પબ્લિક હેલ્થ ઇંગ્લેન્ડે કોરોનવાઈરસથી એશિયન અને બ્લેક લોકોના વધુ પડતા મોત અને તેમને અપ્રમાણસર વધારે અસરની સમીક્ષા કરતા જણાયું હતું કે આ સમય દરમિયાન મૃત્યુ પામનારા 17 ડોકટરોમાંના 16 ડોક્ટર્સ BAME સમુદાયના હતા એમ ‘ગરવી ગુજરાત’ને જાણવા મળ્યું છે. ડૉક્ટર્સ યુનિયન બ્રિટિશ મેડિકલ એસોસિએશન (BMA)ને ડર છે કે રોગચાળાને લગતા નિયંત્રણમાં સરકારના “નેતૃત્વની સંપૂર્ણ નિષ્ફળતા”ના કારણે વધુ તબીબો બિનજરૂરી રીતે મોતને ભેટશે.

જ્યોર્જ ફલોઈડના પોલીસ કસ્ટડીમાં મૃત્યુના પગલે અમેરિકાથી શરૂ થયેલા દેખાવો અને હિંસા યુરોપ તથા વિશ્વના અન્ય ભાગોમાં પણ ફેલાયા છે અને હજી પણ તે ચાલી રહ્યા છે. ન્યૂ યોર્કના બ્રુકલિન વિસ્તારમાં સોમવારે (8 જુન) રાત્રે ગોળીબારની જુદી જુદી ઘટનાઓમાં 10 મિનિટમાં 7 લોકોને ઈજાઓ થઈ હતી. આમાંથી 23 વર્ષની એક યુવતીની હાલત ગંભીર છે. મોડેથી મળેલા અહેવાલો મુજબ શિકાગોમાં 31મી મેના રોજ એક જ દિવસમાં ગોળીબારમાં 18 લોકોના મોત નિપજ્યા હતા અને નિષ્ણાતોના મતે શહેરમાં 60 વર્ષમાં તે સૌથી વધારે હિંસાખોરીનો દિવસ બની રહ્યો હતો.

કોવિડ-19ના ચેપ સાથે યુકેની હોસ્પિટલમાં તાજેતરમાં દાખલ કરવામાં આવેલી અડધાથી વધુ સગર્ભા સ્ત્રીઓ શ્યામ, એશિયન અને અન્ય વંશીય લઘુમતી (BAME) જૂથોની હતી તેમ બીએમજે દ્વારા સોમવાર તા. 8 જૂનના રોજ પ્રકાશિત થયેલા એક અભ્યાસમા જણાવતા રોયલ કોલેજ ઑફ મિડવાઇવ્સ (આરસીએમ)એ તાત્કાલિક પગલા લેવાની હાકલ કરી છે.

અમેરિકાના ડિપાર્ટમેન્ટ ઓફ જસ્ટીસે પીડોફાઇલ જેફરી એપ્સટાઇન સાથે મિત્રતા ધરાવવા બદલ અને અન્ય આક્ષેપો હેઠળ 60 વર્ષના ડ્યુક ઓફ યોર્ક, પ્રિન્સ એન્ડ્રુને ગુનાહિત તપાસના ભાગ રૂપે પૂછપરછ કરવા માટે માટે ઉપલબ્ધ કરાવવાની સત્તાવાર માંગ કર્યા બાદ પ્રિન્સ એંડ્ર્યુએ અસાધારણ જાહેર લડત શરૂ કરશે એમ જણાવ્યું છે. પ્રિન્સે ‘સ્પષ્ટ રીતે’ કોઈ પણ ખોટુ કર્યાનો ઇનકાર કર્યો છે, પરંતુ 36 વર્ષની વર્જિનિયા રોબર્ટ્સે આરોપ મૂક્યો છે કે તે 17 વર્ષની હતી ત્યારે પ્રિન્સ એન્ડ્ર્યુએ ત્રણ જુદા જુદા પ્રસંગોએ તેની સાથે શરીરસંબંધ બાંધ્યો હતો.

