ઊંચા ફુગાવા અને ઊંચા જીવનખર્ચની કટોકટી વચ્ચે બ્રિટનનું અર્થતંત્ર ગયા વર્ષના અંત ભાગમાં મંદીમાં સપડાયું હતું. ચૂંટણી પહેલા આ નવા આર્થિક ડેટાથી વડાપ્રધાન ઋષિ સુનકને ફટકો પડ્યો હતો. 2020ના પ્રથમ છ મહિના પછી અર્થતંત્ર પ્રથમ વખત મંદીમાં આવ્યું છે. 2020ના પ્રારંભમાં કોરોના મહામારીથી અર્થતંત્રને ફટકો પડ્યો હતો. ઓફિસ ફોર નેશનલ સ્ટેટિસ્ટિક્સ (ONS)એ એક નિવેદનમાં જણાવ્યું હતું કે 2023ના ચોથા ક્વાર્ટરમાં ગ્રોસ ડોમેસ્ટિક પ્રોડક્ટ (જીડીપી)માં 0.3 ટકાનો ઘટાડો થયો હતો. અગાઉના ત્રણ મહિનામાં જીડીપીમાં 0.1 ટકાનો ઘટાડો થયો હતો. સતત બીજા ક્વાર્ટરમાં જીડીપીમાં ઘટાડાને પગલે અર્થતંત્ર મંદીમાં આવ્યું છે. સામાન્ય રીતે સતત બે ક્વાર્ટર માટે જીડીપીમાં ઘટાડો થાય ત્યારે તેને મંદી કહેવામાં આવે છે.

વડા પ્રધાન નરેન્દ્ર મોદી અને સંયુક્ત આરબ અમીરાત (UAE)ના વાઇસ પ્રેસિડન્ટ મોહમ્મદ બિન રશીદે બુધવારે દુબઈના જેબેલ અલી ફ્રી ટ્રેડ ઝોનમાં રિટેલ, વેરહાઉસિંગ અને લોજિસ્ટિક્સ સુવિધાઓને માટે ભારત માર્ટ નામના મેગા પ્રોજેક્ટ્સનો વર્ચ્યુઅલ શિલાન્યાસ કર્યો હતો. ભારત માર્ટનું નિર્માણ ડીપી વર્લ્ડ કરશે અને તે 2025 સુધી કાર્યરત બનવાની સ્પર્ધાનો છે. આ પ્રોજેક્ટને દુબઇમાં ડ્રેગન માર્ટને ટક્કર આપશે. ભારત માર્ટ એક વેરહાઉસિંગ સુવિધા છે, જે ભારતીય MSME કંપનીઓ માટે ઉપલબ્ધ રહેશે. તે ભારતની નિકાસને પ્રોત્સાહન આપવામાં મહત્વની ભૂમિકા ભજવશે. આ ભારતીય MSME ક્ષેત્રને આંતરરાષ્ટ્રીય ખરીદદારો સુધી પહોંચવામાં મદદ કરશે. આ પ્રોજેક્ટનો હેતુ UAEમાં ભારતીય પ્રોડક્ટ્સને પ્રોત્સાહન આપવાનો છે.

આર્થિક સંકટ, કાનૂની કેસો અન્ય અવરોધનો સામનો કરી રહેલી ભારતની નો ફ્રિલ્સ એરલાઈન્સ સ્પાઇસજેટે આગામી દિવસોમાં ઓછામાં ઓછા 1000 કર્મચારીઓને છટણી કરવાની યોજના બનાવી છે, એમ મંગળવારે અધિકારીઓએ જણાવ્યું હતું. કંપનીના પ્રવક્તાએ જણાવ્યું હતું કે, એરલાઈન્સે ખર્ચમાં કાપ મૂકવા અને પોતાના ઓછા વિમાનોનું સંચાલન સુવ્યવસ્થિત કરવાના દિશામાં આગળ વધવા માટે આ નિર્ણય લીધો છે. મીડિયા રિપોર્ટ અનુસાર સ્પાઇસ જેટ એક વર્ષમાં ખર્ચમાં રૂ.100 કરોડનો કાપ કરશે. કેટલાં કર્મચારીઓએ નોકરી ગુમાવવી પડશે તેનો નિર્ણય સપ્તાહના અંતમાં લેવાશે. પ્રવક્તાએ જણાવ્યું હતું કે, કંપની આર્થિક સંકટ, કાયદાકીય લડાઇ તથા અન્ય પ્રતિકૂળ પરિસ્થિતિઓનો સામનો કરી રહી છે, જેના કારણે વધુમાં વધુ કર્મચારીઓને નોકરી છોડવાનું કહી શકે છે, કારણ કે હાલ જેટલા વિમાનો છે, તેની સરખામણીમાં કર્મચારીઓની સંખ્યા વધુ છે.

