વિશ્વભરમાં યુએસ ડોલરનું વર્ચસ્વ હોવા છતાં ફોર્બ્સની વિશ્વના સૌથી મજબૂત ચલણની યાદીમાં કુવૈતી દિનારને પ્રથમ ક્રમ આપવામાં આવ્યો છે, જ્યારે બહેરીનો દિનાર અને ઓમાનનો રિયાલ બીજા અને ત્રીજા સ્થાને છે. આ યાદીમાં અમેરિકાનો ડોલર છેક 10માં ક્રમે અને યુકેનો પાઉન્ડ છઠ્ઠા ક્રમે છે. ટોપ 10 કરન્સીમાં ભારતના રૂપિયાને સ્થાન મળ્યું નથી. વિશ્વની ટોપ ટેન કરન્સીમાં અનુક્રમે કુવૈતી દિનાર, બહરાઇની દિનાર, ઓમાની રિયાલ, જોર્ડન દિનાર, જીબ્રાલ્ટર પાઉન્ડ, બ્રિટિશ પાઉન્ડ, કેમેન આઇલેન્ડ ડોલર, સ્વિસ ફ્રાન્ક, યુરો અને અમેરીકી ડોલરનો સમાવેશ થાય છે. ઓમાનનું રિયાલ એક પાવરફૂલ કરન્સી છે, જેની વેલ્યૂ 2.60 ડોલર અથવા 215 રૂપિયા થાય છે.

યુરોપની અગ્રણી વિમાન ઉત્પાદક કંપની એરબસે આગામી વર્ષમાં ભારતમાંથી તેના પાર્ટની ખરીદીને બમણી કરીને 1.5 બિલિયન ડોલર કરવાની યોજના બનાવી છે. કંપનીના ઇન્ડિયા ચીફે ગુરુવારે આ અંગેની માહિતી જાહેર કરી હતી. કંપની વિશ્વના સૌથી વધુ ઝડપથી વિકસતા બજારના એવિયેશન માર્કેટનો લાભ લેવા માગે છે. ઇન્ડિગો, એર ઇન્ડિયા અને અકાસા જેવી ભારતની એરલાઇન્સે કંપનીને મોટા ઓર્ડર આપેલે છે. તેથી કંપની ભારતમાં પાર્ટ ઉત્પાદનને વેગ આપવા માગે છે. એરબસના ભારતમાં 40થી વધુ સપ્લાયર્સ ધરાવ છે, જેમાં ટાટા એડવાન્સ સિસ્ટમ્સ અને મહિન્દ્રા એરોસ્પેસનો સમાવેશ થાય છે.

દાવોસના વર્લ્ડ ઇકોનોમિક ફોરમ (WEF)માં આઇએમએફના ગીતા ગોપીનાથે જણાવ્યું હતું કે ફુગાવા સામેની લડત હજુ પૂરી થઈ નથી અને વ્યાજદર ઊંચા રહેવાનો અંદાજ છે. ચાલુ વર્ષેના બીજા અર્ધવાર્ષિક ગાળામાં વ્યાજદર ઘટવાની શક્યતા વધુ છે. ભારતના કેન્દ્રીય પ્રધાન હરદીપ પુરીએ પણ દાઓસમાં વિશ્વાસ વ્યક્ત કર્યો હતો કે, ભારત ૨૦૨૮થી બહુ પહેલાં પાંચ ટ્રિલિયન ડોલરનું અર્થતંત્ર બનશે. આઇએમએફના પ્રથમ ડેપ્યુટી એમડી ગીતા ગોપીનાથે જણાવ્યું હતું કે, “બજારોને આશા છે કે મધ્યસ્થ બેન્કો વ્યાજદર ઘટાડવા માટે આક્રમક વલણ અપનાવશે. જોકે, મને લાગે છે કે અત્યારથી આવો અંદાજ બાંધવો ઘણો વહેલો છે. ચાલુ વર્ષે વ્યાજદરમાં ઘટાડો થવાનો અંદાજ છે, પણ અમે અત્યારે જે ડેટા જોઈ રહ્યા છીએ તેના આધારે વર્ષના બીજા અર્ધવાર્ષિક ગાળામાં વ્યાજદર ઘટવાની શક્યતા વધારે છે.”

તાતા સ્ટીલ કંપનીએ યુકેના પોર્ટ ટાલ્બોટ પ્લાન્ટની બ્લાસ્ટ ફર્નેસ (ભઠ્ઠીઓ) બંધ કરવાનો નિર્ણય લીધો હોવાથી 2,800થી વધુ કર્મચારીઓને છુટા કરાશે. કંપનીએ જણાવ્યું હતું કે, કુલ છટણીમાંથી 2500 કર્મચારીઓને આવનારા 18 મહિનામાં છૂટા કરવામાં આવશે. જ્યારે વધુ ૩૦૦ નોકરીઓ ત્રણ વર્ષમાં ઘટાડાશે. તાતા સ્ટીલે જણાવ્યું હતું કે, નોકરીઓમાં કાપ અંગે ટૂંક સમયમાં ચર્ચા શરૂ થશે. જોકે, કંપનીએ તેના સમય અંગે કોઈ માહિતી આપી ન હતી. નોકરી ગુમાવનારા કર્મચારીઓને 13 કરોડ પાઉન્ડથી વધુનું સપોર્ટ પેકેજ આપવામાં આવશે. કંપનીએ જણાવ્યું હતું કે, પ્રથમ ફર્નેસ 2024ના મધ્ય ભાગમાં બંધ કરાશે. બાકીની કામગીરી વર્ષના બીજા અર્ધવાર્ષિક ગાળામાં બંધ કરાશે. નોકરીઓમાં ઘટાડો કરારનો ભાગ છે પણ સરકાર સાથેની સમજૂતીને પગલે યુકેના 5,૦૦૦ કર્મચારીઓની છટણી નહીં કરાય.

