લંડન સ્થિત બાય-આઉટ કંપનીઓ દ્વારા ડીલમેકિંગની મોસમ પુરબહાર ખીલી છે. બ્રિટિશ બિઝનેસના આવા જ એક ડિલમાં પ્રાઇવેટ ઇક્વિટી કંપનીએ ટાઇફૂ ટીની ખરીદી કરી છે.
ઉદ્યોગના સૂત્રોએ જણાવ્યું હતું કે ડીલમેકર અહેમદ હમદાનીના વડપણ હેઠળના લંડન સ્થિત ઝેટલેન્ડ કેપિટલે ગુપચુપ રીતે ટાઇફૂ ટીનો બહુમતી હિસ્સો ખરીદ્યો છે.
ઝેટલેન્ડે નાણાકીય પુનર્ગઠનના પગલે ભારતીય બિઝનેસ ગ્રૂપ એપીજે સુરેન્દ્ર ગ્રૂપ અને તેના લેણદારો પાસેથી ટાઇફૂ ટીનો અંકુશ મેળવ્યો છે. ટાઇફૂ ટીની સ્થાપના 1900 દાયકાના પ્રારંભમાં જોહન સમર જુનિયરે ફાર્મસી અને ગ્રોસરી શોપના વેચાણ માટે બર્મિંગહામમાં કરી હતી.

યોગ ગુરુ બાબા રામદેવની આગેવાની હેઠળના પતંજલિ ગ્રૂપનુ ટર્નઓવર 2020-21માં રૂ.30,000 કરોડને વટાવી ગયું હતું. પતંજલીએ એફએમસીજી સેક્ટરની કંપનીઓમાં હિન્દુસ્તાન યુનિલિવરને બાદ કરતાં તમામ કંપનીઓને પાછળ રાખી દીધી છે. ગ્રૂપના કુલ ટર્નઓવરમાં રુચિ સોયાનું નોંધપાત્ર યોગદાન રહ્યું હતું. પતંજલિ ગ્રૂપે તાજેતરમાં નાદારી પ્રક્રિયા મારફત આ કંપની ખરીદી હતી. પતંજલિ ગ્રૂપના કુલ ટર્નઓવરમાં રુચિ સોયાનો ફાળો રૂ16,000 કરોડનો રહ્યો હતો.

ગુજરાતના બિલિયોનેર બિઝનેસમેન ગોતમ અદાણીના વડપણ હેઠળની અદાણી એરપોર્ટ હોલ્ડિંગ્સે મુંબઈ ઇન્ટરનેશનલ એરપોર્ટ લિમિટેડ(MIAL)નો મેનેજમેન્ટ અંકુશ પોતાના હાથમાં લીધો છે. આ ડીલ સાથે અદાણી ગ્રૂપ ભારતનું સૌથી મોટું એરપોર્ટ ઓપરેટર બન્યું છે.

ભારતીય રિઝર્વ બેન્કે 22 જુલાઈથી માસ્ટકાર્ડને ભારતમાં નવા ગ્રાહકોનો ઉમેરો ન કરવાનો બુધવારે આદેશ આપ્યો હતો. રિઝર્વ બેન્કના પગલાંને કારણે અમેરિકા સ્થિત આ પેમેન્ટ નેટવર્ક કંપની નવા પ્રિપેઇડ, ક્રેડિટ કાર્ડ કે ડેબિટ જારી કરી શકશે નહીં. ભારતમાં ડેટા સ્ટોર કરવામાં કંપનીની નિષ્ફળતાને પગલે ભારતની મધ્યસ્થ બેન્કે આ મોટો નિર્ણય કર્યો છે.

ઉદ્યોગપતિ મુકેશ અંબાણીના વડપણ હેઠળની રિલાયન્સ ઇન્ડસ્ટ્રીઝે રૂ.5,710 કરોડમાં જસ્ટ ડાયલને હસ્તગત કરવાની જાહેરાત કરીને લોકલ સર્ચ સર્વિસ ક્ષેત્રમાં પ્રવેશ કર્યો છે. 25 વર્ષ જૂની કંપની જસ્ટ ડાયલ તેની વેબસાઇટ, મોબાઇલ એપ અને ટેલિફોન લાઇન મારફત લોકલ સર્ચ એન્ડ ઇ-કોમર્સ સર્વિસ પૂરી પાડે છે.

કરીના-અભિષેકના બોલીવૂડમાં 21 વર્ષ

અભિષેક બચ્ચન અને કરીના કપૂરે બોલીવૂડમાં પોતાનું અલગ સ્થાન બનાવ્યું છે. આ બંનેએ 21 વર્ષ અગાઉ વર્ષ 2000માં ફિલ્મ રેફ્યુજીથી બોલીવૂડમાં કારકિર્દીનો પ્રારંભ કર્યો હતો. કરીનાએ ફિલ્મ ઇન્ડસ્ટ્રીમાં 21 વર્ષ પૂર્ણ થવા નિમિત્તે ચાહકો પ્રત્યે આભાર વ્યક્ત કર્યો હતો.
કરીનાએ સોશિયલ મીડિયા પર એક વીડિયો શેર ર્ક્યો છે. જેમાં તેની પ્રથમ ફિલ્મ રેફ્યુજીની થોડી ક્લિપ્સ જોવા મળે છે. આ સાથે જ તેણે પોતાના આવનારા 21 વર્ષનું આયોજન પણ જણાવ્યું છે. આ વીડિયોના કેપ્શનમાં કરીનાએ લખ્યું છે કે, 21 વર્ષ, આભાર. નસીબદાર છું કે આ વર્ષો આનંદમાં ગયા. હજી આવનારા 21 વરસ માટે હું તૈયાર છું.તમારા સહકાર અને પ્રેમ માટે દરેકનો આભાર.

