ગુજરાત સરકારે શુક્રવારે ઉત્તર પ્રદેશના પ્રયાગરાજ ખાતે ચાલી રહેલા મહા કુંભ મેળાની મુલાકાત લેવા માટે રાજ્યના નાગરિકો માટે વિશેષ પ્રવાસ પેકેજની જાહેરાત કરી હતી. આ ટૂર પેકેજ હેઠળ, એક એસી વોલ્વો બસ અમદાવાદના રાણીપ બસ ડેપોમાંથી દરરોજ સવારે 7 વાગ્યે પ્રયાગરાજ માટે રવાના થશે.
ગૃહ અને પરિવહન રાજ્ય પ્રધાન હર્ષ સંઘવીએ જણાવ્યું હતું કે ગુજરાતના મુખ્યપ્રધાન ભૂપેન્દ્ર પટેલ 27 જાન્યુઆરીના રોજ સવારે રાણીપ ડેપોમાંથી પ્રથમ બસને લીલી ઝંડી આપશે તે પછી આ સેવા શરૂ થશે.હિન્દુ સનાતન ધર્મમાં મહા કુંભનું વિશેષ મહત્વ છે. મેગા ઇવેન્ટની મુલાકાત લેવા ઇચ્છતા ગુજરાતના ભક્તો માટે મુશ્કેલીમુક્ત યાત્રા સુનિશ્ચિત કરવા માટે, રાજ્ય સરકારે દરરોજ ગુજરાતથી પ્રયાગરાજ સુધી એસી વોલ્વો બસો ચલાવવાની પહેલ કરી છે.
13 જાન્યુઆરીથી શરૂ થયેલો મહા કુંભ મેળો 26 ફેબ્રુઆરી સુધી ચાલશે.
અમદાવાદ અને પ્રયાગરાજ વચ્ચેનું અંતર લગભગ 1,200 કિમીનું હોવાથી બસ મધ્યપ્રદેશના શિવપુરી ખાતે એક રાત માટે રોકાશે. શિવપુરી ખાતે રોકાણ પણ પેકેજમાં સામેલ છે.ગુજરાતના શ્રદ્ધાળુઓ માટે વ્યક્તિ દીઠ માત્ર રૂ.8,100માં 3 રાત અને 4 દિવસનું પેકેજ તૈયાર કરવામાં આવ્યું છે. તે ગુજરાત સ્ટેટ રોડ ટ્રાન્સપોર્ટ કોર્પોરેશન (GSRTC) અને પ્રવાસન નિગમની સંયુક્ત પહેલ છે. આ પેકેજમાં ત્રણેય રાત્રિઓ માટે આવાસ અને બસની મુસાફરીનો સમાવેશ થાય છે અને પ્રયાગરાજ ખાતે રાત્રિ રોકાણની વ્યવસ્થા ગુજરાત પેવેલિયનના શયનગૃહમાં કરવામાં આવી છે,
