અમેરિકાની ઓટો કંપનીઓ ભારતમાં બિઝનેસ કરવામાં નિષ્ફળ રહેતી હોવાનું બીજી એક મોટુ ઉદાહરણ જોવા મળ્યું છે. જનરલ મોટર્સ અને હાર્લી ડેવિડસનની એક્ઝિટ બાદ હવે અમેરિકાની આઇકોનિક બ્રાન્ડ ફોર્ડ પણ ભારતના બજારમાંથી વિદાય લેશે. કંપની આગામી વર્ષના બીજા ક્વાર્ટર સુધી તેના સાણંદ અને ચેન્નાઇ ખાતેના પ્લાન્ટ બંધ કરી દેશે. તેનાથી બંને પ્લાન્ટના આશરે 4,000 કર્મચારીઓ અને સેલ્સ પોઇન્ટ્સના આશરે 40,000 કર્મચારી રોજગારી સામે જોખમ ઊભું થયું છે.
ફોર્ડ ભારતમાં 1995માં આવી હતી અને અત્યાર સુધી તેને 2.5 બિલિયન ડોલરનું રોકાણ કરેલું છે. પરંતુ ભારતના બજારમાં સ્પર્ધાનો સામનો કરી શકી ન હતી. કંપનીએ 2020-21માં 48,042 કારનું વેચાણ કર્યું હતું અને કાર માર્કેટમાં 1.8 ટકા હિસ્સો ધરાવતી હતી. ફોર્ડને અત્યાર સુધી બે અબજ ડોલરની ખોટ થઈ છે. બજારમાંથી એક્ઝિટ થવા આશરે 1.7 બિલિયનનો ખર્ચ થવાની ધારણા છે.

ફોર્ડ ઇન્ડિયાએ તેના સાણંદ પ્લાન્ટમાં ગુરુવારથી મોટરકારનું ઉત્પાદન જ બંધ કરી દેવાની જાહેરાત કરી હતી. ગુજરાતમાં અને ભારતમાં તેની કારના મોડેલ્સનું વેચાણ અપેક્ષા પ્રમાણે ન થતું હોવાથી આ નિર્ણય લેવામાં આવ્યો છે. ફોર્ડ ઇન્ડિયાના સાણંદ એકમના 2200થી 2500 જેટલા કર્મચારીઓ બેરોજગાર થઈ જશે. આ અગાઉ હાલોલમાંથી જનરલ મોટર્સે તેનું એકમ સંકેલી લીધું હતું. આ સાથે જ મેક ઇન ઇન્ડિયાને પ્રમોટ કરવાના અને ગુજરાતને ઓટો મોબાઈલનું હબ બનાવવાના ગુજરાત સરકારના પ્રયાસને વધુ એક ફટકો પડયો છે. ગુજરાતમાં 22 જેટલા ડીલર્સ તેમનો ધંધો ગુમાવશે.

જેટ એવરેઝ તેના નવા અવતારમાં 2022ના પ્રથમ ક્વાર્ટરથી ડોમેસ્ટિક ફ્લાઇટ ફરી ચાલુ કરવા માટે સજ્જ બની છે. કંપની આગામી વર્ષના બીજા છ મહિના સુધીમાં ઇન્ટરનેશનલ ફ્લાઇટ પણ ફરી ચાલુ કરશે. કંપનીની પ્રથમ ફ્લાઇટ દિલ્હીથી મુંબઈની હશે.
કંપનીએ સોમવારે એક નિવેદનમાં જણાવ્યું હતું કે કંપનીને ફરી બેઠી કરવાની પ્રક્રિયા ટ્રેક પર છે. હાલના એર ઓપરેટર સર્ટિફિકેટ (એઓસી)નું રિવેલિડેશન કરવામાં આવશે.

રિલાયન્સ ઈન્ડસ્ટ્રીઝના ચેરમેન મુકેશ અંબાણી ટૂંકસમમાં 100 બિલિયન ડોલરની ક્લબમાં સામેલ થાય તેવી શક્યતા છે. રિલાયન્સના શેરમાં અસાધારણ તેજીની પગલે અંબાણીની નેટવર્ક વધીને 92.6 બિલિયન ડોલર થઈ છે, એમ બ્લૂમબર્ગ બિલિયોનેર ઇન્ડેક્સમાં જણાવાયું હતું.

ભારતની સુરક્ષા બાબતોની કેબિનેટ કમિટીએ બુધવારે સ્પેનથી C-295 MW વિમાનોની ખરીદીને મંજૂરી આપી હતી. જે હેઠળ ભારતીય હવાઇસેનામાટે 56 મિલિટરી ટ્રાન્સપોર્ટ એરક્રાફ્ટ ખરીદવામાં આવશે. એરબસ-ટાટા પ્રોજેક્ટ સાથે મળીને આ ટ્રાન્સપોર્ટ એરક્રાફ્ટનું ઉત્પાદન કરશે. જે હવાઇસેનાના જૂના Avro 748 પ્લેનનું સ્થાન લેશે. આ માટે 21 હજાર કરોડ રૂપિયાનો ખર્ચ થશે.

