ભારતના માઇગ્રન્ટ વર્કર્સ પોતાના વતનમાં 2022માં 100 બિલિયન ડોલરના વિક્રમજનક નાણા મોકલવાના ટ્રેક પર છે. તેનાથી હાલના કપરા સમયમાં એશિયાની ત્રીજા ક્રમની સૌથી મોટી ઇકોનોમીને નાણાકીય સ્થિતિને વેગ મળશે અને ભારત રિમેટન્સનો વિશ્વમાં સૌથી મોટો લાભાર્થી દેશ તરીકેનો દરજ્જો જાળવી રાખશે. 100 બિલિયનો આંક પાર કર્યો હોય તેવો ભારત વિશ્વનો પ્રથમ દેશ બનશે. બુધવારે જારે થયેલા વિશ્વ બેંકના અહેવાલ મુજબ ભારતમાં રેમિટન્સનો પ્રવાહ આ વર્ષે 12% વધી $100 બિલિયન સુધી પહોંચશે. આ નાણાપ્રવાહ મેક્સિકો, ચીન અને ફિલિપાઇન્સ સહિતના દેશો કરતા ઘણો વધારે છે.

યુગાન્ડાની પ્રધાનસ્તરીય મુલાકાતથી તાજેતરમાં પરત આવેલા રવાન્ડા અને યુગાન્ડા માટેના વડાપ્રધાનના વેપાર દૂત લોર્ડ પોપટે યુગાન્ડની 99 ટકા પ્રોડક્ટ્સને યુકેમાં ડ્યૂટી ફ્રી નિકાસ માટેની ડીલની જાહેરાત કરી હતી. આ ડીલનો અમલ આગામી વર્ષથી થશે. લોર્ડ પોપટની મુલાકાત દરમિયાન શ્રેણીબદ્ધ ડીલ્સ પર ફોકસ કરાયું હતું, જે યુગાન્ડા સાથે યુકેના વધતા વેપાર સંબંધોને પ્રતિબિંબિત કરે છે. લોર્ડ પોપટે ટિપ્પણી કરી હતી કે તેઓ મોટી કંપનીઓ યુગાન્ડામાં પરત ફરે અને બજારને વિશ્વાસ પ્રદાન કરે તેવું ઇચ્છે છે.

એક સમયે પક્ષીઓ અને ચરતી ભેંસોનું પ્રભુત્વ હતું તેવા સાબરમતી નદીના કિનારે ભારતનું નવું ફાઇનાન્શિયલ હબ ઊભરી રહ્યું છે. કેટલાંક ટાવર્સ જેપી મોર્ગન ચેઝ એન્ડ કંપની અને એચએસબીસી હોલ્ડિંગ્સ પીએલસી જેવી વિદેશી કંપનીઓના 20,000 કર્મચારીઓને શુભેચ્છા પાઠવે છે. આ ઊભરતા ફાઇનાન્શિયલ સેન્ટરનું પૂરું નામ ગુજરાત ઇન્ટરનેશનલ ફાઇનાન્સ ટેક-સિટી છે, પરંતુ તે સામાન્ય રીતે ગિફ્ટ સિટી તરીકે ઓળખાય છે. તે રાજ્યની રાજધાની ગાંધીનગર અને તેના સૌથી મોટા શહેર અમદાવાદ વચ્ચે 886 એકર જમીન પથરાયેલું છે.

બિલિયોનેર્સ ગૌતમ અદાણીના વડપણ હેઠળના અદાણી ગ્રુપની કંપની અદાણી રિયલ્ટીને ધારાવી સ્લમના રિડેવલપમેન્ટ પ્રોજેક્ટ મેળવ્યો છે. અદાણી ગ્રુપે આ પ્રોજેક્ટ માટે સૌથી ઊંચી રૂ. 5,069 કરોડની બિડ કરી હતી. મુંબઈ સ્થિત ધારાવી એશિયાના સૌથી મોટા સ્લમ વિસ્તાર તરીકે ઓળખાય છે. મહારાષ્ટ્ર સરકારે 29મી નવેમ્બરે ધારાવી રિડેવલપમેન્ટ પ્રોજેક્ટના બીજા બિડની જાહેરાત કરી હતી. ધારાવી રિડેવલપમેન્ટ પ્રોજેક્ટના CEO એસવીઆર શ્રીનિવાસે જણાવ્યું હતું કે અમને કુલ ત્રણ બિડ પ્રાપ્ત થયા હતા.

