંકને પૂર્ણ કર્યા પછી યુકેનો ફુગાવાનો દર જૂન માસમાં 2.0 ટકા પર સ્થિર રહ્યો હતો. જો કે બજારમાં આગાહી થઇ હતી કે ફુગાવો 1.9 ટકાથી નીચે રહેશે.
ONSના ચીફ એક્ઝિક્યુટિવ ગ્રાન્ટ ફિટ્ઝનરે જણાવ્યું હતું કે, “હોટલના ભાવમાં જોરદાર વધારો થયો હતો, જ્યારે સેકન્ડ હેન્ડ કાર અને કપડાના ભાવમાં ઘટાડો થયો હતો.’’
વિશ્લેષકોએ સૂચવ્યું હતું કે આ ડેટા બેન્ક ઓફ ઈંગ્લેન્ડને વ્યાજ દરોમાં ઘટાડો કરવા માટે વિલંબ કરવા તરફ દોરી શકે છે. રિસર્ચ કન્સલ્ટન્સી કેપિટલ ઇકોનોમિક્સના યુકેના મુખ્ય અર્થશાસ્ત્રી પૌલ ડેલ્સે જણાવ્યું હતું કે, “ઓગસ્ટમાં વ્યાજ દરમાં ઘટાડો થવાની શક્યતા થોડી વધુ ઘટી છે.’’
ગયા મહિને, બેન્ક ઓફ ઈંગ્લેન્ડે મે મહિનામાં ધીમો ફુગાવા હોવા છતાં તેનો મુખ્ય વ્યાજ દર 5.25 ટકા રાખ્યો હતો જે 16 વર્ષની ઊંચી સપાટીએ છે.
બેન્ક ઓફ ઈંગ્લેન્ડે 2021ના અંતમાં ફુગાવાને નાથવા માટે દરો વધારવાનું શરૂ કર્યું હતું, જે દેશો કોવિડ લોકડાઉનમાંથી બહાર આવ્યા પછી વધ્યા હતા અને તેલ અને ગેસના મુખ્ય ઉત્પાદક, રશિયા દ્વારા યુક્રેન પરના આક્રમણને પગલે તેને વેગ મળ્યો હતો.