બાફ્ટા એવોર્ડમાં ‘ઓપનહાઇમર’ અને ‘પૂઅર થિંગ્સ’ છવાયા

લંડનમાં 18 ફેબ્રુઆરી 2024એ યોજાયેલા બાફ્ટા ફિલ્મ એવોર્ડ સમારંભમાં કુલ સાત એવોર્ડ મેળવી ક્રિસ્ટોફર નોલાનની મૂવી “ઓપનહાઇમર”એ છવાઈ ગઈ હતી. અણુ બોમ્બની બનાવવા પર કેન્દ્રિત આ ફિલ્મે આગામી ઓસ્કાર પોતાની મજબૂત દાવેદારી રજૂ કરી દીધી હતી. બોલિવૂડ અભિનેત્રી દીપિકા પાદુકોણનો સમારંભમાં પ્રેઝન્ટર તરીકે પ્રથમ વખત હાજરી આપી હતી. આ વર્ષે કોઈ ભારતીય ફિલ્મને બાફ્ટામાં નોમિનેશન મળ્યું ન હતું. પ્રિન્સ વિલિયમ પણ BAFTA ફિલ્મ એવોર્ડ સમારોહમાં હાજરી આપી હતી, તેમણે કહ્યું કે તેઓ ક્રિસ્ટોફર નોલાનના “મોટા ચાહક” છે અને તેમને ઓપેનહાઇમર પસંદ છે.

અમિતાભ-જયા બચ્ચન પાસે રૂ.1,578 કરોડની સંપત્તિ

સમાજવાદી પાર્ટીએ પીઢ અભિનેત્રી અને રાજકારણી જયા બચ્ચનને રાજ્યસભામાં સતત પાંચમી મુદત માટે ઉમેદવાર બન્યા છે. જયા 2004થી સપાના સભ્ય છે. તેમણે 13 ફેબ્રુઆરીના રોજ પોતાનું ઉમેદવારી પત્ર સબમિટ કર્યું હતું. અહેવાલો અનુસાર પદ્મશ્રી પુરસ્કાર વિજેતા જયાએ જાહેર કર્યું કે તેમની અને તેમના પતિ અમિતાભ બચ્ચનની કુલ સંપત્તિ રૂ. 1,578 કરોડ છે. જયા બચ્ચનની ચૂંટણી એફિડેવિટ મુજબ 2022-23માં જયા બચ્ચનની કુલ સંપત્તિ રૂ.1.64 કરોડ છે અને અમિતાભ બચ્ચનની રૂ. 273.75 કરોડ હતી. જયા અને અમિતાભ પાસે કુલ રૂ.849.11 કરોડની જંગમ સંપત્તિ અને રૂ.729.77 કરોડની સ્થાવર સંપત્તિ છે. જયા બચ્ચનનું બેંક બેલેન્સ 10,11,33,172 રૂપિયા છે, જ્યારે અમિતાભ બચ્ચનનું બેંક બેલેન્સ 120,45,62,083 રૂપિયા છે. તેમની પાસે રૂ.40.97 કરોડની જ્વેલરી અને રૂ.9.82 લાખની કિંમતનું ફોર વ્હીલર છે.

‘દંગલ’ની અભિનેત્રી સુહાની ભટનાગરનું 19 વર્ષની ઉંમરે અવસાન

આમિર ખાન સ્ટારર રેસલિંગ ડ્રામા ‘દંગલ’માં યુવા બબીતા ​​ફોગટની ભૂમિકા ભજવનાર અભિનેત્રી સુહાની ભટનાગરનું 16 ફેબ્રુઆરીએ દિલ્હીમાં માત્ર 19 વર્ષની ઉંમરે અવસાન થયું હતું. તેના પરિવારે જણાવ્યું હતું કે તે ડર્માટોમાયોસિટિસથી પીડિત હતી. આ એક દુર્લભ બિમારી છે, જેનાથી ત્વચા પર ફોલ્લીઓ અને સ્નાયુઓમાં નબળાઇ આવે છે. 19 વર્ષીય અભિનેત્રીને 7 ફેબ્રુઆરીના રોજ ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સમાં દાખલ કરાઈ હતી અને મેડિકલ કોમ્પ્લીકેશન પછી 16 ફેબ્રુઆરીના રોજ તેનું મૃત્યુ થયું હતું. પરિવારે જણાવ્યું હતું કે બે મહિના પહેલા આ બિમારીના લક્ષણો દેખાયા હતાં અને માત્ર દસ દિવસ પહેલા જ રોગનું નિદાન થયું હતું. સુહાનીની માતા પૂજા ભટનાગરે જણાવ્યું હતું કે “લગભગ બે મહિના પહેલા તેના હાથ પર લાલ ડાઘ દેખાયા હતા. અમે અલગ-અલગ હૉસ્પિટલમાં ડૉક્ટરોની સલાહ લીધી હતી પરંતુ તેનું નિદાન થઈ શક્યું ન હતું.”