રોશડેલની કુખ્યાત પીડોફાઇલ ગેંગ સામેની સફળ કાર્યવાહીમાં કેન્દ્રીય રહેલા અને તેનો પર્દાફાશ કરનાર ભૂતપૂર્વ ચીફ પ્રોસીક્યુટર નઝીર અફઝલે વરિષ્ઠ કન્ઝર્વેટિવ્સ અને બિલીયોનેર ઇલોન મસ્કની નવી ચાઇલ્ડ અબ્યુઝ તપાસ માટેના કોલને નકારી કાઢી વળતો પ્રહાર કર્યો છે.
નઝીર અફઝલે જણાવ્યું હતું કે અગાઉની કન્ઝર્વેટિવ સરકાર દ્વારા લાંબી અને ખર્ચાળ પૂછપરછ કરવામાં આવી ન હતી. તેમની ટિપ્પણીઓ ડોનાલ્ડ ટ્રમ્પના સાથી ઇલોન મસ્ક દ્વારા શરૂ થયેલી વધતી જતી હરોળને અનુસરે છે, જેમણે યુકેમાં રાષ્ટ્રીય તપાસની હાકલ કરી હતી અને કેર સ્ટાર્મર પર ગ્રેટર માન્ચેસ્ટરના ઓલ્ડહામમાં બાળકો પરના બળાત્કારીઓ સામે કાર્યવાહી કરવામાં નિષ્ફળ જવાનો આરોપ મૂક્યો હતો.
મસ્કની X પરની પોસ્ટ્સમાં કોર્ટના તિરસ્કાર માટે જેલમાં રહેલા ફાર રાઇટ કાર્યકર ટોમી રોબિન્સન વિશેની સહાયક ટિપ્પણીઓનો સમાવેશ થાય છે.
સેફગાર્ડિંગ મિનિસ્ટર જેસ ફિલિપ્સે ઓલ્ડહામ કાઉન્સિલના નગરમાં બાળકોના શોષણની જાહેર તપાસ માટેના કોલ ફગાવી દઇ દલીલ કરી હતી કે નવી પૂછપરછ કરવાનું કામ સ્થાનિક કાઉન્સિલ પર આધારિત હોવું જોઈએ.
રોશડેલ ગેંગ સામે કાર્યવાહી ન કરવાના ક્રાઉન પ્રોસિક્યુશન સર્વિસના નિર્ણયને ઉથલાવી નાખનાર અફઝલે જણાવ્યું હતું કે 2022માં બાળ દુર્વ્યવહારની રાષ્ટ્રીય તપાસ પ્રકાશિત કરવામાં આવી હતી. પરંતુ ટોરી સરકાર દ્વારા તેના તારણોની અવગણના કરવામાં આવી હતી. તે અહેવાલમાં જાણવા મળ્યું હતું કે ઓલ્ડહામમાં “મુખ્યત્વે પાકિસ્તાની અપરાધીઓ” દ્વારા બાળાઓના કથિત ગૃમીંગ કરાયું હતું.
પ્રોફેસર એલેક્સિસ જયની આગેવાની હેઠળની તપાસમાં રોધરહામ, કોર્નવોલ, ડર્બીશાયર, રોચડેલ અને બ્રિસ્ટોલ સહિત 2010 અને 2014ની વચ્ચે બાળકો સામે જાતીય અપરાધોની બહુવિધ દોષારોપણ બાદ સંગઠિત જૂથો દ્વારા દુરુપયોગની તપાસ કરવામાં આવી હતી.
બાળકોના શોષણમાં પોલીસની નિષ્ફળતાઓ વિશે વાત કરવા ગ્રેટર માન્ચેસ્ટર પોલીસમાંથી રાજીનામું આપનાર પોલીસ વ્હિસલબ્લોઅર મેગી ઓલિવર કહ્યું છે કે અગાઉની લાંબી પૂછપરછ પર કાર્યવાહી કરવામાં આવી ન હતી. અમારી પાસે પહેલેથી જ રાષ્ટ્રીય દુરુપયોગની તપાસ છે – સાત વર્ષ, 20 ભલામણો અને કોઈ પણ અમલમાં આવ્યું નથી. હવે વધુ ખાલી વચનો અને રાજકીય દાવપેચ સાંભળવા માંગતી નથી.
સેન્ટર ફોર સોશિયલ જસ્ટિસ માટે [ભૂતપૂર્વ કન્ઝર્વેટિવ હોમ સેક્રેટરી] સાજિદ જાવિદની આગેવાની હેઠળ એક તપાસ પણ કરવામાં આવી હતી જેને તેઓએ પણ અવગણી હતી.