રેડ સી ફિલ્મ ફેસ્ટિવલમાં અક્ષય કુમારે નવા પ્રોજેક્ટ્સની જાહેરાત કરી

જેકલીન ફર્નાન્ડીઝ અને નુસરત ભરુચા સાથે છેલ્લે રામ સેતુમાં જોવા મળેલા અક્ષયકુમારે તેના નવા પ્રોજેક્ટ્સની જાહેરાત કરી છે. તેને તાજેતરમાં સાઉદી અરેબિયાના જેદ્દાહમાં રેડ સી ફિલ્મ ફેસ્ટિવલમાં હાજરી આપી હતી. આ ફેસ્ટિવલમાં શાહરૂખ ખાન, પ્રિયંકા ચોપરા, સૈફ અલી ખાન અને કરીના કપૂર ખાન જેવા અન્ય સેલેબ્સ પણ તેમની હાજરી દર્શાવતા જોવા મળ્યા હતા. ફિલ્મ ફેસ્ટિવલમાં અક્ષયની મુલાકાત દરમિયાન તે મીડિયા સાથે વાતચીત કરતો જોવા મળ્યો હતો. વાતચીત દરમિયાન તેણે ખુલાસો કર્યો કે તે સેક્સ એજ્યુકેશન પર ફિલ્મ બનાવી રહ્યો છે.

દિલીપકુમારના જન્મ દિને તેમની ફિલ્મનો ખાસ ફેસ્ટિવલ ઉજવાશે

સ્વ. અભિનેતા દિલીપકુમારની 100મી જન્મજયંતી નિમિત્તે ફિલ્મ હેરિટેજ ફાઉન્ડેશન ખાસ ફિલ્મ ફેસ્ટિવલનું આયોજન કરશે. 10 અને 11 (જન્મ દિન) ડિસેમ્બરના રોજ તેમની જન્મ જયંતીની ઉજવણી નિમિત્તે ભારતના 20થી વધુ શહેરોના 30થી વધુ સિનેમા હોલમાં દિલીપકુમારની આન (1952), દેવદાસ (1955), રામ ઔર શ્યામ (1967) અને શક્તિ (1982) ફિલ્મ દર્શાવવામાં આવશે. મુંબઇ, દિલ્હી, ગુડગાંવ, નોઇડા, પૂણે, બરેલી, કાનપુર, વારાણસી, અલ્લાહાબાદ, રાયપુર, ઇન્દોર, સુરત, અમદાવાદ,

ગાયક મૂસેવાલાનો હત્યારો ગોલ્ડી કેલિફોર્નિયામાં ઝડપાયો હોવાના અહેવાલો

પંજાબી ગાયક સિદ્ધુ મૂસેવાલાની હત્યાના કથિત માસ્ટરમાઇન્ડ અને ગેંગસ્ટર ગોલ્ડી બ્રારને અમેરિકામાં અટકાયત લેવામાં આવ્યો છે. લોરેન્સ બિશ્નોઈ ગેંગનો સભ્ય ગોલ્ડી બ્રાર તાજેતરમાં કેનેડાથી યુએસ ગયો હતો. તે 2017થી કેનેડામાં રહેલો હતો. સૂત્રોને ટાંકીને મીડિયા અહેવાલમાં જણાવાયું હતું કે આ ગેંગસ્ટરને 20 નવેમ્બરે કેલિફોર્નિયામાં અટકાયત લેવામાં આવ્યો હતો. ભારત સરકારને હજુ સુધી કેલિફોર્નિયા તરફથી કોઈ સત્તાવાર માહિતી મળી નથી.

અમિતાભને જયા ભાદુરી કેમ પસંદ હતા?

બોલીવૂડમાં અમિતાભ બચ્ચન અને જયા ભાદુરી-બચ્ચનને એક આદર્શ દંપત્તી માનવામાં આવે છે. તેમના અંગે અનેકવાર ચર્ચાઓ થઈ ચૂકી છે. અમિતાભ અને જયા બચ્ચન બંને વર્ષ 1971માં ઋષિકેશ મુખર્જીની ફિલ્મ ‘ગુડ્ડી’ના સેટ પર પ્રથમવાર એકબીજાને મળ્યા હતા અને આ મુલાકાત સમય જતાં પ્રેમમાં પરિણમી હતી. 1973માં તે બંનેએ લગ્ન કર્યા હતા અને આગામી વર્ષે તેમના લગ્નને 50 વર્ષ પણ પૂરાં થઈ જઈ રહ્યા છે. સમયાંતરે અમિતાભ પોતાના જીવન વિશેની અનેક જાણી-અજાણી વાતો ચાહકો માટે જાહેર કરતાં રહે છે.