યુએઈના અબુ ધાબીમાં બુધવારે BAPS ના ભવ્ય હિંદુ મંદિરના શાનદાર ઉદઘાટન સમારંભની તડામાર તૈયારીઓ થઈ રહી છે. મંદિરનું ઉદઘાટન ભારતના વડા પ્રધાન નરેન્દ્ર મોદી કરવાના છે અને તેઓ પણ મંગળવારે એ માટે યુએઈ આવી પહોંચે તેવી ધારણા છે. BAPSના વડા, પ. પૂ. શ્રી મહંત સ્વામી અબુ ધાબી પહોંચી ગયા છે અને તેમણે તથા મંદિર પ્રોજેક્ટની દેખરેખ રાખી રહેલા BAPSના અગ્રણી સ્વામી બ્રહ્મવિહારી દાસે સોમવારે તેઓએ 42 દેશોના રાજદૂતો તેમજ તેમના અર્ધાંગિનીઓને મંદિરનું પૂર્વાવલોકન પણ કરાવ્યું હતું. ભારત, બ્રિટન, અમેરિકા સહિતના દેશોમાંથી સંખ્યાબંધ હરિભક્તો પણ આ ખાસ અવસર માટે અબુ ધાબી પહોંચી ગયા છે અને મંદિરનું સ્વપ્ન સાકાર થવાનો જબરજસ્ત ઉત્સાહ અને શ્રદ્ધાથી માહોલ મહેકી રહ્યો છે.

યુએસ સિટિઝનશિપ એન્ડ ઇમિગ્રેશન સર્વિસિસ (USCIS)ના તાજેતરમાં જારી કરાયેલા 2023ના વાર્ષિક પ્રગતિ અહેવાલ મુજબ 2023માં ભારતના આશરે 59,000 લોકો કાયદેસર રીતે અમેરિકાના નાગરિકો બન્યાં હતા. આમ ભારતે અમેરિકામાં નવા નાગરિકોના સ્રોત તરીકે મેક્સિકો પછી બીજું સ્થાન હાંસલ કર્યું હતું.

અમેરિકામાં ભારતીય વિદ્યાર્થીઓની સુરક્ષા અંગે ચિંતા ઊભી થાય તેવી ઘટનાઓ વધી રહી છે. ઇન્ડિયાનામાં પરડ્યુ યુનિવર્સિટીમાં એક ભારતીય ડોક્ટરલ ઉમેદવાર મૃત હાલતમાં મળી આવ્યો હતો, જ્યારે અન્ય એક ભારતીય આઇટી વિદ્યાર્થી પર શિકાગોમાં તેના ઘરની નજીક નિર્દયતાથી હુમલો કરાયો હતો.

કેનેડાના બ્રેમ્પટનમાં ગુરુવારે વહેલી સવારે થયેલા એક કાર એક્સિડન્ટમાં ત્રણ ભારતીય યુવાનોના મોત થયા હતા. તેમાંથી બે યુવાનો સગા ભાઈ છે. મૃતકોની ઓળખ રિતિક છાબરા (23) તેના નાના ભાઈ રોહન છાબરા (22) અને તેમના મિત્ર ગૌરવ ફાસગે (24) તરીકે થઈ હતી.

બ્રિટનના વડાપ્રધાન ઋષિ સુનક સામે તેમના સસરા નારાયણમૂર્તિની કંપની ઇન્ફોસિસને મદદ કરવાનો આક્ષેપ વિરોધ પક્ષે કર્યો છે. બ્રિટિશ મીડિયાના રિપોર્ટ અનુસાર, સુનકની કન્ઝર્વટિવપાર્ટીના ટ્રેડ મિનિસ્ટર લોર્ડ જોનસન ગયા વર્ષ ભારત ગયા હતા. આ દરમિયાન તેઓ ઇન્ફોસિસ કંપનીના અધિકારીઓને પણ મળ્યા હતા.

