દેશના અગ્રણી ઇક્વાલીટી કેમ્પેઇનર્સે દાવો કર્યો છે કે ‘માળખાગત રેસિઝમ’ના કારણે એશિયન અને બ્લેક હેલ્થ વર્કર્સને કોરોના વાઈરસના રોગચાળા દરમિયાન જોખમમાં મુકવામાં આવી રહ્યા છે.ઇક્વાલીટી એન્ડ હ્યુમન રાઇટ્સ કમિશનના (EHRC) ના ભૂતપૂર્વ અધ્યક્ષ ટ્રેવર ફિલિપ્સે જણાવ્યું હતું કે પ્રોટોકોલ્સ સખત ન હોવાથી કેટલાક વર્કર્સને વધુ જોખમી ફરજ નિભાવવા ધકેલવામાં આવે છે.એશિયન, બ્લેક અને લઘુમતી અને વંશીય સમુદાયો (BAME)ના લોકોના કોવિડ-19ના કારણે અપ્રમાણસર સંખ્યામાં થઇ રહેલા મૃત્યુ અને ચેપ લાગવા અંગેના પબ્લિક હેલ્થ ઇંગ્લેંડના રીવ્યુ માટે મદદ કરનારા મહત્વના નિષ્ણાતોમાંના એક ટ્રેવર ફિલીપ્સે જણાવ્યું હતું કે આ મુદ્દો તેમની સમક્ષ વંશીય લઘુમતીના આરોગ્ય કર્મચારીઓ દ્વારા ઉઠાવવામાં આવ્યો છે.

અમેરિકામાં કોરોનાનો મૃત્યુઆંક 90,000 તથા કોરોનાનાં કેસોનો આંકડો 1.5 મિલિયનને પાર થયો છે ત્યારે પ્રમુખ ટ્રમ્પ લોકડાઉન ખોલવાના મૂડમાં છે. કોરોનાની રસી મળે કે ના મળે પરંતુ હવે અર્થતંત્રની ગાડી પુનઃ પાટા ઉપર ચઢાવવા ટ્રમ્પે મથામણ આરંભી છે ત્યારે વ્હઇટ હાઉસે કોરોના મહામારીની મોટી જાનહાનિના દોષનો ટોપલો પોતાના વૈજ્ઞાનિકોના માથે ઢોળવા પ્રયાસ કર્યો છે. યુએસ સેન્ટર્સ ફોર ડીસીઝ કંટ્રોલ એન્ડ પ્રિવેશન્સન ટેસ્ટીંગ મામલે ઉણું ઉતર્યું હોવાના મુદ્દે ટ્રમ્પ વહીવટીતંત્રના સભ્યો અસંમત થયા હતા.

કોરોનાવાયરસ લૉકડાઉન હળવું થઈ રહ્યું હોવાથી લોકો સલામત રીતે ચાલી શકે અને સાઈકલ ચલાવી શકે તે માટે સેન્ટ્રલ લંડનના મોટા વિસ્તારોને કાર અને વાન માટે બંધ કરાશે તેમ જ કન્જેશન ચાર્જમાં વધારો કરાશે એવી મેયર સાદિક ખાને જાહેરાત કરી છે. ભારે ભીડ ધરાવતી ટ્રેન અને બસોમાં સલામત અંતર જાળવવુ અશક્ય છે ત્યારે નિષ્ણાતોના મત મુજબ લોકોને ચાલવા માટે અને સાયકલ ચલાવવા માટે પ્રોત્સાહન આપવું નિર્ણાયક છે.

કોરોના મહામારીને કારણે અમેરિકામાં કંપનીઓએ વધુ નોકરીઓ પર કાપ મુકતા અને મોટાભાગના રાજ્યોએ વેપારધંધા ફરી શરૂ કરવા પર આકરાં નિયંત્રણો લાદતા ગયા સપ્તાહે નોકરી ગુમાવનારા ૩૦ લાખ અમેરિકનોએ બેરોજગારી સહાય મેળવવા માટે અરજી કરી હતી.

કોવિડ-19ને કારણે સારવાર મેળવવામાં વિલંબ કરવાથી લોકોના સ્વાસ્થ્ય પર લાંબા ગાળાનુ જોખમ થઈ શકે તેવી શક્યતાને પગલે પ્રયમરી કેરના એનએચએસ ડિરેક્ટર અને પ્રેક્ટિસિંગ જી.પી. ડૉ. નિકિતા કાનાણીએ લોકોને જરૂર પડે ત્યારે તબીબી સહાય લેવાની વિનંતી કરી છે. નવા આંકડા દર્શાવે છે કે દર દસમાંથી ચાર લોકો તેમના જી.પી. પાસેથી મદદ લેવા અંગે ચિંતિત છે.

