ભારતના વડાપ્રધાન નરેન્દ્ર મોદીએ શુક્રવારે દેવદિવાળી અને ગુરુનાનક જયંતીના પ્રસંગે રાષ્ટ્રજોગ પ્રવચન કરીને ત્રણ વિવાદાસ્પદ કૃષિ કાયદા પાછા ખેંચી લેવાની અચાનક જાહેરાત કરી હતી. તેમણે આ મુદ્દે દેશની માફી પણ માગી હતી અને ખેડૂતોને પોતાનું આંદોલન પાછું ખેંચી લેવાનો અનુરોધ કર્યો હતો.

બ્રિટનની અગ્રણી હોલસેલ કંપનીઓમાંની એક બેસ્ટવે ગ્રૂપને લેસ્ટર સ્ક્વેરમાં નવા શરૂ થયેલ ‘લંડનર’ હોટેલ ખાતે શુક્રવાર (19)ના રોજ ઇસ્ટર્ન આઇ અને ગરવી ગુજરાત દ્વારા આયોજિત ગાલા ઈવેન્ટ એશિયન બિઝનેસ એવોર્ડ્સમાં ટોચનો પ્રતિષ્ઠિત ‘એશિયન બિઝનેસ ઑફ ધ યર એવોર્ડ’ એનાયત કરવામાં આવ્યો હતો.

બ્રિટનની સૌથી સફળ કંપનીઓમાંનું એક બેસ્ટવે ગ્રુપ તેના 59 ડેપો, ડિલિવરી નેટવર્ક અને ઈ-કોમર્સ ચેનલો દ્વારા સમગ્ર યુકેમાં 130,000 થી વધુ રિટેલર્સ અને 3,000 ફ્રેન્ચાઈઝીને સેવા આપે છે. 2018માં, બેસ્ટવેએ કન્વિવાયાલિટી રિટેલ અને આ વર્ષે કોસ્ટકટર સુપરમાર્કેટ ગ્રૂપનો કબજો લીધો હતો.

જે પ્રવાસીઓએ કોવિડ-19 રસીનો બૂસ્ટર ડોઝ અથવા ત્રીજો ટોપ-અપ ડોઝ લીધો છે તેમના નેશનલ હેલ્થ સર્વિસ કોવિડ વેક્સીન પાસમાં તેમની સંપૂર્ણ અપડેટ કરેલી રસીની સ્થિતિ દર્શાવી શકાશે એવી યુકે સરકારે શુક્રવારે જાહેરાત કરી હતી.

હેલ્થ સક્રેટરી સાજીદ જાવીદે તા. 21ના રોજ જાહેરાત કરી હતી કે તબીબી ઉપકરણોના વિકાસમાં “વ્યવસ્થિત પૂર્વગ્રહ” અસ્તિત્વમાં છે કે કેમ તે તપાસવા માટે તેમણે સ્વતંત્ર સમીક્ષા શરૂ કરી છે.

શાહી પરિવારે વિલિયમ અને હેરી વચ્ચેના અણબનાવ અંગેના ‘અતિશય અને પાયાવિહોણા દાવાઓ’ એક ડોક્યુમેન્ટરીમાં પ્રસારિત કરવા માટે બીબીસી પર ગુસ્સો વ્યક્ત કર્યો છે.

અમેરિકામાં જ્ઞાતિગત ભેદભાવનું દૂષણ હોવાનું સ્વિકારતા અને તેનો જાહેર સંસ્થા દ્વારા સામનો કરવાની પહેલ કરતાં કેલિફોર્નિયા યુનિવર્સિટી, ડેવિસની ભેદભાવવિરોધી નીતિમાં પહેલી જ વખત સમાવેશ કરાયો છે.

ભારત સરકારના નાગરિક ઉડ્ડયન પ્રધાન જ્યોતિરાદિત્ય સિંધિયાએ કહ્યું હતું કે ઇન્ટરનેશનલ ફ્લાઇટ્સ ફરી રાબેતા મુજબ શરૂ કરવાની પ્રક્રિયા અંગે સરકાર વિચારી રહી છે.

નીરવ મોદી અને વિજય માલ્યા જેવા આર્થિક ગુનેગારોને સ્પષ્ટ સંદેશ આપતા ભારતના વડાપ્રધાન નરેન્દ્ર મોદીએ ગુરુવાર, 18 નવેમ્બરે જણાવ્યું હતું કે તેમની સરકાર હાઇ પ્રોફાઇલ આર્થિક ગુનેગારોને દેશમાં પરત લાવવા માટે રાજદ્વારી સહિતના તમામ માધ્યમોનો ઉપયોગ કરી રહી છે.

