વડા પ્રધાન બોરિસ જૉન્સને “લિવિંગ વિથ કોવિડ” યોજનાનું અનાવરણ કરતા ગુરૂવારથી ઈંગ્લેન્ડમાં કોરોના વાયરસ સંબંધી મોટા ભાગના નિયંત્રણોના અંતની જાહેરાત કરી છે. 1 એપ્રિલથી મફત માસ ટેસ્ટીંગ બંધ થઈ જશે અને મફત ટેસ્ટીંગ સૌથી વધુ સંવેદનશીલ લોકો માટે લક્ષિત કરવામાં આવશે.

અમદાવાદમાં 2008ના સિરિયલ બોંબ બ્લાસ્ટ કેસમાં અમદાવાદ ખાતેની સ્પેશ્યલ કોર્ટે 38 દોષિતોને ફાંસીની સજા અને 11 દોષિતોને આજીવન કેદની સજા ફરમાવી હતી. સ્પેશ્યલ અદાલતે ગયા સપ્તાહે શુક્રવારે (18 ફેબ્રુઆરી) આ કેસના 49 દોષિતોને સજા ફરમાવી હતી.

પ્રોપર્ટી વેબસાઇટ રાઇટમુવના જણાવ્યા મુજબ યુકેમાં પૂરવઠા કરતા માંગમાં વધારો થવાના કારણે યુકેમાં ઘર માટેની સરેરાશ આસ્કીંગ પ્રાઇસ £7,785થી વધીને £348,804 જેટલી થઇ છે. અગાઉના બે વર્ષની £9,000ની સરખામણીમાં, રોગચાળા પછીથી સરેરાશ આસ્કીંગ પ્રાઇસ £40,000 થઇ છે.

ભારત ખાતેના યુકેના ડેપ્યુટી ટ્રેડ કમિશનર (સાઉથ એશિયા) રિયાનન હેરિસે ભારતીય યુવકના પ્રેમમાં પડીને તેની સાથે ભારતીય પરંપરાથી લગ્ન કરી દીધા છે. સોશિયલ મીડિયામાં બ્રિટેનના મહિલા ડિપ્લોમેટ્સ તથા સ્વતંત્ર ફિલ્મમેકર અને ગોડરોકફિલ્મ્સના સ્થાપક હિમાંશુ પાંડેની રોમાંચક લવસ્ટોરી અને લગ્નની જોરશોરથી ચર્ચા થઈ હતી અને તેમના લગ્ન માટે શુભકામનાઓ પાઠવવામાં આવી હતી.

અમેરિકાના બિલિયોનેર જેર્ડ આઇઝેકમેને જાહેર કરેલા નવા સ્પેસ મિશનના એક ક્રૂ મેમ્બર તરીકે સ્પેસએક્સના એન્જિનિયર અન્ના મેનનની પસંદગી કરાઈ છે. મેનન ઇલોન મસ્કની રોકેટ કંપની સ્પેસએક્સમાં લીડ સ્પેસ ઓપરેશન્સ એન્જિનિયર છે.

ભારત સરકારે પ્રતિબંધિત સંગઠન શીખ ફોર જસ્ટિસ સાથે કથિત ગાઢ લિન્ક બદલ વિદેશ સ્થિત ‘પંજાબ પોલિટિક્સ ટીવી’ના એપ, વેબસાઇટ અને સોશિયલ મીડિયા એકાઉન્ટ બ્લોક કરવાનો મંગળવારે આદેશ આપ્યો હતો.

‘આહોઆ’ના ભૂતપૂર્વ ચેરમેન જયંતી પી. – ‘જે.પી.’ રામાનું 74 વર્ષની ઉંમરે ગુરુવારે અમદાવાદમાં અવસાન થયું છે. આજે ઓરો હોટેલ્સ તરીકે ઓળખાતી, અગાઉની જેએચએમ હોટેલ્સના તેઓ સ્થાપક હતા.

મહારાષ્ટ્ર અને અન્ય રાજ્યોમાં પ્રાદેશિક ભાષાને મહત્વ આપવામાં આવે છે તેમ હવે ગુજરાતમાં તમામ સરકારી અને ખાનગી સ્થળોએ અંગ્રેજી અને હિન્દીની સાથે ગુજરાતી લખવું ફરજીયાત બનાવવામાં આવ્યું છે.

