ભારત સરકારે ભારત-બાંગ્લાદેશ બોર્ડર (IBB) પર વર્તમાન પરિસ્થિતિ પર નજર રાખવા માટે એક કમિટીની રચના કરી છે. આ કમિટી બાંગ્લાદેશમાં રહેતા ભારતીય નાગરિકો અને લઘુમતી સમુદાયોના લોકોની સુરક્ષા સુનિશ્ચિત કરવા માટે બાંગ્લાદેશી સમકક્ષ અધિકારીઓ સાથે સંપર્ક જાળવી રાખશે. એડિશનલ ડાયરેક્ટર જનરલ (ADG), બોર્ડર સિક્યુરિટી ફોર્સ (BSF), ઈસ્ટર્ન કમાન્ડ, આ કમિટીના અધ્યક્ષ હશે. સમિતિના અન્ય સભ્યોમાં ઈન્સ્પેક્ટર જનરલ (IG), BSF ફ્રન્ટિયર હેડક્વાર્ટર સાઉથ બંગાળ, ઈન્સ્પેક્ટર જનરલ (IG), BSF ફ્રન્ટિયર હેડક્વાર્ટર ત્રિપુરા, સભ્ય (પ્લાનિંગ એન્ડ ડેવલપમેન્ટ), લેન્ડ પોર્ટ્સ ઓથોરિટી ઑફ ઈન્ડિયા (LPAI) અને સેક્રેટરી, LPAIનો સમાવેશ થાય છે.
