ભારત સરકારે શુક્રવારે એપ્રિલ-જૂન 2023 ત્રિમાસિક ગાળા માટે મોટાભાગની પોસ્ટ ઓફિસ બચત યોજનાઓના વ્યાજદરમાં 0.7 ટકા સુધીનો વધારો કર્યો હતો. નાણા મંત્રાલયના નિવેદન મુજબ નેશનલ સેવિંગ્સ સર્ટિફિકેટ (NSC)ના વ્યાજદરમાં સૌથી વધુ વધારો થયો છે. આવા રાષ્ટ્રીય બચતપત્રોમાં હવે પહેલી એપ્રિલથી 30 જૂન 2023 દરમિયાન સાત ટકાની જગ્યાએ 7.7 ટકાનું વ્યાજ મળશે. સુકન્યા સમૃદ્ધિનો વ્યાજદર દર 7.6 ટકાથી વધારીને 8 ટકા કરવામાં આવ્યો છે. વરિષ્ઠ નાગરિક બચત યોજના અને કિસાન વિકાસ પત્ર (KVP) પર વ્યાજદર અનુક્રમે 8.2 ટકા (અગાઉના 8 ટકાથી) અને 7.5 ટકા (અગાઉના 7.2 ટકા) કરાયા છે.

યુરોપની અગ્રણી એરોસ્પેસ કંપની એરબસે એ320નીયો વિમાનોના કાર્ગો અને બલ્ક કાર્ગો દરવાજાના ઉત્પાદન માટે ટાટા એડવાન્સ્ડ સિસ્ટમ (TASL)ને કોન્ટ્રાક્ટ આપ્યો છે. TASL અત્યાધુનિક રોબોટિક્સ અને ઓટોમેશન ટેક્નોલોજીનો ઉપયોગ કરીને હૈદરાબાદમાં નવી ફેસિલિટીમાં આ દરવાજાનું ઉત્પાદન કરશે. એરબસ (ભારત અને દક્ષિણ એશિયા)ના પ્રમુખ અને એમડી રેમી મેલાર્ડે કહ્યું હતું કે ભારતની ઔદ્યોગિક ક્ષમતાઓના વિકાસને સમર્થન આપવાની વાત આવે છે, ત્યારે એરબસ હંમેશા કાર્ય કરે છે.

આર્ટિફિશિયલ ઇન્ટેલિજન્સ (એઆઇ)ના ઝડપી વિકાસ સાથે વધુને વધુ લોકો ચિંતિત બન્યા છે કે તેનાથી નોકરીઓ પર જોખમ આવશે. આવી ચિંતા વચ્ચે ગોલ્ડમેન સેક્સના રીપોર્ટમાં આગાહી કરાઇ છે કે જનરેટિવ AIથી 300 મિલિયન જેટલી નોકરીઓને અસર થઈ શકે છે. એઆઈ સંભવિત રૂપે લગભગ 300 મિલિયન (30 કરોડ) પૂર્ણ-સમયની નોકરીઓનો ભોગ લેશે. આ ઇન્વેસ્ટમેન્ટ બેન્કરે રીસર્ચ નોટમાં જણાવ્યું છે કે જો જનરેટિવ AIની ક્ષમતાઓમાં ધારણા મુજબ વધારો થશે તો તો શ્રમ બજારમાં મોટો વિક્ષેપ આવશે.

એર ઇન્ડિયાએ તેની બે લો-કોસ્ટ પેટાકંપનીઓ એર ઇન્ડિયા એક્સપ્રેસ અને એરએશિયા ઇન્ડિયાની રિઝર્વેશન સિસ્ટમ અને કસ્ટમર ઇન્ટરફેસનું સંકલન કર્યું છે. 27 માર્ચે આ બે એરલાઇન માટે એક યુનિફાઇડ રિઝર્વેશન સિસ્ટમ અને વેબસાઇટ ચાલુ થઈ હતી, એમ એર ઇન્ડિયાએ એક નિવેદનમાં જણાવ્યું હતું. આનો અર્થ એવો થાય છે કે એર ઇન્ડિયા એક્સપ્રેસ હવે એરએશિયા ઇન્ડિયાની સિસ્ટમનો ઉપયોગ કરશે. આનાથી પેસેન્જર બંને એરલાઈન્સ માટે હવે એક જ વેબસાઈટની મદદથી ટિકિટ બુકિંગ કરાવી શકશે.

