ભારતની આઝાદીના 75 વર્ષની ઉજવણીના ભાગરૂપે સિટી ઓફ લંડન કોર્પોરેશને 13 ડિસેમ્બરના રોજ શહેરમાં આવેલ ભારતીય બેંકોના આઠ વરિષ્ઠ અધિકારીઓને ‘ફ્રીડમ ઓફ સીટી એવોર્ડ’ એનાયત કરી સન્માનિત કર્યા હતા. આ એવોર્ડ યુકે અને ભારતના નાણાકીય સેવા ક્ષેત્રો વચ્ચેના નોંધપાત્ર વેપાર સંબંધોને માન્યતા આપે છે. ‘ફ્રીડમ ઓફ સીટી એવોર્ડ’ મેળવનાર અધિકારીઓમાં સુધીર કુમાર શર્મા (સ્ટેટ બેંક ઓફ ઈન્ડિયા); મધુર કુમાર (બેંક ઓફ બરોડા); મનીષ ગુપ્તા (બેન્ક ઓફ ઈન્ડિયા); અશોક કુમાર વર્તિયા (એક્સપોર્ટ-ઈમ્પોર્ટ બેંક ઓફ ઈન્ડિયા); શારુખ ટી વાડિયા (ઇન્ડસઇન્ડ બેંક); રાકેશ કુમાર (ઇન્ડિયા ઇન્ફ્રાસ્ટ્રક્ચર ફાઇનાન્સ કંપની); લોકનાથ મિશ્રા (ICICI બેંક) અને અને અરવિંદ કુમાર ચૌધરી (યુનિયન બેંક ઓફ ઈન્ડિયા)નો સમાવેશ થાય છે.

એક નાટકીય ઘટનાક્રમમાં અમદાવાદથી મુસાફરો લઇને દુબઇ ગયેલી સ્પાઇસજેટની ફ્લાઇટ્ને લેન્ડિંગ માટે દુબઈના મુખ્ય એરપોર્ટના બદલે બાજુમાં આવેલા, બહુ ઓછા ઉપયોગમાં લેવાતા અલ મકતુમ એરપોર્ટ ઉપર ડાઇવર્ટ કરાઈ હતી અને 30 નવેમ્બરના રોજ વિમાન દુબઈની કોર્ટના એક આદેશને પગલે જપ્ત કરાયું હતું. તમામ મુસાફરોને નીચે ઉતારી દેવામાં આવ્યા હતાં. જોકે પછીથી આઠ ડિસેમ્બરે વિમાનને મુક્ત કરાયું હતું. સ્પાઈસજેટની ફલાઈટ એસજી-15 અમદાવાદથી 30 નવેમ્બરે સવારે 12.12 વાગ્યે દુબઈ માટે રવાના થઈ હતી. દુબઈ ઈન્ટરનેશનલ એરપોર્ટથી લગભગ 10 મિનિટ દૂર તેને દુબઈના બીજા અને ઓછા વ્યસ્ત એરપોર્ટ અલ મકતુમ ઈન્ટરનેશનલ (દુબઇ વર્લ્ડ સેન્ટર) તરફ વાળવાની સૂચના આપવામાં આવી હતી.

સ્ટીલ માંધાતા અને JSW ગ્રુપના 64 વર્ષીય મેનેજિંગ ડાયરેક્ટર સજ્જન જિંદાલ સામે 30 વર્ષની એક અભિનેત્રીએ બળાત્કારની ફરિયાદ દાખલ કરતા કોર્પોરેટ જગતમાં ચકચાર મચી હતી. બોમ્બે હાઇકોર્ટના આદેશ પછી મુંબઈ પોલીસે 13 ડિસેમ્બરે FIR દાખલ કરી હતી. જોકે સજ્જન જિંદાલે રવિવારે (17 ડિસેમ્બર) તેમના પર લાગેલા બળાત્કારના આરોપોને ફગાવી દીધા હતા. સજ્જન જિંદાલે જારી કરેલા નિવેદનમાં કહેવામાં આવ્યું હતું કે ‘સજ્જન જિંદાલ આ ખોટા અને પાયાવિહોણા આરોપોને નકારી કાઢે છે. તેઓ સમગ્ર તપાસમાં સંપૂર્ણ સહકાર આપવા પ્રતિબદ્ધ છે. તપાસ ચાલુ હોવાથી અમે આ તબક્કે વધુ ટિપ્પણી કરવાનું ટાળીશું. અમે તમને પરિવારની ગોપનીયતાનો આદર કરવા વિનંતી કરીએ છીએ.

સુરતને ગયા સપ્તાહે બે વિશ્વ કક્ષાની નવી સુવિધાઓ મળી, જે ફક્ત સુરત શહેર જ નહીં પણ સુરત, નવસારી, ભરૂચ, વલસાડ વિસ્તારમાં વિકાસને નવો વેગ આપશે. વડાપ્રધાન નરેન્દ્ર મોદીએ સુરતમાં વિશ્વ કક્ષાના નવા ડાયમન્ડ બુર્સની આધુનિક સુવિધાઓથી સભર બિલ્ડિંગનું ઉદઘાટન કર્યું હતું તો એ પહેલા સુરત એરપોર્ટના નવા ટર્મિનલ બિલ્ડિંગનું પણ ઉદઘાટન કર્યું હતું. એ સાથે કેન્દ્રીય કેબિનેટે સુરત એરપોર્ટને ઈન્ટરનેશનલ એરપોર્ટનો દરજ્જો પણ આપ્યો હતો.

