અમેરિકા ખાતેના અગ્રણી ઇન્ડિયન ડાયસ્પોરા સંગઠન FIIDSએ ભારતના શેરબજારમાં રોકાણ માટે બિનનિવાસી ભારતીયો (એનઆરઆઇ) અને ઓવરશીઝ સિટિઝન ઓફ ઇન્ડિયા (ઓસીઆઇ) કાર્ડહોલ્ડર્સને મંજૂરી આપવાની ભારતના નાણાપ્રધાન નિર્મલા સીતારમણ સમક્ષ 25 એપ્રિલે માગણી કરી હતી. ઇન્ડિયા ડાયાસ્પોરાએ ભારતના નાણાપ્રધાનની તાજેતરની અમેરિકા મુલાકાત દરમિયાન આ માગણી કરી હતી.ફાઉન્ડેશન ફોર ઇન્ડિયા એન્ડ ઇન્ડિયન ડાયાસ્પોરા સ્ટડીઝ ((FIIDS) USAએ જણાવ્યું હતું કે આવી હિલચાલથી વૈશ્વિક ભારતીય સમુદાયનું રોકાણ આકર્ષી ભારતના અર્થતંત્રને વધુ વેગ આપી શકાશે. FIIDS અમેરિકા ખાતેની ઇન્સ્ટીટ્યૂટ ફોર યુએસ-ઇન્ડિયા પોલિસી સ્ટડી એન્ડ એવેરનેસ છે.

ટાટા ગ્રૂપની માલિકીની એરલાઇન કંપની એર ઇન્ડિયાએ નો-ફ્રિલ્સ એરલાઇન એરએશિયા ઇન્ડિયાને હસ્તગત કરવાની યોજના બનાવી છે અને આ સૂચિત સોદા માટે ભારતના સ્પર્ધા પંચ (સીસીઆઇ)ની મંજૂરી માગી છે. એરએશિયા ઇન્ડિયામાં 83.67 ટકા શેરહોલ્ડિંગ સાથે ટાટા સન્સ બહુમતી હિસ્સો ધરાવે છે અને તેનો બાકીનો હિસ્સો એર એશિયા ઇન્વેસ્ટમેન્ટ પાસે છે, જે મલેશિયાના એરએશિયા ગ્રૂપનો એક ભાગ છે. ફુલ સર્વિસ એરલાઇન એર ઇન્ડિયા અને તેની લો-કોસ્ટ પેટાકંપની એર ઇન્ડિયા એક્સપ્રેસને ગયા વર્ષે ટાટા સન્સની સંપૂર્ણ માલિકીની પેટાકંપની ટેલેસ પ્રા. લિએ ભારત સરકાર પાસેથી હસ્તગત કરી હતી.

ભારતીય શેરબજારનો સૌથી મોટો એલઆઇસીનો પબ્લિક ગેમ આઇપીઓ ચાર મેના રોજ ખુલશે અને નવ મે, ૨૦૨૨ના રોજ બંધ થશે. આ આઇપીઓમાં રોકાણકારોને રૂ.૯૦૨-૯૪૯ના ભાવે શેર ઈશ્યુ કરવામાં આવશે. આ મેગા ઇશ્યૂમાં એલઆઈસીના કર્મચારીઓ- રિટેલ રોકાણકારોને પાંચ ટકા અને પોલિસીધારકોને છ ટકા એટલે કે પ્રતિ શેર રૂ. ૬૦ ડિસ્કાઉન્ટે શેર ઓફર કરવામાં આવશે. આ ઇશ્યૂમાં એલઆઇસીના પોલિસીધારકો માટે ૧૦ ટકા શેર રિઝર્વ રાખવામાં આવ્યા છે.

યુરોપનું સૌથી મોટું ઓઇલ એન્ડ ગેસ ગ્રુપ શેલ ભારતની રિન્યુએબલ પાવર કંપની સ્પ્રંગ (sprng) એનર્જી ખરીદવાનો સોદો કરવાની તૈયારીમાં હોવાનું માનવામાં આવે છે. શેલ કાર્બનનું નીચું ઉત્સર્જન કરતી એનર્જી પર ફોકસ કરી હોવાથી આ હિલચાલ કરી છે. sprng એનર્જી ભારતમાં સોલર અને વિન્ડ ફાર્મનું ઉત્પાદન કરે છે અને શેલ પ્રાઇવેટ ઇક્વિટી (પીઇ) ગ્રૂપ એક્ટિસ પાસેથી આ કંપનીને હસ્તગત કરે તેવી શક્યતા છે. જો આ સોદો થશે તો તે શેલ કે વિશ્વની કોઇપણ ‘બિગ ઓઇલ’ કંપનીનો ભારતના રિન્યુએબલ એનર્જી ક્ષેત્રમાં અત્યાર સુધીનો સૌથી મોટો સોદો હશે.