આલિયાનું ફિલ્મ પ્રોડક્શનમાં પદાર્પણ

યુવા અભિનેત્રી આલિયા ભટ્ટે હવે ફિલ્મ પ્રોડક્શન ક્ષેત્રમાં ઝંપલાવ્યું છે. તેણે પોતાના પ્રોડકશન હાઉસની ફિલ્મ ડાર્લિંગ્સનું શૂટિંગ્સ પણ શરૂ કર્યું છે. આ ફિલ્મના નિર્માણમાં શાહરૂખ ખાનની રેડ ચિલીઝ એન્ટરટેઇનમેન્ટનો પણ સહયોગ છે. આ ફિલ્મ માતા-પુત્રીની વાર્તા પર આધારિત છે.
આ ફિલ્મમાં આલિયા સાથે શેફાલી શાહ મુખ્ય ભૂમિકામાં જોવા મળશે. એટલે કે આલિયા અને શેફાલી શાહ માતા-પુત્રીનો રોલ કરશે. આલિયાએ સોશિયલ મીડિયા પર એક તસવીર પોસ્ટ કરીને ફિલ્મના શૂટિંગની શરૂઆતની માહિતી આપી છે. તેણે લખ્યું છે કે, ડાર્લિંગ્સના શૂટિંગનો પ્રથમ દિવસ છે.

વિક્કી કૌશલ ગાયકની ભૂમિકામાં

વિક્કી કૌશલ પોતાની નવી ફિલ્મમાં એક ગાયકની ભૂમિકામાં દેખાશે. તેની સાથે આ ફિલ્મમાં માનુષી છિલ્લર પણ છે. જોકે હજી સુધી આ ફિલ્મના નામ અંગે નિર્ણય લેવામાં આવ્યો નથી. ફિલ્મના ડાયરેક્ટર વિજયકૃષ્ણ આચાર્ય છે. સૂત્રોએ કહ્યું હતું કે, વિક્કીએ આ પહેલા 2015માં જુબાન નામની ફિલ્મ કરી હતી. તેની નવી ફિલ્મ એક મ્યુઝિકલ કોમેડી છે. જેમાં વિક્કીનું પાત્ર રમૂજી હશે. તે ભજન ગાતો હોય છે તેમજ ગંગા કિનારે આરતી પણ કરતો હોય છે. તેમાં ખાસ વાત એ છે કે, તે ભજનને ફિલ્મની ધૂનો પર ગાતો હોય છે. વિક્કીનું પાત્ર ભજન ગાયકનું છે જેમાં કોઇ હાસ્ય નથી.

સરોજ ખાનની બાયોપિક બનશે

બોલીવૂડની જાણીતી કોરિયોગ્રાફર સરોજ ખાનનું ગત વર્ષે 3 જુલાઇના રોજ અવસાન થયું હતું. તેમની ઉંમર 71 વર્ષની હતી. માસ્ટરજીના નામે લોકપ્રિયતા મેળવનાર સરોજ ખાને બોલીવૂડમાં એકથી એક યાદગાર ગીતોની કોરિયોગ્રાફી કરી છે.
માધુરી અને શ્રીદેવી જેવી દિગ્ગજ અભિનેત્રીઓની લોકપ્રિયતામાં પણ તેમનો ફાળો છે. ગત સપ્તાહે તેમની પ્રથમ પૂણ્યતિથી નિમિતે ભૂષણ કુમારે બાયોપિક ફિલ્મ બનાવવાની જાહેરાત કરી હતી. સરોજ ખાન બોલીવૂડના પ્રથમ મહિલા કોરિયોગ્રાફર હતા. તેમની કારકિર્દીના સંઘર્ષ અને સફળતાની વાતો ભૂષણ કુમારની ટી સીરીઝ સિનેમાના પડદે લઇને આવશે.

વિદ્યા-એકતા ઓસ્કારમાં મતદાન કરશે

ફિલ્મની દુનિયામાં ઓસ્કારની સૌથી પ્રતિષ્ઠિત એવોર્ડ તરીકે જાણીતો છે. તેનું સંચાલન કરતી કમિટી ધ એકેડમી ઓફ મોશન પિકચર્સ આર્ટસ એન્ડ સાયન્સે આ વર્ષે 395 ફિલ્મ ઇન્ડસ્ટ્રીની પર્સનાલિટીઝનો તેમાં મતદાન કરવા માટે તેમાં સમાવેશ કર્યો છે. જેમાં બોલીવૂડમાંથી વિદ્યા બાલન, એકતા કપૂર અને શોભા કપૂરનો સમાવેશ કરવામાં આવ્યો છે. ઓસ્કાર માટે આ વર્ષે 46 ટકા મહિલાો, 39 ટકા અન્ડરરીપ્રેઝન્ટેટેડ સમૂહો અને 53 ટકા દુનિયાભરના 50 દેશોને સામેલ કરવામાં આવ્યા છે.