રિશી કપૂરની અધુરી ફિલ્મ પરેશ રાવલે પૂર્ણ કરી

બોલીવૂડના અગાઉના જમાના ચોકલેટી હીરો તરીકે પોતાની ઓળખ ઊભી કરનાર સ્વ. રિશી કપૂરના તાજેતરમાં 69મા જન્મદિને તેમની પુત્રી રિદ્ધીમા પિતાના પ્રશંસકોને એક ખાસ ભેટ આપી છે. રિદ્ધિમાએ પિતાના નિધનથી અધૂરી રહેલી ફિલ્મ શર્માજી નમકીનનું પ્રથમ લૂક બહાર જાહેર કર્યું છે.
રિદ્ધિમાએ આ અંગે પોસ્ટ શેર કરતાં લખ્યું છે કે, ફિલ્મ શર્માજી નમકીનનું પોસ્ટર સોશિયલ મીડિયા પર પોસ્ટ કરતા મને આનંદ અને ગર્વ થાય છે. હિંદી ફિલ્મોના જાણીતા અભિનેતાઓમાંના એક રિશી કપૂરને લોકો તેમના અભિનયમ માટે હંમેશા યાદ રાખશે. આ તેમની અંતિમ ફિલ્મનું પ્રથમ લૂક છે.
આ ફિલ્મના અધુરા રહેલા દ્રશ્યોને પરેશ રાવલની મદદથી પૂર્ણ કરવામાં આવ્યા છે.

કિમ શર્મા-લિએન્ડર પેસ વચ્ચે ઇલુઇલુ

કિમ શર્માએ પોતાના સંબંધને અંગે સોશિયલ મીડિયા પર પોસ્ટ મુકી છે. છેલ્લા ઘણા સમયથી તેની અને લિએન્ડર પેસ વચ્ચે ગાઢ સંબંધો હોવાની ચર્ચા હતી. હવે કિમે આ સંબંધને સોશિયલ મીડિયા પર જાહેર કર્યો છે. તે બંન્ને ગોવામાં સાથે વેકેશન માણી રહ્યા હતા ત્યારથી તેમની વચ્ચેના પ્રેમની ચર્ચા શરૂ થઇ હતી. આ પછી તેઓ ઘણીવાર જાહેરમાં સાથે જોવા મળ્યા હતા. જોકે તેમણે ક્યારેય પોતાના સંબંધ અંગે થતી ચર્ચા પર કોઇપણ પ્રકારનો પ્રત્યુત્તર આપ્યો નહોતો. કિમ શર્માએ હવે એક ઓફિશિયલ પોસ્ટ દ્વારા પોતાના અને લિએન્ડર પેસના સંબંધ અંગે સંકેત આપીને પોસ્ટ કર્યું છે, જ્યારે બીજી તરફ કિમની આ પોસ્ટને લિએન્ડરે પણ અનુમોદન આપ્યું છે. તેઓ જે હોટેલમાં હતા ત્યાંથી તેમણે ઇમેજ પોસ્ટ કરી હતી, અને તેમાં બંને ખુશખુશાલ જોવા મળે છે.

SLBની વેબસીરિઝમાં જુહી ચાવલા

સંજય લીલા ભણશાળી (SLB) અત્યારે તેમની મહત્વાકાંક્ષી વેબસીરિઝ ‘હીરામંડી’ માટે તૈયારી કરી રહ્યા છે. જેનું સ્ટ્રીમિંગ નેટફ્લિક્સ પર કરવામાં આવશે. આ બહુચર્ચિત પ્રોજેક્ટમાં વિતેલા જમાનાની જાણીતી અભિનેત્રી જુહી ચાવલા પણ જોવા મળશે.
સૂત્રોના જણાવ્યા પ્રમાણે, ‘હીરામંડી’માં સોનાક્ષી સિંહા, મનીષા કોઇરાલા, નિમરત કૌર, સંજીદા શેખ અને ડાયેના પેન્ટી સહિત કુલ 18 અભિનેત્રીઓ જોવા મળશે. આઠ એપિસોડ્ઝની આ સીરિઝમાં જુહીની ભૂમિકા નાની પણ મહત્વની હશે. તાજેતરમાં ભણશાળી અને જુહી વચ્ચે આ પ્રોજેક્ટ માટે મુલાકાત થઇ હતી અને તેણે વેબસીરિઝમાં કામ કરવાનું સ્વીકાર્યું હતું. તેનું શૂટિંગ પણ ટૂંક સમયમાં શરૂ થશે.’

શું છે મિલિંદ સોમણનો હેલ્થ ફંડા?

બોલીવૂડમાં ફિટનેસની વાત નીકળે એટલે તરત જ મિલિંદ સોમણનું નામ પ્રથમ યાદ આવે. પોતાના આરોગ્ય અંગે હંમેશા સતર્ક રહેનાર 55 વર્ષીય મિલિંદ સોમણે થોડા દિવસ અગાઉ બેંગલુરુની એક હોસ્પિટલમાં CT Scan કરાવ્યું છે. તેણે હોસ્પિટલમાંથી પોતાની એક તસવીર સોશિયલ મીડિયામાં પોસ્ટ કરી હતી અને તેણે જણાવ્યું હતું કે, તેની હેલ્થ નોર્મલ છે.

નેહા ધૂપિયાએ સ્વીકાર્યું મોટું સાહસ

બોલીવૂડમાં એક સમય હતો જ્યારે પરિણીત, ગર્ભવતી અને માતા બની ચુકેલી અભિનેત્રીઓને ખૂબ જ ઓછું કામ મળતું હતું. પરંતુ હવે તે સમયમાં ફેરફાર થતો જોવા મળે છે અને અભિનેત્રીઓને આ ત્રણેય અંગત પરિસ્થિતિમાં કામ મળી રહ્યું છે.