ગોતમ અદાણીના વડપણ હેઠળનું અદાણી ગ્રૂપ વિશ્વની સૌથી મોટી ક્રૂડ ઓઇલ નિકાસકાર કંપની સાઉદી અરામ્કોમાં ઇક્વિટી હિસ્સાની ખરીદી સહિત સાઉદી અરેબિયા સાથે સંભવિત ભાગીદારીની શક્યતા ચકાસી રહ્યું છે.અદાણી ગ્રૂપે સાઉદી અરામ્કો અને દેશના પબ્લિક ઇન્વેસ્ટેન્ટ ફંડ સાથે સંભવિત સહકાર અને સંયુક્ત રોકાણની તક અંગે પ્રાથમિક મંત્રણા કરી છે, એમ આ ગતિવિધિથી માહિતગાર સૂત્રોને ટાંકીને મીડિયા અહેવાલમાં જણાવાયું હતું. અરામ્કોના હિસ્સો ખરીદવા અદાણી ગ્રૂપ રોકડમાં સોદો ન કરે તેવી શક્યતા છે. તે એસેટ સ્વોપ ડીલ કરી શકે છે. ભારતની કંપની રિન્યુએબલ એનર્જી, ક્રોપ ન્યુટ્રિયન્ટ કે કેમિકલ જેવા ક્ષેત્રમાં અરામ્કો કે તેની પેટાકંપનીઓ સાથે જોડાણ કરી શકે છે.

આવકવેરા વિભાગે દેશની સૌથી મોટી ટુ વ્હિકલ કંપની હીરો મોટોકોર્પ અને તેના ચેરમેન પવન મુંજાલના સંખ્યાબંધ સંકુલો પર દરોડો પાડ્યા હતા. કંપની સામે કરચોરીની તપાસના ભાગરૂપે આ કાર્યવાહી કરવામાં આવી હતી. કંપનીએ આઇટીના દરોડને રૂટિન તપાસ ગણાવીને જણાવ્યું હતું કે નાણાકીય વર્ષના પહેલા આવી તપાસ સામાન્ય બાબત છે. કંપનીના ચેરમેન અને સીઇઓ પવન મુંજાલની ગુરુગ્રામ (હરિયાણા), દિલ્હી અને બીજા સ્થળો પર આવેલી ઓફિસો અને રહેણાંક સંકુલો પર દરોડા પડ્યા હતા. આવકવેરા અધિકારીઓએ જણાવ્યું હતું કે અધિકારીઓની ટીમ કંપની અને તેના પ્રમોટર્સના નાણાકીય દસ્તાવેજ અને બીજા બિઝનેસ ટ્રાન્ઝેક્શનની તપાસ કરી રહ્યાં છે.

અગ્રણી FMCG કંપની હિન્દુસ્તાન યુનિલિવર ભારતમાં MDH તરીકે પ્રખ્યાત સ્પાઇસ કંપની મહાશિયન દી હટ્ટીનો બહુમતી હિસ્સો ખરીદવા મંત્રણા કરી રહી હોવાનું મીડિયા અહેવાલમાં જણાવાયું હતું. કંપનીના બિઝનેસને ધ્યાનમાં લેતા MDHનું મૂલ્યાંકન રૂ.13,000-15,000 કરોડ કરવામાં આવે તેવી શક્યતા છે. ત્રોને ટાંકીને રીપોર્ટમાં જણાવ્યું હતું કે MDH સ્પાઇસીસના સ્થાપક ધરમપાલ ગુલાટીના મૃત્યુ બાદ કંપની અન્ય જૂથો સાથે પણ ચર્ચા કરી રહી છે. રોકાણ બેંકિંગ ફર્મ એવેન્ડસ કેપિટલનો અંદાજ છે કે ભારતનું બ્રાન્ડેડ મસાલા બજાર 2025 સુધીમાં બમણું થઈને રૂ.

આશરે 40 વર્ષથી કંપનીનું સંચાલન કર્યા બાદ બિલિયોનેર હિરાનંદાની બ્રધર્સ નિરંજન અને સુરેન્દ્રએ મુંબઈમાં રૂ.20,000 કરોડની રિયલ એસ્ટેટ એસેટનું વિભાજન કરવાનો નિર્ણય કર્યો છે. અહેવાલ અનુસાર ભાઈઓએ 90% સંપત્તિનું વિભાજન કર્યું છે જ્યારે તેઓ 10% સંપત્તિ સંયુક્ત રીતે સંચાલિત કરશે. નિરંજન હિરાનંદાની એક નિવેદનમાં કહ્યું છે કે “અમે 40 વર્ષ સુધી સંયુક્તપણે ચલાવ્યા બાદ હવે યોગ્ય સમયે શાંતિપૂર્ણ અને ખુશીથી બિઝનેસનું વિભાજન કરવાનું નક્કી કર્યું છે. જોકે તેમણે બંને ભાઈઓને ભાગે આવેલ પ્રોપર્ટીના વેલ્યુએશન અંગે કોઈ ટિપ્પણી કરી ન હતી.