કોરોનાએ આરોગ્ય સાથે સામાજિક સમસ્યાઓ પણ ઉભી કરી છે. પરિવારજનો, સગાં-વ્હાલાં-સ્વજનો વિખુટા પડી ગયા છે. કોઈના મૃત્યુ જેવા પ્રસંગોમાં પણ પરિવારજનો જઈ શકતા નથી. પરિણામે સામાજીક ખાઈ મોટી થતી જાય છે. તેની સામે કેટલાક દેશોએ સોશિયલ ગેધરિંગની વ્યબૂહરચના અપનાવી છે. બેલ્જિયમ, ન્યુઝિલેન્ડ, જર્મની જેવા દેશોએ ચાર વ્યક્તિ સુધી ભેગા થવાની છૂટ આપી છે. એટલે કે પરિવારના સભ્ય સિવાય અન્ય ચાર સુધી ભેગા થાય તો વાંધો નથી, પરંતુ એ મુલાકાત ઘરમાં જ થવી જોઈએ, કોઈએ બહાર નીકળવાની છૂટ નથી.

અમેરિકા આ અઠવાડિયે 161 ભારતીય નાગરિકોને સ્વદેશ પરત મોકલશે. તેમાંથી મોટાભાગના લોકો ગેરકાયદે મેક્સિકો સરહદેથી અમેરિકામાં ઘૂસ્યા હતા. તેમની પાસે અમેરિકામાં પ્રવેશ કરવા માટેના કોઇ દસ્તાવેજ નહોતા. એક વિશેષ વિમાનમાં તેમને પંજાબના અમૃતસર ખાતે મોકલાશે. જેમને પરત મોકલવાના છે તેમાં સૌથી વધુ 76 લોકો હરિયાણાના છે. પછી પંજાબના 56, ગુજરાતના 12, ઉત્તર પ્રદેશના પાંચ, મહારાષ્ટ્રના ચાર, કેરળ, તેલંગણ અને તમિલનાડુના બે-બે તેમ જ આંધ્ર પ્રદેશ અને ગોવાના એક-એક વ્યક્તિનો સમાવેશ થાય છે.

અમેરિકામાં ભારતીય મૂળના એક એન્જિનિયર પર નાના ઉદ્યોગોને મદદ કરવા માટે બનાવવામાં આવેલા કોરોના વાઇરસ રાહત કાર્યક્રમ હેઠળ છેતરપિંડી કરીને ૧૦ મિલિયન ડૉલરથી વધુની લોન મેળવવાનો આરોપ મૂકવામાં આવ્યો છે. ૩૦ વર્ષીય શશાંક રાયે સ્મોલ બિઝનેસ એડમિનિસ્ટ્રેશન (એસબીએ) દ્વારા કોરોના વાઇરસ સહાય, રાહત અને આર્થિક સુરક્ષા ઍક્ટ હેઠળ બે જુદી જુદી બૅંકો પાસેથી ૨૫૦ કર્મચારીઓને તે વેતન આપી રહ્યો છે એવો દાવો કરીને લાખો ડૉલરનો લોનમાફીનો દાવો કર્યો હતો, જ્યારે હકીકતમાં એક પણ કર્મચારી તેના કથિત વ્યવસાયમાં કામ કરતો નહતો.

ગુજરાતના મુખ્યપ્રધાન વિજય રૂપાણીએ રાજ્યમાં સૌ નાગરિકોનો કોરોના મહામારીના સંક્રમણ નિયંત્રણ માટેના પગલાંઓમાં સહયોગ-સહકાર માટે આભાર વ્યકત કર્યો છે. તેમણે આ સંદર્ભમાં કહ્યું કે, પ૪ દિવસથી લોકડાઉનની સ્થિતીમાં નિયમોના અનુપાલન કોરોના વોરિયર્સ એવા તબીબો, પોલીસ, નર્સ સ્ટાફ, સફાઇ કર્મીઓની સેવા ભાવનાને પણ તેમણે બિરદાવી હતી. તેમણે જણાવ્યું કે, લોકડાઉન ૧,ર અને ૩ ના નિયમોના પાલન બાદ હવે લોકડાઉન-૪ માટે કેન્દ્ર સરકારે રાજ્ય સરકારોને ગ્રીન, રેડ, યલો, ઓરેન્જ ઝોનના આધારે લોકડાઉન અનુપાલન કરવા સૂચવેલું છે.

વિજ્ઞાનીઓએ માનવમગજનો અભ્યાસ કરવા સારા ઉપકરણો શોધ્યા ત્યારથી એક વાત સ્પષ્ટ છે કે, માનવ મગજ માટે હાલમાં આપણે જેટલું જાણીએ છીએ તેનાથી પણ વધારે હજુ જાણવાનું બાકી છે. આધુનિક મગજ વિજ્ઞાન કે ન્યૂરોસાયન્સ સાથે જોડાયેલા યોગિક ફિઝિયોલોજી કે શરીરવિજ્ઞાનનું એક પાસું પીનલ ગ્લેન્ડ સાથે સંકળાયેલું છે. પીનલ ગ્લેન્ડ અંગચક્ર સાથે સંકળાયેલું હોવાનું સ્વીકારાયેલું છે. આજે ન્યૂરોસાયન્ટીસ્ટ્સ કહે છે કે, પીનલ ગ્લેન્ડમાંનો જીવનરસ જે તે વ્યક્તિના મિજાજ અને અનુભવો ઉપર નિયંત્રણ – કાબૂ રાખવાનું કામ કરે છે