ગુજરાતમાં ધોરણ ૧થી ૫ની સ્કૂલો શરૂ કરવાની છેલ્લા ઘણા સમયથી ચાલતી ચર્ચાઓ અને આયોજન વચ્ચે સરકારે એકાએક ૨૨મી નવેમ્બરથી રાજ્યમાં ધોરણ ૧થી ૫ની સ્કૂલો શરૂ કરી દેવાની જાહેરાત કરી દીધી હતી.

અમદાવાદ સ્થિત ફિઝિકલ રિસર્ચ લેબોરેટી (PRL)ના એક્સોપ્લેનેટ સર્ચ એન્ડ સ્ટડી ગ્રૂપે સૂર્યમંડળની બહાર એક નવો ગ્રહ શોધી કાઢ્યો છે. આ ગ્રહ સૂર્ય કરતાં 1.5 ગણો મોટો છે અને 725 પ્રકાશવર્ષ દૂર છે, એમ ઇન્ડિયન સ્પેસ રિસર્ચ ઓર્ગેનાઇઝેશન જણાવ્યું હતું.

ભરુચ જિલ્લાના આમોદ તાલુકાના કાંકરિયા ગામમાં ઓછામાં ઓછા 100 આદિવાસીઓને ઇસ્લામમાં ધર્માંતરણ કરવાના ગેરકાયદે રેકેટના આરોપમાં ગુજરાત પોલીસે બુધવારે ચાર વ્યક્તિઓની ધરપકડ કરી હતી.

ઇન્દોર સતત પાંચમાં વર્ષે દેશનું સૌથી સ્વચ્છ શહેર બન્યું છે, જ્યારે છત્તીસગઢે દેશના સૌથી સ્વચ્છ રાજ્યનું સ્થાન જાળવી રાખ્યું છે. સ્વચ્છ સર્વેક્ષણ એવોર્ડ 2021માં દેશના સૌથી સ્વચ્છ શહેરોની યાદીમાં સુરત બીજા ક્રમે રહ્યું છે અને ત્રીજું સ્થાન વિજયવાડાએ હાંસલ કર્યું છે.

દેવ ઉઠી એકાદશી સાથે જ સોમવાર, 15 નવેમ્બરથી લગ્નસરાની મોસમનો પ્રારંભ થયો છે. આગામી ૧૪ ડિસેમ્બરે કમૂર્તા બેસશે ત્યાં સુધી લગ્ન માટેના કુલ ૧૩ મુહૂર્ત છે.

સુકાની રોહિત શર્માએ ૫૬ રનની કેપ્ટન્સ ઈનિંગ રમ્યા પછી બોલિંગ મોરચે અક્ષર પટેલે માત્ર ૯ રનમાં ન્યૂઝિલેન્ડની ટોચના ત્રણ બેટ્સમેનની વિકેટ ખેરવી પ્રવાસી ટીમનો રન ચેઝ લગભગ ખતમ કરી નાખતા રવિવારે (21 નવેમ્બર) કોલકાતામાં રમાયેલી ત્રીજી અને છેલ્લી ટી-20માં પણ ભારતે 73 રને વિજય સાથે સીરીઝમાં ન્યૂઝીલેન્ડનો 3-0 વ્હાઈટવોશ કરી નાખ્યો હતો.

ઈન્ટરનેશનલ ક્રિકેટ કાઉન્સીલે ૨૦૨૪ના ટી-૨૦ વર્લ્ડ કપનું આયોજન અમેરિકા અને વેસ્ટ ઈન્ડિઝને સંયુક્તપણે ફાળવી છે. આ રીતે, નોર્થ અમેરિકામાં સૌપ્રથમ વખત ક્રિકેટ વર્લ્ડ કપ રમાશે.

ઓસ્ટ્રેલિયાની ક્રિકેટ ટીમના કેપ્ટન ટીમ પેઈને એશીઝ સીરિઝ પહેલા જ ટીમના સુકાનીપદેથી રાજીનામુ આપ્યું છે. તેની સામે એક યુવતીને અશ્લીલ મેસેજ મોકલવાનો આરોપ મુકાયો છે.

દક્ષિણ આફ્રિકાના બેટ્સમેન અને મિસ્ટર 360 તરીકે ઓળખાતા એબી ડી વિલિયર્સે ગુરુવાર, 19 નવેમ્બરે કિક્રેટના તમામ ફોર્મેટમાંથી નિવૃત્તિની જાહેરાત કરી હતી.