હિંદુ કાઉન્સિલ બ્રેન્ટ દ્વારા તા. 17 ઓગષ્ટ 2024 ના રોજ ભારતના 78મા સ્વાતંત્ર્ય દિવસની શાનદાર ઉજવણી સંસ્થાના ચેરપર્સન નિર્મળા પટેલના નેતૃત્વ હેઠળ કમિટી મેમ્બર્સના સહયોગથી શાનદાર ઉજવણી કરવામાં આવી હતી.
આ પ્રસંગે બ્રેન્ટ કાઉન્સિલના મેયર, ડેપ્યુટી મેયર, પાર્લામેન્ટના સદસ્ય, કાઉન્સિલર્સ તેમજ અનેક આદરણીય મેહમાનો ઉપસ્થિત રહ્યા હતા.
સાત વર્ષથી માંડી 85 વર્ષના કલાકારોએ કાર્યક્રમમાં સંદેશે આતે હૈ દેશભક્તિ ગીત, વંદે માતરમ ઓડિસી નૃત્ય, ભરતનાટ્યમ, બોલિવૂડ, જલકમલ છાંડી જા ને બાલા ગીત, ગરબા – રાસ જેવા ભરપૂર મનોરંજક કાર્યકમો રજૂ કર્યા હતા. બ્લેક એન્ડ વાઈટ યુગના ગીત પર નૃત્ય દ્વારા વડિલ શ્રોતાઓને તેમની યુવાની યાદ કરાવી હતી.
આ પ્રસંગે જયંતીભાઈ પોપટ તેમજ સુમંતરાઈ દેસાઈને તેમની મહેનત, લગન અને સેવાના પુરસ્કાર રૂપે એવોર્ડથી નવાજવામાં આવ્યા હતા.
