લોકસભાની ચૂંટણીની તારીખની જાહેરાત પહેલા ભાજપે શનિવાર, 2 માર્ચે તેના 195 ઉમેદવારોની પ્રથમ યાદી જાહેર કરી હતી. વડાપ્રધાન નરેન્દ્ર મોદી વારાણસીથી ત્રીજી વખત ચૂંટણી લડશે. પ્રથમ યાદીમાં 34 કેન્દ્રીય પ્રધાનો નામ છે, જેમાં અમિત શાહ અને રાજનાથ સિંહ જેવા દિગ્ગજ ઉમેદવારોનો પણ સમાવેશ થાય છે. અમિત શાહ વર્તમાન ગાંધીનગર અને રાજનાથ લખનૌ બેઠક પરથી ફરીથી ચૂંટણી લડશે. ગુજરાતની 15 લોકસભા બેઠકો માટે ઉમેદવારોના નામ જાહેર કરાયા હતાં.

અમેરિકન પ્રેસિડેન્ટપદની ચૂંટણીમાં રીપબ્લિકન પાર્ટીની ઉમેદવારી માટે ડોનાલ્ડ ટ્રમ્પ સામે લડી રહેલા નિક્કી હેલીએ રવિવારે વોશિંગ્ટન ડીસીમાં પ્રેસિડેન્શિયલ પ્રાઇમરીમાં પોતાનો પ્રથમ વિજય મેળવ્યો હતો. હેલીનો દેશની રાજધાનીમાં થયેલો આ પ્રથમ પ્રતિકાત્મક વિજય અમેરિકાની લાંબી નામાંકન પ્રક્રિયામાં નિર્ણાયક દિવસ, એટલે કે સુપર ટ્યૂઝડે અગાઉ થયો છે.

અમેરિકાના ભૂતપૂર્વ પ્રેસિડેન્ટ ડોનાલ્ડ ટ્રમ્પ હાલ કાનૂની અવરોધો ભરેલા રસ્તે ચાલીને બીજીવાર પ્રેસિડેન્ટ બનવાના માર્ગે આગળ વધી રહ્યા છે ત્યારે છેલ્લા થોડા વર્ષોમાં કાનૂની કેસોના કારણે ટ્રમ્પની સંપત્તિમાં જોરદાર ઘટાડો થયો છે.

કેલિફોર્નિયાની સુપિરિયર કોર્ટના ગયા સપ્તાહના મલ્ટિબિલિયન ડોલરના એક ચુકાદા પછી પાંચ ગુજરાતી બિઝનેસમેન ભાઇઓ વચ્ચેનો 21 વર્ષ જૂનો કાનૂની વિવાદ ચર્ચાનું કેન્દ્ર બન્યો હતો.

દિલ્હી હાઈકોર્ટે યુએસમાં રહેતા ભારતીય દંપતીને તેમના લગ્નની નોંધણી કરાવવા માટે વીડિયો કોન્ફરન્સિંગ દ્વારા હાજર રહેવાની મંજૂરી આપી હતી. કોર્ટે દંપતીને સાન ફ્રાન્સિસ્કો ખાતેના ભારતના કોન્સ્યુલેટ જનરલ સમક્ષ હાજર થવા અને પરિસરમાંથી વીડિયો કોન્ફરન્સમાં જોડાવાનો આદેશ આપ્યો હતો.

તાજેતરના મહિનાઓમાં અમેરિકામાં ભારતીયો અને ભારતીય-અમેરિકનો પરના વધુ એક જીવલેણ હુમલામાં ભારતના 34 વર્ષીય ક્લાસિકલ ડાન્સર અને વોશિંગ્ટન યુનિવર્સિટીના વિદ્યાર્થીની મિઝોરી રાજ્યના સેન્ટ લુઇસ શહેરમાં ગોળી મારીને હત્યા કરાઈ હતી.

લોકસભાની ચૂંટણી પહેલા ઉત્તરપ્રદેશ, હિમાચલપ્રદેશ અને કર્ણાટકમાં રાજ્યસભાની કુલ 15 બેઠકો માટે યોજાયેલી ચૂંટણીમાં મોટાપાયે કોસ વોટિંગ થયું હતું અને તેનો ફાયદો ભાજપને થયો હતો.

આગામી એપ્રિલ-મે મહિનામાં યોજાનારી લોકસભાની ચૂંટણી માટે ભાજપે શનિવાર, 2 માર્ચે તેના કુલ 195 ઉમેદવારોની યાદી જાહેર કરી હતી. આમાંથી ગુજરાતની કુલ 26 લોકસભા બેઠકમાંથી 15 બેઠકો માટેના ઉમેદવારોના નામ જાહેર કર્યા હતા.

ગુજરાત કોંગ્રેસના વરિષ્ઠ નેતા અને પોરબંદરના ધારાસભ્ય અર્જુન મોઢવાડિયાએ ચાર માર્ચે રાજ્ય વિધાનસભામાંથી ધારાસભ્ય તરીકે રાજીનામું આપ્યું હતું. ગુજરાત કોંગ્રેસના ભૂતપૂર્વ પ્રમુખ મોઢવાડિયા આગામી થોડા દિવસોમાં ભાજપમાં જોડાય તેવી શક્યતા છે.

ભારતના ટોચના ઉદ્યોગપતિ મુકેશ અંબાણીના પુત્ર અનંત અંબાણીના રાધિકા મર્ચન્ટ સાથેના લગ્નના પ્રિ-વેડિંગ ફંક્શનની જામનગરમાં ધામધૂમથી ઊજવણી થઈ હતી.