કોવિડ-19થી પીડાતા લોકોની સારવાર કરી રહેલા હેલ્થ સેક્ટરના ફ્રન્ટલાઈન એશિયન અને બ્લેક કર્મચારીઓ સામેના જોખમનું યોગ્ય મૂલ્યાંકન કરવા બ્રિટનના અગ્રણી ડોકટરોએ NHSના મેનેજર્સને વિનંતી કરી હતી. વાઈરસના ચેપના જોખમોનું પૂરતું મૂલ્યાંકન કરવામાં આવતું નથી અને તેથી વંશીય લઘુમતીના સભ્યો જોખમનો સમાનો કરી રહ્યા છે તેવો દાવો તબીબી નિષ્ણાતો, વિદ્વાનો અને કોમ્યુનિટી વર્કર્સે “ગરવી ગુજરાત” દ્વારા યોજાયેલા વિશિષ્ટ વર્ચ્યુઅલ રાઉન્ડટેબલ કોન્ફરન્સમાં કર્યો હતો. નિષ્ણાત પેનલની ભલામણો હેલ્થ સેક્રેટરી મેટ હેન્કોકને મોકલવામાં આવશે, જેથી વાઈરસથી પીડાતા લોકોના સંપર્કમાં આવતા BAME કી વર્કર્સની સુરક્ષામાં સુધારો લાવી શકાય.

દેશમાં બે મહિનાના લાંબા લોકડાઉન બાદ સોમવારથી દેશભરમાં ડોમેસ્ટિક ફ્લાઈટ્સ આંશિક રીતે શરૂ કરવામાં આવી છે. સોમવારે, 25 મેના રોજ 428 ફ્લાઈટ્સ ઓપરેટ થઈ હતી, જ્યારે 730થી વધુ ફ્લાઈટ્સ રદ થઈ હતી. કોરોનાના રોગચાળાના કારણે ડોમેસ્ટિક ફ્લાઇટ્સ શરૂ કરવા માટે કેટલાક રાજ્યો આતુર ન હોવાથી કેન્દ્ર સરકારની રવિવારે મોડી રાતની જાહેરાતના કારણે સોમવાર દેશમાં અંદાજે ૬૩૦ ફ્લાઈટ્સ રદ કરવી પડી હતી.

કોરોના વાઈરસ સામેની વૈશ્વિક લડતમાં ભારત અને અમેરિકા વચ્ચેના સંબંધો સુધર્યા હોવા છતાં રશિયા પાસેથી એસ-૪૦૦ મિસાઈલ સિસ્ટમ ખરીદવાના સોદામાં અમેરિકાના અવરોધો યથાવત્ છે. અમેરિકાની ધમકીઓ વચ્ચે પણ ભારતે રશિયા પાસેથી એસ-૪૦૦ મિસાઈલ સિસ્ટમ ખરીદવાના પાંચ બિલિયન ડોલરના સોદામાં આગળ વધવાનું નક્કી કર્યું છે ત્યારે અમેરિકાએ ફરીથી ભારત વિરુદ્ધ પ્રતિબંધો મૂકવાની ધમકી આપી છે.

હોમ સેક્રેટરી પ્રીતિ પટેલે શુક્રવારે તા. 22 મે, 2020ના રોજ કોરોનાવાયરસ ચેપના બીજા મોજા સામે રક્ષણ આપવા માટે તા. 8 જૂનથી યુકે આવતા લોકો માટે નવા પગલાં જાહેર કર્યા છે. જેમાં યુકેમાં પ્રવેશતા કોઈપણ વિદેશી નાગરીક માટે 14 દિવસના સેલ્ફ આઇસોલેશનનો સમાવેશ છે.

23 માર્ચે લોકડાઉન શરૂ થયું ત્યારથી પોતાનો કારોબાર બંધ રાખનાર પબ માલીકોએ મંત્રીઓને બે મીટરનું સામાજિક અંતર ઘટાડીને એક મીટરનું કરવા વિનંતી કરી છે જેથી તેઓ ફરીથી ખુલી શકે. એક તબક્કે સરકાર જૂનમાં ફરીથી પબ શરૂ કરશે તેવી આશા હોવા છતાં, જુલાઈ સુધી ફરી ખુલી શકશે નહીં એમ જણાય છે.

