ભારત સરકારે વિવાદાસ્પદ પશ્ચાદવર્તી ટેક્સના કાયદાને નાબૂદ કરવાનો ગુરુવારે નિર્ણય કર્યો હતો અને તે માટે આવકવેરા ધારામાં સુધારો કરશે. ઉલ્લેખનિય છે કે, આ વિવાદિત રેટ્રોસ્પેક્ટિવ ટેક્સના કાયદાના કારણે જ બ્રિટનની કંપનીઓ કેઇર્ન એનર્જી અને વોડાફોન પીએલસી અને બીજી 15 વિદેશી કંપનીઓ સાથે ટેક્સ સંબંધિત કેસ ચાલી રહ્યો છે.

વિવાદાસ્પદ રેટ્રોસ્પેક્ટિવ ટેક્સ નાબૂદ કર્યા બાદ ભારત સરકાર બ્રિટશની કંપની કેઇર્ન એનર્જીને ૧ બિલિયન ડોલર રિફંડ કરે તેવી શક્યતા છે, એમ એક મીડિયા રિપોર્ટમાં જણાવ્યું હતું.

કુમાર મંગલમ બિરલાએ નાણાકીય મુશ્કેલીનો સામનો કરી રહેલી વોડાફોન આઈડિયાના નોન-એક્ઝિક્યુટિવ ડાયરેક્ટર અને નોન-એક્ઝિક્યુટિવ ચેરમેન પદેથી બુધવારે રાજીનામું આપ્યું હતું.

ગુજરાતમાં ખાદ્યતેલોમાં બેફામ સટ્ટાખોરીના પગલે ચાલુ વર્ષે ભાવમાં સતત ઉથલપાથલ થતી રહી છે ત્યારે ગુરુવારે ઈતિહાસમાં પ્રથમવાર રાજકોટમાં સિંગતેલ કરતાંય કપાસિયા તેલમાં રૂ।.10 ઉંચા ભાવે સોદા થયા હતા.

રિલાયન્સ અને ફ્યુચર ગ્રુપ વચ્ચે થયેલી બહુચર્ચિત ડીલ વિરૂદ્ધ એમેઝોનની અરજી પર સુપ્રીમ કોર્ટે શુક્રવારે પોતાનો ચુકાદો આપ્યો હતો. સુપ્રીમ કોર્ટે એમેઝોનના પક્ષમાં ચુકાદો આપ્યો છે.

દીપિકા પદુકોણ-ક્રિતી સેનન એકશન ફિલ્મોમાં

બોલીવૂડમાં એક જમાનામાં એક્શન ફિલ્મો ખૂબ જ સુપર હિટ જતી હતી. ઘણી અભિનેત્રીઓ પણ એક્શન ફિલ્મમાં પણ સફળ થઇ હતી. હવે નવી પેઢીમાં દીપિકા પદુકોણ અને ક્રિતી સેનનને એક્શન ફિલ્મમાં કામ કરવાની ઓફર થઇ અને તેમણે તે સ્વીકારી પણ ખરી.
સિદ્ધાર્થ આનંદના ડાયરેક્શનમાં બની રહેલી ફિલ્મ પઠાનમાં શાહરૂખ ખાન, દીપિકા પદુકોણ, જોન અબ્રાહમ, અને ડિમ્પલ કાપડિયા મહત્વના રોલમાં જોવા મળશે.
દીપિકા આ ફિલ્મમાં એકશન દ્રશ્યો ભજવતી જોવા મળવાની છે. તે પ્રથમ વખત આવા જોખમી દ્રશ્યો ભજવશે.
સૂત્રોના જણાવ્યા પ્રમાણે, દીપિકા અત્યારે ફિલ્મ પઠાન માટે હાઇ-ઓકટેન એકશન દ્રશ્યોની શૂટિંગ કરી રહી છે. દીપિકા આ માટે તાલીમ લઇ રહી છે. પઠાન ફિલ્મમાં દીપિકાને એકશન દ્રશ્યોમાં જોવી એ રસપ્રદ બાબત હશે. સંજય લીલા ભણશાલી અને દીપિકા પદુકોણ નવી ફિલ્મ માટે અત્યારે કોઇ ચર્ચા કરતા નથી. તેથી એક એવી પણ અફવા છે કે, તેમના સંબંધો અગાઉ જેવા નથી.