વોશિંગ્ટનમાં કેટલાક તોફાની તત્ત્વોએ મહાત્મા ગાંધીની પ્રતિમાને પહોંચેલા નુકશાન બદલ ભારતમાં અમેરિકાના એમ્બેસેડર કેન જસ્ટરે માફી માગી છે. કેન જસ્ટરે માફી માગતા કહ્યું કે, વોશિંગ્ટન ડીસીમાં મહાત્મા ગાંધીની પ્રતિમા સાથે થયેલા દુર્વ્યવહારની ઘટના બદલ અમે શરમજનક છે. આ માટે હું માફી માગું છું. પ્રાપ્ત જાણકારી પ્રમાણે યૂનાઈટેડ સ્ટેટસ પાર્ક પોલીસે આ મામલે તપાસ હાથ ધરી છે. મેટ્રોપોલિટન પોલીસના અધિકારીઓની ટીમે બુધવારના રોજ ઘટનાસ્થળની મુલાકાતે આવ્યા હતા અને ત્યાં તપાસ હાથ ધરી હતી. પ્રતિમાને વહેલી તરે સાફ કરવાની કોશિશ કરવામાં આવી રહી છે.

અમેરિકામાં પ્રેસિડેન્ટપદની ચૂંટણી માટે ડેમોક્રેટિક પાર્ટીના નેતા જો બિડેનની ઉમેદવારી માન્ય રહી છે. બિડેનની ઉમેદવારી પ્રેસિડેન્ટ ટ્રમ્પ માટે પડકારજનક માનવામાં આવે છે. 77 વર્ષના પીઢ ડેમોક્રેટ 2009થી 2017 દરમિયાન બરાક ઓબાના શાસનમાં અમેરિકાના 47મા વાઇસ પ્રેસિડેન્ટપદે રહ્યા હતા. તેઓ ઓગસ્ટમાં વિસ્કોન્સિનમાં યોજાનારા ડેમોક્રેટિક નેશનલ કન્વેન્શનમાં ઔપચારિક રીતે ઉમેદવાર જાહેર થશે. અમેરિકામાં આ વર્ષે ત્રણ નવેમ્બરે પ્રેસિડેન્ટની ચૂંટણી થશે અને તેઓ 73 વર્ષના ડોનાલ્ડ ટ્રમ્પ સામે હરિફ હશે.

મહિલાઓને આજકાલ જે તકો મળી રહી છે તેવી તકો માનવતાના ઇતિહાસમાં અગાઉ ક્યારેય મળી નહોતી. આમ થવાનું એક સીધેસીધું કારણ એ છે કે ટેકનોલોજીએ સૌ કોઇ માટે તકોના દરવાજા ખોલીને સર્વને સ્પર્ધાની સમાન તકો પૂરી પાડી છે. ટેકનોલોજીએ બધું જ સમાન કરી નાંખ્યું છે. તમે મહિલા હો કે પુરુષ, તમે કેટલા આગળ વધી શકો છો તેને માપવા શારીરિક તાકાત મહત્વની રહી નથી.

આઈપીએલની 13મી સીઝન આ વર્ષે રમાશે કે નહીં તેની અનિશ્ચિતતા વચ્ચે અમીરાત ક્રિકેટ બોર્ડે બીસીસીઆઈને ઓફર કરી છે કે તે આ વખતે આઈપીએલનું આયોજન પોતાને ત્યાં કરી શકે તેમ છે. આઈપીએલ આ વર્ષે 29 માર્ચથી શરૂ થવાની હતી પરંતુ કોરોના વાઈરસના વૈશ્વિક રોગચાળાને કારણે તે સ્થગિત કરી દેવાઈ છે.

અમેરિકામાં આફ્રિકન અમેરિકન જ્યોર્જ ફ્લોઈડના મૃત્યુ પાછળ પોલીસના વંશીય ભેદભાવયુક્ત વર્તન સામે સમગ્ર વિશ્વમાં આક્રોશ ફાટી નિકળ્યા પછી હવે ક્રિકેટમાં વંશીય ભેદભાવનો વિવાદ જાગ્યો છે. ભારતની લોકપ્રિય ક્રિકેટ સ્પર્ધા અને ટીકાકારોના મતે તમાશા ક્રિકેટ ગણાતી ઇન્ડિયન પ્રીમિયર લીગમાં પોતાની સાથે વંશીય ભેદભાવયુક્ત વર્તન કરાયાનો આક્ષેપ વેસ્ટ ઇન્ડિઝના ખેલાડી અને ટીમના ભૂતપૂર્વ કેપ્ટન ડેરેન સામીએ કર્યો છે.

આવતા મહિને ત્રણ ટેસ્ટ મેચ રમવા ઈંગ્લેન્ડ આવી રહેલી વેસ્ટ ઈન્ડિઝની ટીમમાં પસંદ કરાયેલા ત્રણ ખેલાડીઓ – શિમરોન હેટમેયર, ડેરેન બ્રાવો અને કીમો પોલે કોરોનાવાઈરસના રોગચાળાના ડરે પ્રવાસમાં નહીં જોડાવાનો નિર્ણય લીધો છે.