તાજેતરના ડેટામાં બહાર આવ્યું છે કે ભારત સહિત વૈશ્વિક સ્તરે ટેક કંપનીઓ દ્વારા 2023માં અત્યાર સુધી દરરોજ 1,600થી વધુ કર્મચારીઓની છટણી કરી છે. વૈશ્વિક નરમાઇ અને મંદીના ભય વચ્ચે આ સામૂહિક છટણીની ઘટનાઓમાં વધારો થઈ રહ્યો છે. જાન્યુઆરીના પ્રથમ 15 દિવસમાં આશરે 91 કંપનીઓએ 24,000 થી વધુ ટેક કર્મચારીઓની છટણી કરી છે, જે આવનારા ખરાબ દિવસોનો સંકેત આપે છે. Layoffs.fyi ના ડેટા મુજબ, 2022માં 1,000થી વધુ કંપનીઓએ 1.5 લાખથી વધુ કર્મચારીઓની છટણી કરી હતી. મેટા, એમેઝોન, ટ્વિટર, બેટર ડોટ કોમ, અલીબાબા સહિતની ટેક સેક્ટરની કેટલીક મોટી કંપનીઓએ કર્મચારીઓની છટણી કરી છે. ભારતીય કંપનીઓ આ ટ્રેન્ડથી અછૂત નથી. મેટા, એમેઝોન, ટ્વિટર, બેટર ડોટ કોમ, અલીબાબા સહિતની ટેક સેક્ટરની કેટલીક મોટી કંપનીઓએ કર્મચારીઓની છટણી કરી છે. ભારતીય કંપનીઓ આ ઘટના માટે અજાણી નથી.

ગૂગલની પેરેન્ટ કંપની આલ્ફાબેટ ઇન્ક 12,000 કર્મચારીઓની છટણી કરશે, એમ તેના ચીફ એક્ઝિક્યુટિવે સ્ટાફ મેમોમાં જણાવ્યું હતું. ટેકનોલોજી ક્ષેત્રોમાં મોટાપાયે છટણી ચાલી રહી છે ત્યારે આ વધુ ખરાબ ન્યૂઝ આવ્યા હતા. અગાઉ માઇક્રોસોફ્ટે 10,000 વર્કર્સને છટણી કરવાની જાહેરાત કરી હતી. ગૂગલે વિશ્વભરમાં તેના કુલ સ્ટાફમાંથી લગભગ 6 ટકાની હકાલપટ્ટી કરવાની યોજના બનાવી છે. તેમાં અમેરિકા સહિત સમગ્ર વિશ્વમાં કામ કરતા સ્ટાફનો સમાવેશ થશે.આલ્ફાબેટ આ છુટ્ટા કરાયેલા કર્મચારીઓને અમેરિકામાં 16 અઠવાડિયાનું પગારભથ્થુ અને છ મહિનાના આરોગ્ય લાભો ચૂકવશે અને અન્ય જગ્યાએ ત્યાંના કાયદા અને નિયમો આધારિત ચૂકવણી થશે. એચઆર કન્સલ્ટિંગ ફર્મ ચેલેન્જર, ગ્રે એન્ડ ક્રિસમસ ઇન્ક. અનુસાર 2022માં સૌથી વધુ નોકરીમાં કાપ ટેક સેક્ટરમાં જ જોવા મળ્યો હતો. ગત વર્ષે 97,171 છંટણી થઈ હતી, જે અગાઉના વર્ષની સરખામણીમાં 649% વધારે છે.