સ્વ. સરોજ ખાનની બાયોપિક માટે માધુરીની ચર્ચા

એક સમયના બોલીવૂડનાં જાણીતા કોરિયોગ્રાફર સ્વ. સરોજ ખાનની પુત્રી સુકન્યાએ નિર્માતા ભૂષણકુમારને માતાની બાયોપિક માટે હક્ક આપ્યા છે. આ ફિલ્મના દિગ્દર્શક વિશે હજી કોઇ નિર્ણય લેવામાં આવ્યો નથી. ત્યારે સુકન્યાએ નિર્માતા ભૂષણકુમાર સમક્ષ પોતાની એક ઇચ્છા વ્યક્ત કરી છે.
તેણે કહ્યું છે કે, માધુરી અને મારી સ્વર્ગીય માતાના સંબંધો બહુ સારા હતા. તેથી મને ઇચ્છા છે કે, માધુરી દીક્ષિતને પડદા પર માતાની કહાની નેરેટ કરવાની જવાબદારી આપવામાં આવે. તેમની વચ્ચે એક ખાસ સંબંધ હતો. ઉપરાંત આ ફિલ્મનું શૂટિંગ શરૂ થાય એ પહેલા અમે સ્ક્રિપ્ટ પર એક નજર નાખવા માંગીએ છીએ. અમે ઇચ્છીએ છે કે ફિલ્મની વાર્તા વાસ્તવિક હોય.

શિક્ષણ પ્રેમી અક્ષયકુમાર

અક્ષયકુમારે બોલીવૂડમાં પોતાનું અનોખું સ્થાન ઊભું કર્યું છે. તે વર્ષમાં સૌથી વધુ ફિલ્મો સાઇન કરનારો અભિનેતા તરીકે પ્રસ્થાપિત થયો છે. જોકે તે ફિલ્મોમાં સતત વ્યસ્ત રહેતો હોવા છતાં પણ સામાજિક કાર્યોમાં પણ અગ્રેસર છે, તે જ્યાં જરૂર હોય ત્યાં આર્થિક મદદ કરવામાં પણ મોખરે હોય છે. તાજેતરમાં તેણે કાશ્મીરમાં એક સ્કૂલના નિર્માણ માટે રૂ. એક કરોડનું દાન આપ્યું છે.
અક્ષયે ગત 17 જુને કાશ્મીરમાં બોર્ડર સિક્યોરિટી ફોર્સના એક કેમ્પની મુલાકાત લીધી હતી. જ્યાં તેણે એક જર્જરિત શાળા જોઇ હતી જે બીએસએફ માટે હતી. અક્ષયે આ સ્કુલને ફરીથી બચાવવા માટે ડોનેશન આપવાની ઇચ્છા વ્યક્ત કરી હતી.

શાહરૂખ-કાજોલ…ફરીથી હમ સાથ સાથ હૈ?

બોલીવૂડ બાદશાહ, બાઝિગર તરીકે લોકપ્રિય શાહરૂખ ખાન અત્યારે પોતાની નવી ફિલ્મ પઠાનના શૂટિંગમાં વ્યસ્ત છે. અન્ય પ્રોજેક્ટ માટે પણ તેની વિવિધ દિગ્દર્શકો સાથે ચર્ચા થઇ રહી છે. સૂત્રોના જણાવ્યા મુજબ રાજકુમાર હિરાણીની નવી ફિલ્મમાં શાહરૂખ ખાન મુખ્ય ભૂમિકામાં જોવા મળે તેવી સંભાવના છે.
આ ફિલ્મમાં તેની સાથે કાજોલ પણ જોવા મળે તેવી પ્રબળ સંભાવનાઓ છે. આ એક સોશિયલ કોમેડી ફિલ્મ હશે જેમાં આ જોડી ઉપરાંત વિદ્યા બાલન, તાપસી પન્નુ, મનોજ બાજપેયી અને બોમન ઇરાની મુખ્ય ભૂમિકામાં જોવા મળશે.

સોનૂ સૂદને મળ્યું વધુ એક સન્માન

કોરોના મહામારી દરમિયાન અનેક અજાણ્યા લોકોને મદદ કરીને સોનુ સૂદે અનોખી લોક ચાહના મળી છે. તેણે કરેલા સેવાકાર્યો માટે તેને વિવિધ અને જુદા પ્રકારના સન્માન મળ્યા છે. લોકોએ તેને મસીહાનું ઉપનામ પણ આપ્યું હતું. તેને ભલે ફિલ્મોમાં લોકપ્રિયતા નથી મળી પરંતુ પરંતુ પોતાના સદકાર્યોને કારણે ઘરઘરના પરિવારોમાં પોતાનું સ્થાન બનાવ્યું છે. સોનૂએ તાજેતરમાં જ પોતાનો 48મો જન્મદિવસ ઊજવ્યો હતો. આ જ દિવસે તેને એક ખાસ ભેટ મળી છે, જેના દ્વારા તેની સફળતામાં વધુ એક છોગુ ઉમેરાયું છે.