ઇસ્કોન બેંગલુરૂ દ્વારા ઉત્તર પ્રદેશમાં મથુરાની ભગવાન કૃષ્ણની પાવન નગરી વૃંદાવનમાં શ્રી કૃષ્ણના ગગનચુંબી મંદિર – વૃંદાવન ચંદ્રોદય મંદિરનું નિર્માણ કરવામાં આવી રહ્યું છે. આ ભવ્ય મંદિર 70 માળ અથવા આશરે 210 મીટર ઊંચું હશે. નિર્માણ કાર્ય પૂર્ણ થયા પછી તે વિશ્વનું સૌથી ઊંચું ધર્મસ્થાન બની રહેશે.

કતારમાં જાસૂસીના આરોપસર ફાંસીની સજા પામેલા ભારતીય નૌકાદળના આઠ માજી સૈનિકોને મુક્ત કરાવવામાં ભારતને મોટી રાજદ્રારી સફળતા મળી છે. કતાર સરકારે આ તમામ માજી સૈનિકોને જેલમાંથી મુક્ત કર્યા છે અને તેમાંથી સાત સૈનિકો ભારત પરત આવી ગયા છે.

​​બેરિસ્ટર વરુણ ઘોષે ભગવદ ગીતા પર હાથ રાખીને શપથ લેનાર ભારતીય મૂળના પ્રથમ ઓસ્ટ્રેલિયન સંસદ સભ્ય બનીને ઈતિહાસ રચ્યો હતો. વરુણ ઘોષ પર્થ સ્થિત વકીલ છે, જેઓ માત્ર 17 વર્ષના હતા ત્યારે ભારતમાંથી માઇગ્રેટ થયા હતા.

વડાપ્રધાન નરેન્દ્ર મોદીએ શનિવાર, 10 ફેબ્રુઆરીએ ગુજરાતમાં પ્રધાનમંત્રી આવાસ યોજના (PMAY) હેઠળ કુલ રૂ.2,993 કરોડના 1.3 લાખ મકાનોનું વર્ચ્યુઅલ ઉદ્ઘાટન અને શિલાન્યાસ કર્યો હતો.

ગુજરાતના કૃષિ પ્રધાન રાઘવજી પટેલને શનિવારે રાત્રે બ્રેઈન સ્ટ્રોક આવતા તેમને જામનગરથી રાજકોટની હોસ્પિટલમાં સારવાર માટે ખસેડવામાં આવ્યા હતા. તેમની તબિયત સ્થિર હોવાનું માનવામાં આવે છે.

ઓસ્ટ્રેલિયન ક્રિકેટ માટે માટે છેલ્લા 12 મહિના શાનદાર રહ્યા છે. વિતેલા વર્ષમાં તેની મહિલા, પુરૂષોની ટીમ તથા છેલ્લે કિશોરોની અંડર 19 ટીમે વર્લ્ડ ચેમ્પિયનના ટાઈટલ હાંસલ કરી એક સાથે ચાર આઈસીસી ટાઈટલમાં વિજેતા બનવાનો એક વિશિષ્ટ વર્લ્ડ રેકોર્ડ કર્યો છે.

ભારતના ઓલિમ્પિક અને વર્લ્ડ ચેમ્પિયન જેવેલિન થ્રોઅર (ભાલા ફેંક) એથ્લેટ નીરજ ચોપરાને સ્વિટ્ઝર્લેન્ડના જંગફ્રાઉજોકના પ્રખ્યાત આઇસ પેલેસમાં પ્લેકનું વિશિષ્ટ સન્માન અપાયું છે. તેને સ્વિટ્ઝર્લેન્ડનો ફ્રેન્ડશિપ એમ્બેસેડર પણ બનાવાયો છે.

ભારતના રેકોર્ડ હોલ્ડર બેટર વિરાટ કોહલીએ અંગત કારણોસર ઈંગ્લેન્ડ સામેની બાકીની ત્રણ ટેસ્ટ મેચમાં પણ નહીં રમવા વિનંતી કરી હતી, જે ક્રિકેટ બોર્ડે માન્ય રાખી સીરીઝની છેલ્લી ત્રણ ટેસ્ટ મેચ માટેની ટીમની જાહેરાત ગયા સપ્તાહે કરી હતી.