ભારતના કર્મચારીઓને ચાલુ વર્ષે એશિયામાં સૌથી વધુ વેતનવધારો મળવાનો અંદાજ છે. આ વર્ષે ટોચની પ્રતિભાઓને 15%થી 30% જેટલો મોટો વેતન વધારો મળી શકે છે. દેશમાં 2023માં સરેરાશ ધોરણે વેતનવધારો 9.8 ટકા રહેશે. ગયા વર્ષે વેતનમાં 9.4 ટકા વધારો થયો હતો, એમ કન્સલ્ટન્સી કંપની કોર્ન ફેરીના એક સર્વેમાં જણાવાયું છે. ભારતમાં વેતનમાં સરેરાશ 9.8 ટકાનો વધારો થશે. આની સામે ઓસ્ટ્રેલિયામાં 3.5%, ચીનમાં 5.5%, હોંગકોંગમાં 3.6%, ઈન્ડોનેશિયામાં 7%, કોરિયા 4.5%, મલેશિયામાં 5%, ન્યુઝીલેન્ડમા 3.8%, ફિલિપાઈન્સમાં 5.5%સિંગાપોરમાં 4 ટકા, થાઇલેન્ડમાં 5 ટકા અને વિયેતનામાં 8 ટકાનો વેતન વધારો થશે.

બિલિયોનેર ઉદ્યોગપતિ મુકેશ અંબાણીના પુત્ર અનંત અંબાણી અને રાધિક મર્ચન્ટની મુંબઈમાં અંબાણી નિવાસસ્થાને ગુરુવારે પરંપરાગત વિધિથી સગાઈ કરવામાં આવી હતી. અનંત તથા રાધિકાએ પરિવાર અને મિત્રોની હાજરીમાં એકબીજાને રિંગ્સ પહેરાવી અને સપ્તપદીના આગામી બંધન માટે પરિવારના આશીર્વાદ માગ્યા હતા. ગોળ ધાણા અને ચુંદડી વિધિ કરવાની સાથે અનંત અને રાધિકાના પરિવારો વચ્ચે આશીર્વાદ અને ભેટોની આપ-લે થઈ હતી. બંને પરિવારોએ એકબીજાને ભેટો અને શુભેચ્છાઓની આપ-લે સાથે અનહદ આનંદ પણ વહેંચ્યો હતો. અનંતના માતા નીતા અંબાણીની આગેવાનીમાં અંબાણી પરિવારના સભ્યો દ્વારા સૌને આશ્ચર્યચકિત કરતું એક પર્ફોર્મન્સ પણ આયોજિત કરવામાં આવ્યું હતું.

ઐશ્વર્યાને મળી મહેસૂલ ફી ભરવાની નોટિસ

ઐશ્વર્યા રાય બચ્ચને નાસિકમાં પવન ચક્કી પ્રોજેક્ટ માટે જમીન ખરીદ્યા પછી તેની મહેસૂલની ફી નહીં ભરવા બદલ જિલ્લા મહેસૂલી તંત્ર દ્વારા નોટિસ આપવામાં આવી હતી. ઐશ્વર્યા રાય બચ્ચનને નાસિકના મામલતદાર તરફથી નોટિસ આપવામાં આવી છે. નાસિકના સિન્નરના અડવાડી એરિયામાં ઐશ્વર્યા રાયે પવન ચક્કી માટે જમીન ખરીદી છે. આ જમીનનો એક વર્ષની મહેસૂલ પેટે રૂ. 21,960 ભરવાના બાકી છે. કહેવાય છે કે, ઐશ્વર્યાની સાથેસાથે અન્ય 1200 જમીનધારકોને પણ મહેસૂલ ભરવા માટે નોટિસ ફટકારવામાં આવી છે. માર્ચ મહિનામાં એકાઉન્ટ ક્લોઝિંગ થતું હોવાથી માર્ચ મહિનાના અંત સુધીમાં મહેસૂલ ભરવાની સૂચના આપવામાં આવી છે. જોકે, ઐશ્વર્યા રાય તરફથી આ નોટિસ બાબતે કોઈ પ્રતિસાદ આપવામાં આવ્યો નથી. ઐશ્વર્યાએ તેની એક્ટિંગ તથા એન્ડોર્સમેન્ટની આવકમાંથી અનેક કંપનીઓ તથા કમર્શિઅલ પ્રોજેક્ટસમાં રોકાણ કર્યું હોવાનું માનવામાં આવે છે.