ડિજિટલ પ્લેટફોર્મ પર નવા વર્ષે નવા મનોરંજનની ભરમાર

ભારતમાં મનોરંજન ક્ષેત્રે હિન્દી અને સાઉથ ઇન્ડિયાની ફિલ્મોનો દબદબો જોવા મળી રહ્યો છે. હવે થોડા વર્ષથી ડિજિટલ પ્લેટફોર્મ પર વેબસીરિઝનો જમાનો આવ્યો છે. અહીં એવી અનેક વેબસીરિઝ ઉપલબ્ધ છે કે તે દર્શકોને જકડી રાખે છે. નવા વર્ષનો પ્રારંભ થઇ ચૂક્યો છે ત્યારે આ પ્લેટફોર્મ હવે નવું ઘણું મનોરંજન પીરસાશે. ઇન્ડિયન પોલીસ ફોર્સઃ ભારતમાં પોલીસ ખાતાની સિરીઝ અને ફિલ્મોને દર્શકો પસંદ કરે છે. તેમાં પોલીસની સકારાત્મક અને નકારાત્મક બંને પ્રકારની ભૂમિકા જોવા મળે છે. રોહિત શેટ્ટી નિર્મિત સુશ્વાંત પ્રકાશે દિગ્દર્શિત નવી સિરીઝ ‘ઇન્ડિયન પોલીસ ફોર્સ’

‘મૈં અટલ હું’માં પંકજ ત્રિપાઠીની પડકારજનક ભૂમિકા

વેબ સીરિઝ અને હિન્દી ફિલ્મોમાં પોતાનું સ્થાન મજબૂત બનાવી રહેલા પંકજ ત્રિપાઠીની નવી ફિલ્મ ‘મૈં અટલ હું’ તાજેતરમાં રીલીઝ થઇ હતી. ભૂતપૂર્વ વડાપ્રધાન સ્વ. અટલબિહારી વાજપેયીના જીવન આધારિત આ ફિલ્મમાં વાજપેયીજીના રાજકીય જીવનને દર્શાવવામાં આવ્યું છે. તેમાં ગાંધીજીની હત્યાથી લઇને કારગિલ યુદ્ધ સુધીની ઐતિહાસિક ઘટનાઓ અને વાજપેયીજીના રાજકીય સંઘર્ષને રજૂ કરાયો છે.

મુંબઈની જગ્યાએ ગુજરાતમાં ફિલ્મફેર એવોર્ડ્સ યોજવાના મુદ્દે વિવાદ

આ વખતે મુંબઈની જગ્યાએ ગુજરાતના ગાંધીનગરમાં ફિલ્મફેર એવોર્ડ યોજવાના મુદ્દે વિવાદ ઊભો થયો છે. મહારાષ્ટ્રના વિરોધ પક્ષોએ આક્ષેપ કર્યો છે કે મુંબઈના મહત્ત્વમાં ઘટાડો કરવાનો અને ફિલ્મ ઉદ્યોગને બહાર ખસેડવાનો આ એક પ્રયાસ છે. પરંપરાગત રીતે ફિલ્મફેર એવોર્ડ મુંબઈમાં યોજાતો હોય છે, પરંતુ આ વખતે ગુજરાત ટુરિઝમના સહયોગમાં 27-28 જાન્યુઆરીએ ગાંધીનગરમાં 69મો ફિલ્મફેર એવોર્ડ યોજાવાનો છે. રાજ્યની વિધાનસભામાં વિપક્ષના કોંગ્રેસી નેતા વિજય વડેટ્ટીવારે જણાવ્યું હતું કે બોલિવૂડ અને મુંબઈ વચ્ચે અતૂટ બંધન છે. મુંબઈની બહાર ફિલ્મફેર પુરસ્કારોનું આયોજન કરવાનો નિર્ણય મુંબઈનું મહત્વ ઘટાડવાનો અને ફિલ્મ ઉદ્યોગને શહેરની બહાર લઈ જવાનો પ્રયાસ છે.

ફિલ્મ રીવ્યૂઃ મેરી ક્રિસમસ

દિગ્દર્શક શ્રીરામ રાઘવનની નવી સસ્પેન્સ-થ્રીલર ફિલ્મ ‘મેરી ક્રિસમસ’માં કેટરીના કૈફ મુખ્ય ભૂમિકામાં છે. ફિલ્મની વાર્તા મુજબ ક્રિસમસની એક અંધારી કાળી રાતે બે અજાણ્યા વ્યક્તિઓની મુલાકાત થાય છે. મારિયા (કેટરિના કૈફ) અને આલ્બર્ટ (વિજય સેતુપતિ) એકબીજાને મળે છે. ક્રિસમસ પર આખું શહેર ઝગમગી રહ્યું છે. આ એ વખતનું મુંબઈ છે જ્યારે તે બોમ્બેના નામે જાણીતું હતું. આલ્બર્ટ સાત વર્ષ પછી પોતાના ઘરે પાછો આવ્યો છે. પરંતુ ક્રિસમસની રાત્રે ઘરમાં મૃત મમ્મીને યાદ કરીને ઉદાસ થવાના બદલે તે શહેરમાં ફરવા નીકળી પડે છે. એ વખતે એક રેસ્ટોરાંમાં પોતાની દીકરી અને તેના ટેડીબેર સાથે એકલી બેઠલી મારિયા સાથે તેની મુલાકાત થાય છે. પરિસ્થિતિ એવી ઊભી થાય છે કે આલ્બર્ટ મારિયા તરફ આકર્ષાય છે.