કોમેડી સીરિયલ ‘વાગલે કી દુનિયા’ના 300 એપિસોડ પૂર્ણ

એક સમયે દૂરદર્શન પર પ્રસારિત થતી કોમેડી સીરિયલ ‘વાગલે કી દુનિયા’ લોકોના જીવન સાથે વણાઈ ગઈ હતી. દર્શકો તેને જોવા માટે ખૂબ જ આતુર હતા. હવે આ સીરિયલની રીમેક બનાવવામાં સબ ટીવી અને હેટ્સ ઓફ પ્રોડક્શન હાઉસ સફળ રહ્યું છે. જે.ડી. મજેઠિયા અને આતિશ કાપડિયાએ તેમની મહેનતથી આ ફેમસ ડેઈલી સોપના 300થી વધુ એપિસોડ ટેલિકાસ્ટ થઈ ચૂક્યા છે અને ટીઆરપી રેટીંગમાં આ સીટ-કોમ નવા-નવા રેકોર્ડ સર્જી રહી છે. આજે ‘વાગલે કી દુનિયા’ માં રાજેશ વાગલેની ભૂમિકા ભજવતા સુમીત રાઘવન, વંદના વાગલેનો રોલ નિભાવતી પરિવા પ્રણતી અને તેમના બાળકોનો રોલ નિભાવતા બંને બાળ કલાકારોની સાથે હેટ્સ ઓફ પ્રોડક્શનના જે.ડી.

મધ્ય પ્રદેશમાં અમીષા પટેલ સામે પોલીસ ફરિયાદ

એક સમયની હોટ અભિનેત્રી અમીષા પટેલ કાયદાકીય વિવાદમાં ફસાઈ છે અને તેની સામે પોલીસમાં છેતરપિંડીની ફરિયાદ નોંધાઈ છે. સોશિયલ વર્કર સુનિલ જૈને તેની સામે ઠગાઈનો કેસ કર્યો છે. ફરિયાદમાં દાવો કરાયો છે કે, મધ્યપ્રદેશના ખંડવામાં અમીષાએ ખૂબ ટૂંકું સ્ટેજ પરફોર્મન્સ આપ્યું હતું. ગદર એક પ્રેમકથાની અભિનેત્રીએ આ કાર્યક્રમમાં પરફોર્ન્સ માટે મોટી રકમ અપાઈ હોવાનું કહેવાય છે. જોકે, ત્યાં યોગ્ય વ્યવસ્થા નહીં હોવાનું કારણ રજૂ કરીને અમીષાએ પોતાનો બચાવ કર્યો છે. અમીષાએ ટ્વિટર એકાઉન્ટ પર લખ્યું હતું કે, 23 એપ્રિલે ખંડવા શહેરમાં નવચંડી મહોત્સવ એટેન્ડ કર્યો હતો.

રોહિત શેટ્ટીની વેબસીરિઝમાં વિવેક ઓબેરોય

મોટા બજેટની એક્શનથી ભરપૂર ફિલ્મો બનાવવા માટે જાણીતા રોહિત શેટ્ટીએ હવે વેબસીરિઝ પર હાથ અજમાવ્યો છે. રોહિત શેટ્ટી એમેઝોન પ્રાઈમ માટે એક્શન સીરિઝ બનાવી રહ્યા છે. ઈન્ડિયન પોલીસ ફોર્સ સિરિઝમાં અગાઉ સિદ્ધાર્થ મલહોત્રા અને શિલ્પા શેટ્ટીની પસંદગી થઇ હતી. હવે, તેમાં વિવેક ઓબેરોયનો પણ સમાવેશ થયો છે. હાલ આ સિરિઝનું શૂટિંગ ચાલી રહ્યું છે. વિવેકે પોતાનો ફર્સ્ટ લૂક શેર કર્યો છે અને કેપ્શનમાં લખ્યું છે કે, બેસ્ટ ફોર્સમાં જોઈન થયો છું, ઈન્ડિયન પોલીસ ફોર્સ અને રોહિત શેટ્ટીના કોપ યુનિવર્સમાં સુપર કોપ છું. હીરોઈઝમ ઈન ખાખી હેશટેગ સાથે આ પોસ્ટ સિદ્ધાર્થ મલહોત્રા અને શિલ્પા શેટ્ટી સાથે પણ શેર કરી હતી. રોહિત શેટ્ટીની આ સીરિઝ 8 એપિસોડમાં એમેઝોન પ્રાઈમ પર દર્શાવવામાં આવશે.

આઝાદી અંગેની ફિલ્મમાં સારા અલી ખાન ફાઈનલ

બોલિવૂડમાં યુવા અભિનેત્રી તરીકે સારા અલી ખાને સ્થાન બનાવી લીધું છે. સુશાંત સિંહ સાથેની ફિલ્મ કેદારનાથથી લઇને ધનુષ સાથે અતરંગી રે સુધીની અલગ-અલગ પ્રકારની ફિલ્મો સારાએ કરી છે. સારાના અભિનયના દરેક ફિલ્મમાં વખાણ થયા છે. અભિનય ઉપરાંત સારા અલી ખાન સોશિયલ મીડિયા પર પણ સક્રીય રહીને ચાહકોને સાથે જોડાયેલી રહે છે. સૂત્રોના જણાવ્યા પ્રમાણે સારા અલી ખાનને આઝાદીના સમયના 1942ના ભારત છોડો આંદોલન આધારિત ફિલ્મમાં ફાઈનલ કરાઈ છે. ભારત છોડો આંદોલન પર આધારિત આ પિરિયડ ફિલ્મનું ડાયરેક્શન કાનન અય્યર કરશે, જેમણે અગાઉ એક થી ડાયનનું દિગ્દર્શન કર્યું છે.