સ્ટેચ્યુ ઓફ યુનિટી ખાતે પ્રથમવાર ફિલ્મનું પ્રમોશન

ભારતના જાણીતા ફિલ્મમેકર એસએસ રાજામૌલીની ફિલ્મ RRRને રિલીઝ થવામાં હવે થોડા જ દિવસો બાકી છે ત્યારે તેમણે ફિલ્મના જબરદસ્ત પ્રમોશન માટે મલ્ટી-સિટી ટૂરનું આયોજન કર્યું હતું. ફિલ્મની સમગ્ર કાસ્ટ ભારતના પ્રવાસે નીકળી હતી, જેમાં દિગ્દર્શક એસએસ રાજામૌલી અભિનેતા જુનિયર એનટીઆર અને રામ ચરણ સાથે બેંગ્લોર, હૈદરાબાદ અને દુબઈ પછી હવે વડોદરા પાસે કેવડિયામાં ‘સરદાર વલ્લભભાઈ પટેલના ‘સ્ટેચ્યુ ઓફ યુનિટી’ની મુલાકાત લીધી હતી. રસપ્રદ વાત એ છે કે, આની સાથે જ ‘RRR’ ફિલ્મ ભારતના ઐતિહાસિક સ્મારકોના પ્રવાસ કરનારી પ્રથમ ફિલ્મ બની ગઈ છે.

મમ્મી બનવાની છે સોનમ!

અનિલ કપૂરની દીકરી અને યુવા અભિનેત્રી સોનમ કપૂર લગ્નના ચાર વર્ષ પછી માતા બનવાની છે. સોનમે એક સુંદર તસવીર સાથે આ ન્યુઝ સોશ્યલ મીડિયામાં પોસ્ટ કર્યા છે. આ તસવીરમાં સોનમ કપૂર બેબી બમ્પ દેખાડતી જોવા મળી રહી છે. સોનમે ઇન્સ્ટાગ્રામના પોતાના એકાઉન્ટ પર માતા બનવાના ન્યુઝ પોસ્ટ કર્યા છે. તેણે લખ્યું છે કે, હમ સબસે બેસ્ટ બન શકતે હૈ. દો દિલ. જો આપકે સાથ હર કદમ પર, એક સૂર મેં ધડકેગા. એક પરિવાર, જો આપ કો પ્યાર ઔર સપોર્ટ દેગા. હમ તુમ્હારા સ્વાગત કરને કા ઇંતઝાર નહીં કર શકતે હૈ.સોશ્યલ મીડિયા પર મુકેલી તસવીરમાં પતિ આનંદ આહુજા સોનમના બેબી બમ્પ સાથે પોઝ કરતા જોવા મળી રહ્યા છે.

હવે ગુજરાતી ફિલ્મમાં ચંકી પાંડે?

ચંકી પાંડે બોલિવૂડનો અનુભવી અભિનેતા છે. તે ઘણા વર્ષોથી ફિલ્મોમાં કામ કરી રહ્યો છે. તેણે ઘણી બધી ફિલ્મોમાં પોતાના અલગ-અલગ પાત્રો વડે લોકોના દિલમાં મહત્વનું સ્થાન બનાવ્યું છે. હવે ચંકી પાંડે ગુજરાતી ફિલ્મમાં જોવા મળશે. લીડ હીરો તરીકે તેણે બહુ ઓછી ફિલ્મો કરી હોવા છતાં તેણે ભજવેલી ભૂમિકાની ખૂબ પ્રશંસા થઈ છે, પરંતુ હવે તે જે ઐતિહાસિક ફિલ્મમાં જોવા મળશે, તે સંપૂર્ણપણે નેગેટિવ અને ભયાનક છે. તે ફિલ્મ ‘નાયિકા દેવીઃ ધ વોરિયર કવીન’માં વિલન મુહમ્મદ ઘોરીનો રોલ કરી રહ્યો છે. આ ફિલ્મમાંથી તેનો એક લૂક સામે આવ્યો છે, જેમાં તેનો દેખાવ ખૂબ જ ડરામણો છે. નાયિકા દેવી તરીકે ખુશી શાહના અદભૂત દેખાવ પછી, નિર્માતાઓએ વિલન, મુહમ્મદ દ્યોરીનું બીજું અદભૂત પોસ્ટર જાહેર કર્યું છે. બી-ટાઉન સ્ટાર ચંકી પાંડે પોસ્ટરમાં ફિલ્મના વિરોધીની ભૂમિકામાં છે. પોસ્ટરમાં ચંકી પાંડે નિર્દયી અને ચાલાક દેખાય છે.

કરીનાની ડિજિટલ એન્ટ્રી

છેલ્લા થોડા સમયથી કરીના કપૂરની ડિજિટલ ક્ષેત્રે પદાર્પણ કરવા અંગે ચર્ચા થઇ રહી છે. હવે કરીનાએ જ આ વાતની સોશિયલ મીડિયા પર જાહેરાત કરી છે. કરીનાએ એક વીડિયો અને તસવીરો મુકીને પોતાના આવનારા પ્રોજેક્ટની માહિતી આપી છે. કરીના કપૂરે પોસ્ટ કરેલા વીડિયોથી જાણવા મળ્યું છે કે, તેનો આ પ્રોજેક્ટ જાપાનના જાણીતા લેખત કિગો હિગાશિનોના પુસ્તક ‘ધ ડિવોશન ઓફ સસ્પેક્ટ એકસ’ પર આધારિત હશે. આ પ્રોજેક્ટના નામની માહિતી હજુ સુધી મળી નથી. કરીનાએ સૂત્રોને જણાવ્યા પ્રમાણે, તેની ઓટીટી ડેબ્યુ ફિલ્મ દુનિયાભરમાં બેસ્ટસેલર પુસ્તકનું રૂપાંતર હશે. જેમાં દર્શકોને મર્ડર, મિસ્ટ્રી અને થ્રિલરની સાથેસાથે ઘણી રોમાંચક બાબતો જોવા મળશે.