સફળ અભિનેત્રીઓની બહેનો ફિલ્મોમાં નિષ્ફળ

અભિનેત્રીઓ વગર ફિલ્મો અધૂરી છે. બોલિવૂડમાં અનેક અભિનેત્રીઓએ નામના મેળવી છે અને પોતાની અભિનય ક્ષમતાના આધારે ટોચ પર પહોંચી છે. અહીં એવી અભિનેત્રીઓ અંગે ચર્ચા કરી છે જેઓ પોતાની પ્રતિભાથી આગળ આવી છે, પણ તેમની બહેનો બોલીવૂડમાં નિષ્ફળ ગઇ છે. મલાઇકા અરોરા અને અમૃતા અરોરા, બોલીવૂડમાં આઇટમ નંબરથી પોતાની કારકિર્દી ઘડનાર મલાઇકાના નામના સિક્કા તો ફિલ્મોમાં ચાલે છે.

પરિણિતીનું કોની સાથે છે ચક્કર?

ક્રિકેટ, બોલીવૂડ અને પોલિટિક્સ વચ્ચેના સંબંધો કંઈ નવા નથી. ઘણીવાર નેતા અને અભિનેત્રી વચ્ચે દિલ સે દિલના કનેક્શન જોડાઈ જાય છે. તો ક્રિકેટર કે અન્ય સ્પોર્ટસસ્ટારના અભિનેત્રીઓ સાથેના સંબંધો પણ જગજાહેર છે. તાજેતરમાં સોશિયલ મીડિયા પર પરિણિતી ચોપરાની તસવીરો વાઇરલ થઇ છે. તે થોડા દિવસ અગાઉ માયાનગરી મુંબઈમાં આમ આદમી પાર્ટીના જાણીતા યુવા નેતા અને પંજાબથી રાજ્યસભાના સાંસદ રાઘવ ચઢ્ઢા સાથે જોવા મળી

યામી ગૌતમને બોલિવૂડમાં શું પસંદ નથી?

બોલીવૂડની યુવા અભિનેત્રી યામી ગૌતમને હંમેશા લાઈમલાઈટથી દૂર રહેવાનું પસંદ કરે છે. બિઝનેસમેન સાથે લગ્ન કરીને ઠરીઠામ થયેલી અભિનેત્રી પાસે કામની કોઈ કમી નથી અને આ કારણે તે બોલિવૂડ પાર્ટીઝ અને ઈવેન્ટનો હિસ્સો બનવાનું ટાળે છે અને ના છૂટકે જ તે તેમાં સામેલ થાય છે. યામી અગાઉ, કહી ચૂકી છે કે, તેને અનેકવાર એવી સલાહ મળી ચૂકી છે કે, તું ફિલ્મો સિવાય ક્યાંય નજર નથી આવતી અને આમ કરવાથી તેની કારકિર્દી ઝડપથી પૂર્ણ થઈ જશે. પાર્ટીઓનો હિસ્સો બનીને ગ્રુપમાં રહેવું જરૂરી છે પણ યામી તેનાં જીવનમાં મસ્ત છે અને તેને તેની કારકિર્દીની કોઈ ચિંતા નથી.

સોનુ સૂદને મળી હતી રાજકારણમાં મોટી ઓફર

બોલીવૂડ અને જાહેર જીવનમાં અભિનેતા સોનુ સૂદનું નામ ખૂબ જ આદર-સન્માનથી લેવામાં આવે છે. કોવિડના કપરા સમયમાં તેણે જરૂરિયાતમંદ લોકોને ઘણી મદદ કરી હતી. તેમના ઘરે પહોંચવા માટે ખાવા-પીવાની વ્યવસ્થા કરીને સોનુ સૂદે લોકોના દિલ જીતી લીધા હતા. આવી ઘટનાઓ પછી લોકોને એવી ધારણા હતી કે, સોનુ સૂદ બહુ ઝડપથી રાજકારણમાં આવી શકે છે. હવે તેણે રાજકારણમાં જોડાવા અંગે પોતાની પ્રતિક્રિયા આપી છે. એક મીડિયા ઈન્ટરવ્યૂ દરમિયાન, જ્યારે સોનુ સૂદને રાજકારણમાં જવા અંગે પ્રશ્ન પૂછવામાં આવ્યો, ત્યારે તેણે જવાબ આપ્યો હતો કે,