ગુજરાતમાં હવે કોરોના વાયરસના કેસો ઘટીને તળિયે પહોંચવાની તૈયારીમાં છે ત્યારે કોરોના ગાઈડલાઈનના કેટલાંક નિયંત્રણો હળવા કરવા તેમજ નિયમોમાં કેટલીક વધુ છૂટછાટ આપવાનો નિર્ણય કરવામાં આવ્યો છે.

ગુજરાત કોંગ્રેસના કાર્યકારી અધ્યક્ષ અને પાટીદાર નેતા હાર્દિક પટેલે સોમવારે રાજ્ય સરકારને ચેતવણી આપી છે કે 2015ના પાટીદાર અનામત આંદોલન દરમિયાન સમાજના યુવાનો સામે થયેલા ગુનાહિત કેસો 23 માર્ચ સુધી પરત નહીં ખેંચાય તો રાજ્યવ્યાપી આંદોલન શરુ કરવામાં આવશે.

ગુજરાતની સરકારી અને ગ્રાન્ટેડ પ્રાથમિક શાળાઓમાં આશરે 10 હજાર પ્રવાસી શિક્ષકોની તાત્કાલિક ધોરણે ભરતી કરવામાં આવશે. શિક્ષણ પ્રધાન જીતુ વાઘાણીએ ટ્વીટ કરીને શનિવારે આ અંગે જાહેરાત કરી હતી.

અમદાવાદ સહિત સમગ્ર ગુજરાતમાંથી મોટા પ્રમાણમાં એજન્ટો કબૂતરબાજી કરીને લોકોને અમેરિકા કે અન્ય દેશોમાં ગેરકાયદે ઘૂસાડવાનો પ્રયાસ કરી રહ્યા હોવાની ચોંકાવનારી વિગતો બહાર આવી રહી છે.

રવિવારે (20 ફેબ્રુઆરી) કોલકાતામાં રમાઈ ગયેલી ત્રણ ટી-20 ઈન્ટરનેશનલ્સની સીરીઝની છેલ્લી મેચમાં પણ ભારતે વેસ્ટ ઈન્ડિઝને 17 રને હરાવી અગાઉની વન-ડે સીરીઝની માફક આ સીરીઝમાં પણ ત્રણે મેચમાં વિજય સાથે વેસ્ટ ઈન્ડિઝનો 3-0થી વ્હાઈટ વોશ કર્યો હતો.

ભારતીય ક્રિકેટ બોર્ડે આ મહિને જ શરૂ થઈ રહેલી શ્રીલંકા સામેની ઘર આંગણેની ત્રણ ટી-20 તથા બે ટેસ્ટ મેચની સીરીઝ માટે રોહિત શર્માને ભારતીય ટીમનું સુકાન સોંપ્યાની જાહેરાત કરી હતી. આ રીતે, કોહલી પછી રોહિત શર્મા ત્રણે ફોર્મેટમાં ભારતીય ટીમનો સુકાની બનશે.

શ્રીલંકાની ટીમના ભારત પ્રવાસનો પ્રારંભ ટી-૨૦થી કરાશે અને એ પછી બંને દેશો વચ્ચે ટેસ્ટ શ્રેણી રમાશે. બીસીસીઆઇએ શ્રીલંકન ક્રિકેટ બોર્ડની વિનંતી મુજબ કાર્યક્રમમાં ફેરફાર કર્યો હતો. હવે પહેલા ટી-૨૦ની શ્રેણી રમાશે અને એ પછી ૪ માર્ચથી બે ટેસ્ટની શ્રેણી શરુ થશે.

આગામી 4 માર્ચથી ન્યૂઝીલેન્ડમાં શરૂ થનારી આઈસીસી મહિલા ક્રિકેટ વર્લ્ડ કપ સ્પર્ધાની ઈનામી રકમમાં મોટો વધારો જાહેર કરાયો છે. આ ટૂર્નામેન્ટની કુલ ઈનામી રકમ 1.32 મિલિયન અમેરિકી ડોલર રહેશે.