યુકે લૉકડાઉન અંત તરફ જઇ રહ્યું છે ત્યારે મિત્રો અને કુટુંબીજનોની નાનકડી 10 લોકોને સમાવતી ગાર્ડન અને બાર્બેક્યુ પાર્ટીઓ તેમજ નાના પ્રસંગોને આવતા મહિને લીલીઝંડી આપવામાં આવશે. વડાપ્રધાન બોરિસ જ્હોન્સને જાહેરાત કરી છે કે બધી દુકાનો આગામી અઠવાડિયાઓમાં ફરી ખુલી જશે. બહાર ખુલ્લામાં ભરાતા બજારો અને કાર શોરૂમ હવે 1 જૂનથી ફરી ખુલશે. તો ઇન્ડીપેન્ડન્ટ સ્ટોર્સ, ન્ય દુકાનો અને ડિપાર્ટમેન્ટલ સ્ટોર્સ 15 જૂનથી ફરીથી ખોલી શકાશે. પરંતુ સરકારે ચેતવણી આપી છે કે દુકાનોમાં સામાજિક અંતરના માર્ગદર્શનનું પાલન કરવું પડશે.

યુકે સરકારે હાલમાં પ્રવર્તી રહેલી કોરોનાવાઈરસના રોગચાળાની કટોકટીમાં દેશના વેપાર-ઉદ્યોગ, બિઝનેસીઝને સપોર્ટ કરવા તેમજ લોકોની જોબ્સ સુરક્ષિત રાખવા માટે વૈવિધ્યસભર પેકેજીસ જાહેર કર્યા છે. તમામ પ્રકારની અને વિવિધ કદની ફર્મ્સ માટે ફાયનાન્સિયલ સપોર્ટ માટે સ્કીમ્સની વ્યાપક રેન્જ ઉપલબ્ધ છે,

અમેરિકન અંતરિક્ષ એજન્સી નાસાને સમાંતર બ્રહ્માંડ(પેરેલલ યૂનિવર્સ)ની શોધ કરી છે. એટલે કે આપણાં બ્રહ્માંડની બાજુમાં વધુ એક બ્રહ્માંડ છે પરંતુ અહીં સમય ઉલ્ટો ચાલે છે. પેરેલલ યૂનિવર્સને લઈને એન્ટાર્કટીકામાં એક સંશોધન કરવામાં આવ્યું. તેના આધારે નાસાના વૈજ્ઞાનિકોનું કહેવું છે કે તેમણે વધુ એક બ્રહ્માંડ શોધ્યું છે.

કોરોના વાઇરસ મહામારીના મૂળના પગલે અમેરિકા અને ચીન વચ્ચેના સંબંધોમાં ખાઇ વધી રહી છે અને તેથી એશિયન સમુદાય વિરુદ્ધ હેટ ક્રાઈમ સતત થઇ વધી રહી છે, જેનો કોઇ અંત દેખાતો નથી. ઘણા રાજ્યોમાં લોકડાઉન હળવું થતાં લોકોમાં આ મુદ્દે ગુસ્સો અને ગેરસમજ ફેલાયેલી જોવા મળે છે.

કોઇની પણ જિંદગીને આપણા હસ્તક લેવી તે સારૂં નથી કારણ કે, તેનાથી તે તમારા ઉપર ચોક્કસ રીતે હાવી થતી હોય છે. એક ડોક્ટર કોઇની પણ જિંદગીને તેમના હાથમાં સતત લેતા હોય છે. આવું તમારા માથે રાખવું બહું મોટી વાત છે. જો તમે તબીબ વ્યવસ્થાને પર્યાપ્ત રીતે જાણી હશે તો તમે જાણતા હશો કે તમારી ભૂમિકા 50 ટકા હોય છે. બાકીની ટકાવારી કેવી હોય છે તે તમે જાણતા નથી. વિશ્વભરના ડોક્ટરોનો આવો જ અનુભવ હોય છે.