ગ્લોબલ એશિયન સેલિબ્રિટી લિસ્ટ 2023માં શાહરૂખ ખાન ટોચના સ્થાને

ભારતના ફિલ્મ ઉદ્યોગમાં કિંગ ખાન તરીકે ઓળખાતો બોલિવૂડ સુપરસ્ટાર શાહરૂખ ખાન બુધવારે યુકેમાં ‘વિશ્વની ટોચની 50 એશિયન સેલિબ્રિટીઝ’ની યાદીમાં મોખરે રહ્યો હતો. શુક્રવારે યુકેના સાપ્તાહિક ‘ઈસ્ટર્ન આઈ’ દ્વારા પ્રકાશિત આ વાર્ષિક યાદીમાં તીવ્ર સ્પર્ધાનો સામનો કરીને શાહરુખ ટોચના સ્થાને ઊભર્યો હતો. આ વર્ષે એક્શન થ્રિલર ‘પઠાન’ અને ‘જવાન’ સાથે બોક્સ-ઓફિસ પર બેવડી સફળતા મેળવનાર 58 વર્ષીય અભિનેતા હાલમાં કોમેડી ડ્રામા ‘ડંકી’ની ક્રિસમસ રિલીઝની તૈયારી કરી રહ્યો છે. આ યાદીનું સંકલન કરનારા ‘ઈસ્ટર્ન આઈ’ના એન્ટરટેઈનમેન્ટ એડિટર અસજદ નઝીરે જણાવ્યું હતું કે

2023માં શાહરૂખ, સની દેઓલ, રજનીકાંત અને રણબીરની ફિલ્મોનો દબદબો

બોલીવૂડ માટે 2023નું વર્ષ ખૂબ જ શુકનવંતુ રહ્યું હતું. બોક્સઓફિસ પર નવા રેકોર્ડ બનવાની સાથે નિર્માતાના આત્મવિશ્વાસમાં વધારો થયો છે. રણબીર કપૂરની ‘એનિમલ’ સહિત પાંચ ફિલ્મોએ આ વર્ષે ડિસેમ્બર 10 સુધીમાં વૈશ્વિક બોક્સઓફિસ પર રૂ. 650 કરોડથી વધુનો બિઝનેસ કર્યો હતો. આ મહિનામાં બે બિગ બજેટ ફિલ્મોની આતુરતાથી રાહ જોવાઈ રહી છે. જેમાં શાહરૂખ ખાનની ડન્કી અને પ્રભાસની સાલારઃ પાર્ટ 1- સીઝ ફાયરનો સમાવેશ થાય છે. આ બંને ફિલ્મોએ જમાવેલા માહોલના જોતાં 650 કરોડની ક્લબમાં યાદી લાંબી થઈ શકે છે.

ભૂલભૂલૈયાની સીક્વલમાં કિયારાની બાદબાકી, કાર્તિક યથાવત

કાર્તિક આર્યન લોકપ્રિય ફિલ્મ ભૂલભૂલૈયા 2ની સીક્વલ બનાવવાની ચર્ચા છે. આ ફિલ્મમાં કાર્તિક અને સારા અલી ખાન સાથે જોવા મળશે. રીયલ લાઈફના એક્સ કપલ કાર્તિક અને સારા બીજીવાર ફિલ્મમમાં સાથે કામ કરશે. અગાઉ 2020ના વર્ષમાં ‘લવ આજ કલ’માં સારા અને કાર્તિકે સાથે કામ કર્યુ હતું. તેમની આ હોરર કોમેડીનું શૂટિંગ ફેબ્રુઆરી 2024 શરૂ થવાની સંભાવના છે. ભૂલભૂલૈયા 2માં કાર્તિકની સાથે કિયારા અડવાણી અને તબુ મહત્ત્વની ભૂમિકામાં હતા. આ ફ્રેન્ચાઈઝીની ત્રીજી ફિલ્મ બનાવવા ડાયરેક્ટર અનીસ બાઝમી અને પ્રોડ્યુસર ભૂષણ કુમારે કાર્તિક આર્યનને ફરીથી તક આપી છે,

શ્રીદેવીની બાયોપિક બનાવવા માટે બોની કપૂરનો સ્પષ્ટ ઈનકાર

જાણીતા ફિલ્મ નિર્માતા બોની કપૂરે સ્વર્ગસ્થ પત્ની અને લોકપ્રિય અભિનેત્રી શ્રીદેવી પર બાયોપિક બનાવવાનો કે કોઈને તે બનાવવા માટે મંજૂરી આપવાનો ઈનકાર કર્યો હતો. તેણે જણાવ્યું છે કે શ્રીદેવીનું જીવન એ ખૂબ અંગત બાબત છે અને તેનું જાહેરમાં પ્રદર્શન કરવાની મંજૂરી આપી શકું નહીં. બોનીએ સ્વીકાર્યું હતું કે, તેને શ્રીદેવીની બાયોપિક બનાવવા અનેક પ્રસ્તાવ મળ્યા છે. પરંતુ, પોતે તેનો ઈનકાર કર્યો છે. તે પોતે પણ શ્રીદેવીની બાયોપિક બનાવવા ઇચ્છતા નથી. બોની કપૂરે કહ્યું હતું કે કેટલાક લોકો જેઓ શ્રીદેવીને નજીકથી જાણતા હતા તેઓ પુસ્તક લખી રહ્યા છે. તે માટે ઈન્ટરવ્યૂ પણ લઈ રહ્યા છે.