અમેરિકન હોટેલ એન્ડ લોજિંગ એસોસિએશનના તાજેતરના અહેવાલ મુજબ, હોટલો કર્મચારીઓની ભરતી કરવા અને જાળવી રાખવા માટે નવા સાધનો અને તકનીકોનો ઉપયોગ કરી રહી છે, કારણ કે ઉદ્યોગ રોગચાળા પહેલાના સ્ટાફિંગ સ્તરો તરફ કામ કરે છે. ઓક્સફોર્ડ ઇકોનોમિક્સ અને STR/CoStar ના ડેટાને ટાંકીને એસોસિએશન, પ્રોજેક્ટ કરે છે કે હોટેલ ઉદ્યોગ 2025માં 14,000 થી વધુ કર્મચારીઓ ઉમેરશે, પરંતુ કર્મચારીઓની સંખ્યા 2019ના સ્તરથી નીચે રહેશે.
AHLAનો 2025 સ્ટેટ ઑફ ધ ઇન્ડસ્ટ્રી રિપોર્ટ આગાહી કરે છે કે મોટાભાગનાં રાજ્યોમાં હોટેલ રોજગાર વાર્ષિક ધોરણે વૃદ્ધિ પામશે, જોકે માત્ર મોન્ટાના અને વૉશિંગ્ટન, ડી.સી.માં જ રોજગારી 2019ના સ્ટાફિંગ સ્તરો કરતાં વધી જશે.
“હોસ્પિટાલિટી સેક્ટરે તેના કર્મચારીઓના પુનઃનિર્માણમાં અને કારકિર્દીની પ્રગતિ માટે તકો ઊભી કરવામાં પ્રગતિ કરી છે, પરંતુ સ્ટાફની અછત એક પડકાર બની રહી છે,” AHLAના પ્રમુખ અને સીઇઓ રોઝાના માયેટ્ટાએ જણાવ્યું હતું,. “સારા સમાચાર એ છે કે હોટલો ક્યારેય વધુ સ્પર્ધાત્મક રહી નથી, મજબૂત વેતન, વિસ્તૃત લાભો અને કર્મચારીઓના સંતોષ પર ધ્યાન કેન્દ્રિત કરે છે.”
અહેવાલના પ્રદાનકારો અમેરિકન એક્સપ્રેસ, ઇકોલેબ, એન્કોર, હિરોલોજી, ઓરેકલ અને ટાઉન પાર્ક છે. તેઓ ઉદ્યોગ ટેકનોલોજી અપનાવે તે દરમિયાન તેમણે જેનો સામનો કરવો પડે છે તે પડકારો પર પ્રકાશ ફેંકે છે. આ ટેકનોલોજી તેમને મહેમાનો, વ્યવસાયો અને કામદારોના મોરચે વધુ અસરકારક કામગીરી કરવા સક્ષમ બનાવે છે, એમ AHLAએ જણાવ્યું હતું. તેઓ ગ્રાહકોની વધતી અપેક્ષાઓ અને તેમને સંતોષવા માટે અનુકૂલનશીલ ઉદ્યોગ જુએ છે.