તેજાબની સિક્વલમાં રણવીર સિંહ અને જાહ્નવીના નામની ચર્ચા

બોલીવૂડના પીઢ કલાકારો અનિલ કપૂર અને વિશેષમાં તો માધુરી દીક્ષિતની કારકિર્દીની સીમાચિહ્નરૂપ ફિલ્મ ‘તેજાબ’ની સિક્વલ બની રહી છે. તેમાં અનિલના રોલમાં રણવીર અને માધુરીની ભૂમિકા માટે જાહ્નવી કપૂરનો સંપર્ક કરવામાં આવ્યો હોવાની ચર્ચા છે. આ સિક્વલનું આયોજન શરૂ થયું ત્યારે કાર્તિક આર્યન અને શ્રદ્ધા કપૂરની જોડી નક્કી થઈ હતી. જોકે, હવે કાસ્ટિંગમાં બહુ મોટા પાયે ફેરફારો થયા છે. ફિલ્મના બાકીના કલાકારો અંગે પણ હજુ સુધી કોઇ નિર્ણય લેવાયો નથી. 1988માં રીલીઝ થયેલી તેજાબને લીધે અનિલ કપૂર અને માધુરની સુપરહિટ જોડી સ્થાપિત થઈ હતી. તે પછી બંનેએ અનેક ફિલ્મોમાં સાથે કામ કર્યું હતું. તેજાબનાં એક દો તીન ચાર પાંચ છે….ગીતથી માધુરી રાતોરાત હિટ થઇ ગઇ હતી.

હવે સલમાન-આમિરની કોમેડી ફિલ્મની સિક્વલ બનશે

બોલીવૂડના પીઢ અભિનેતાઓ આમિર ખાન અને સલમાન ખાનની કોમેડી ફિલ્મ અંદાઝ અપના અપનાની સિક્વલ બનવી તેવી ચર્ચા ફિલ્મ રસીકો લાંબા સમયથી કરે છે. આ ફિલ્મના દિગ્દર્શક રાજકુમાર સંતોષીએ અગાઉ આ બાબતે કંઇ વિચાર્યું નહોતું. જોકે, તેઓ હવે આ ફિલ્મની સિક્વલ કહી શકાય તેવી ફિલ્મ અદા અપની અપની… બનાવવાની તૈયારી કરી રહ્યા છે. દર્શકોને અંદાજ અપના અપના….કેટલાક રસપ્રદ દૃશ્યો અને કોમેડી હજુ પણ યાદ છે રાજકુમાર સંતોષીએ ઘાયલ, દામિની જેવી ફિલ્મોનું સફળતાપૂર્વક નિર્માણ કર્યું છે. તેમણે જણાયું હતું કે, સિક્વલ કે રીમેક બનાવવાની ઈચ્છા હોત તો ફિર ઘાયલ, ઘાયલ એક બાર ઔર, દામિની ફિર ચમકેગી જેવા ટાઈટલ ઘણાં સમય પહેલાં બની ચૂક્યા હતા.

ફિલ્મો અંગે મોદીના સૂચનથી ફરક નહીં પડે, ટોળું નિયંત્રણ બહાર છેઃ અનુરાગ કશ્યપ

વડાપ્રધાન નરેન્દ્ર મોદી અને ભાજપના ટીકાકાર ગણાતા ફિલ્મ નિર્માતા અનુરાગ કશ્યપે વધુ એક વિવાદાસ્પદ નિવેદન આપ્યું હતું. તેમણે ગુરુવારે જણાવ્યું હતું કે વડા પ્રધાન નરેન્દ્ર મોદીની તેમના પક્ષના કાર્યકરોને ફિલ્મો અંગે બિનજરૂરી ટિપ્પણી કરવાનું બંધ કરવાની સલાહ મોડી આવી છે, કારણ કે ટોળું હવે નિયંત્રણની બહાર છે. જોકે આ ફિલ્મના નિર્માતા શારિક પટેલે મોદીની સલાહનું સ્વાગત કર્યું હતું અને પોતે અનુરાગના વિચાર સાથે સંમત ન હોવાનું જણાવ્યું હતું અને આશા વ્યક્ત કરી હતી અનુરાગ ખોટા સાબિત થશે.