ગુજરાતમાં રવિવારે (27 નવેમ્બર) તોફાની પવન સાથે વ્યાપક કમોસમી વરસાદ પડયો હતો. આ માવઠા સાથે અનેક વિસ્તારોમાં વીજળી પડવાની ઘટનાઓમાં ઓછામાં ઓછાં 20 લોકોનાં મોત નીપજ્યા હતા, તો માવઠાથી પાકને નુકસાન થયું હતું. રાજકોટ સહિતના અનેક વિસ્તારોમાં ભારે કરા પડ્યાં હતા અને રસ્તા પર બરફની ચાદર છવાઈ ગઈ હતી, જેનાથી હિલ સ્ટેશન જેવો માહોલ સર્જાયો હતો. કેન્દ્રના ગૃહ પ્રધાન અમિત શાહે કુદરતી આફત અંગે શોક વ્યક્ત કર્યો હતો. તેમણે જણાવ્યું હતું કે સ્થાનિક વહીવટીતંત્ર રાહત કામગીરી કરી રહ્યું છે. સ્ટેટ ઇમરજન્સી ઓપરેશન સેન્ટરના ડેટા મુજબ, રાજ્યના 251 તાલુકામાંથી 220 તાલુકામાં રવિવારે સવારે 6 વાગ્યાથી 10 કલાકમાં 50 મીમી જેટલો વરસાદ નોંધાયો હતો, જેના કારણે સામાન્ય જનજીવન અસ્તવ્યસ્ત થયું હતું અને પાકને ભારે નુકસાન થયું હતું. સુરેન્દ્રનગરના ચુડામાં સૌથી વધુ ચાર ઈંચ વરસાદ ખાબક્યો હતો.

અમેરિકા ગેરકાયદે રહેતા ભારતીયોની સંખ્યા વધી 7.25 લાખ થઈ છે, જે મેક્સિકો અને અલ સાલ્વાડોર પછી અનધિકૃત ઈમિગ્રન્ટ્સની ત્રીજા ક્રમે સૌથી મોટી વસ્તી છે, એમ વોશિંગ્ટન સ્થિત થિંક ટેન્ક પ્યુ રિસર્ચ સેન્ટરના નવા અંદાજમાં જણાવાયું છે.

ભારતે આશરે બે મહિના બુધવાર, 22 નવેમ્બરે પછી કેનેડિયનો માટે ટુરિસ્ટ અને બિઝનેસ ઇ-વિઝા ફરી ચાલુ કર્યા હતા. કેનેડિયન શીખ અલગતાવાદી નેતા હરદીપ સિંહ નિજ્જરની હત્યામાં ભારત સરકારની સંડોવણીના ઓટ્ટાવાના આરોપને પગલે આવી સેવાઓ સ્થગિત કરાઈ હતી.

ગયા વર્ષે પણ બ્રિટનના સ્કીલ્ડ વર્કર્સ, મેડિકલ પ્રોફેશનલ્સ, સ્ટુડન્ટ વિઝા મેળવવામાં ભારતીયોનો દબદબો જળવાઈ રહ્યો હતો, એમ બ્રિટનના સત્તાવાર ઇમિગ્રેશન ડેટામાં જણાવાયું હતું.

અમેરિકાએ ખાલિસ્તાની આતંકવાદી ગુરપતવંત સિંહ પન્નુની અમેરિકન ધરતી પર કથિત રીતે હત્યા કરવાની યોજનાને નિષ્ફળ બનાવી હતી. બુધવારે વ્હાઇટ હાઉસે જણાવ્યું હતું કે સરકાર અમેરિકન ધરતી પર એક શીખ અલગતાવાદીને મારી નાખવાના કાવતરાને અત્યંત ગંભીરતાથી લઈ રહી છે.

અમેરિકાના ઓહાયો રાજ્યોમાં કારની અંદર ગોળી મારીને ભારતને 26 વર્ષના મેડિકલ વિદ્યાર્થીની કરપીણ હત્યા કરાઈ હતી. કારમાં ડ્રાઇવરની બાજુની વિન્ડોમાં ત્રણ બુલેટના ત્રણ નિશાન મળ્યાં હતા. હત્યાનું કારણ હજુ બહાર આવ્યું નથી.

કતારની કોર્ટે ભારતીય નૌકાદળના આઠ ભૂતપૂર્વ કર્મચારીઓને મૃત્યુદંડની સજા સામે ભારતની અપીલ સ્વીકારી છે. તેમને ગયા મહિને જાસૂસીના કેસમાં ફાંસીની સજા આપવામાં આવી હતી.

​​ગુજરાત સ્થિત કેડિલા ફાર્માસ્યુટિકલ્સના ચેરમેન અને મેનેજિંગ ડિરેક્ટર (સીએમડી) રાજીવ મોદી વિરુદ્ધ બલ્ગેરિયન મૂળની મહિલાએ દાખલ કરેલી અરજીમાં ઉત્પીડનના કૃત્યો અંગે ચોંકાવનારી વિગતો બહાર આવી હતી.

ગિરનારની ૩૬ કિમી લાંબી લીલી પરિક્રમાનો 23 નવેમ્બર દેવઊઠી એકાદશીની રાત્રે ૧૨ કલાકે વિધિવત પ્રારંભ થયો હતો. વહીવટીતંત્રએ પરિક્રમાર્થીઓને એક દિવસ વહેલો પ્રવેશ આપ્યો હતો અને લાખ્ખો યાત્રાળુઓ ઉમટી પડ્યાં હતા.

મુખ્ય પ્રધાન ભૂપેન્દ્ર પટેલના નેતૃત્વમાં ગુજરાતનું ઉચ્ચ સ્તરીય પ્રતિનિધિમંડળ ૨૫ નવેમ્બરના રોજ જાપાન અને સિંગાપોરના એક સપ્તાહનાં પ્રવાસે જવા રવાના થયું છે.

રવિવારે (26 નવેમ્બર) થિરૂવનંથપુરમમાં રમાયેલી બીજી ટી-20માં ભારતે પ્રવાસી ઓસ્ટ્રેલિયાને 44 રને હરાવી પાંચ મેચની આ સીરીઝમાં 2-0ની સરસાઈ સાથે વર્ચસ્વ જમાવી દીધું હતું.

ઈંગ્લેન્ડના બેટર જો રૂટે આઈપીએલ 2024માંથી પોતાનું નામ પાછું ખેંચી લીધું છે. રૂટ તો હજી આ વર્ષે જ પહેલીવાર રાજસ્થાન રોયલ્સ તરફથી આઈપીએલ રમ્યો હતો.

2024ના આગામી ટી-20 વર્લ્ડ કપની તૈયારીઓ શરૂ થઈ ગઈ છે. આ જંગમાં માં 20 ટીમો ભાગ લેવાની છે. તેની ક્વોલિફાઈંગ મેચોમાં યુગાંડાની ટીમે ઝિમ્બાબ્વેને હરાવીને મોટો અપસેટ સર્જ્યો હતો.

ભારતના ટોપ સીડેડ શટલર્સ સાત્વિકસાઇરાજ રાન્કીરેડ્ડી અને ચિરાગ શેટ્ટીની જોડી સિઝનની છેલ્લી સુપર 750 સિરીઝની ચાઈના માસ્ટર્સ બેડમિંટનમાં રનર્સ અપ બની હતી.