સરકારે યુકેના આઠ શહેરો – કાઉન્સિલ વિસ્તારોના લોકોને એવી સલાહ આપી છે કે તેઓએ અતિ આવશ્યક ના હોય ત્યાં સુધી પોતાના વિસ્તારની બહાર જવું નહીં કે પોતે જેમની સાથે કાયમી વસવાટ કરતા હોય તેવા પરિવારજનો સિવાયના લોકોને બંધિયાર જગ્યાએ – ઘર, ઓફિસ વગેરે સ્થળોએ મળવું નહીં.

યાદ શક્તિને અસર કરતી અને ભાષા તથા વિચાર શક્તિમાં મુશ્કેલીઓ ઉભી કરી શકે તેવી ડીમેન્શીયાની બીમારી અંગે જાગૃતિ લાવવા માટે બ્રેન્ટ નોર્થના સાંસદ બેરી ગાર્ડિનર આવતા શનિવારે તા 5ના રોજ લંડનની આસપાસ 26 માઇલની વોકમાં ભાગ લેશે. તેઓ અલ્ઝાઇમર સોસાયટી માટે નાણાં એકત્ર કરશે, જે ડિમેન્શિયા ધરાવતા લોકો અને તેમને સંભાળ રાખનારા લોકોને ટેકો આપે છે.

યુકેની ઇમિગ્રેશન નીતિમાં “મોટા ફેરફારો” કરવાના પગલા તરીકે દેશમાં અને બહાર ઇમિગ્રેશનના સ્તરને માપવા માટે યુકેના ભારતીય મૂળના હોમ સેક્રેટરી પ્રીતિ પટેલે તા. 24ને સોમવારે યુએસ-શૈલીની નવી ડિજિટલ વિઝાનું અનાવરણ કર્યું હતું.

ઓક્સફર્ડ / એસ્ટ્રાઝેનેકા અથવા ફાઈઝરની રસીના બે ડોઝ, ભારતમાં પ્રથમ વખત મળી આવેલા કોવિડ-19ના B1.617.2 વેરિયન્ટનો ચેપ અટકાવવામાં 80 ટકાથી વધુ અસરકારક છે એમ યુકેમાં કરાયેલા અભ્યાસમાં જણાવાયું છે.

ગુજરાતમાં 18મેએ આવેલા શક્તિશાળી વાવાઝોડાને કારણે ઓછામાં ઓછા 80 લોકોના મોત થયા હતા અને દરિયાકાંઠાના વિસ્તારોમાં ભારે નુકસાન થયું હતું. મકાન પડવાથી, ઝાડ પડવાથી કે વીજળીના કરંટથી મોટાભાગના મોત થયા હતા.

ભૂતપૂર્વ પ્રેસિડેન્ટ ડોનાલ્ડના બિઝનેસલક્ષી વ્યવહારોની છણાવટ કરવા માટે તેમના ટ્રમ્પ ઓર્ગેનાઇઝેશનમાં ન્યૂયોર્ક સ્ટેટ એટર્ની જનરલની ઓફિસ દ્વારા ક્રિમિનલ કક્ષાની (ફોજદારી) તપાસ કરવામાં આવી છે.

ભારતમાં ત્રાટકેલા કોવિડ-19 ચેપના વિનાશક બીજા મોજા સામેની લડતમાં મદદ કરવા માટે બીએપીએસ સ્વામિનારાયણ સંસ્થા યુકે દ્વારા દાન કરાયેલ ઑક્સિજન કન્સન્ટ્રેટર્સ અને અન્ય જીવનરક્ષક ઉપકરણો ભારતના ગ્રામીણ ક્લિનિક્સ અને આરોગ્ય કેન્દ્રોમાં દર્દીઓ સુધી પહોંચ્યા છે.

બે બ્રિટિશ કેમિસ્ટ, ભારતીય મૂળના પ્રોફેસર સર શંકર બાલાસુબ્રમણિયન અને પ્રોફેસર સર ડેવિડ ક્લેનરમેન એક સુપર-ફાસ્ટ ડીએનએ સિક્વન્સિંગ ટેકનીક વિકસાવ્યા બાદ મંગળવારે તા.

વડા પ્રધાન બોરિસ જોન્સન તેમની વાગ્દત્તા તેમજ તેમના દિકરાની માતા કેરી સાયમંડ્સ સાથે આગામી 30 જુલાઇ 2022ના રોજ લગ્નગ્રંથીથી બંધાશે અને તેમણે લગ્ન માટે મિત્રો અને સંબંધીઓને આમંત્રણ આપી તારીખ સાચવી (સેવ-ધ-ડેટ કાર્ડ) રાખવા જણાવ્યું છે.

ગુજરાત સરકારે ગુરુવારે મ્યુકરમાઈકોસિસને એપિડેમિક ડીસિઝ એક્ટ 1857ની જોગવાઈ હેઠળ એપેડેમિક જાહેર કર્યો હતો. રાજ્યમાં કોરોના મહામારી વચ્ચે આ બિમારીના પણ આશરે 1,500થી વધુ કેસ નોંધાયા છે.

વડાપ્રધાન નરેન્દ્ર મોદીએ બુધવાર, 19મેએ ગુજરાતના તાઉ-તે વાવાઝોડાથી અસરગ્રસ્ત વિસ્તારોનું હવાઇ નિરીક્ષણ કર્યા બાદ રાજ્ય માટે તાકીદના રૂ.1,000 કરોડના રાહત પેકેજની જાહેરાત કરી હતી. તાત્કાલિક રાહત બાદ, રાજ્યમાં થતા નુકસાનીનું મૂલ્યાંકન કરવા માટે કેન્દ્ર સરકાર એક આંતર-મંત્રાલયની ટીમ રાજ્યની મુલાકાત માટે આવશે.

ગુજરાતમાં કોરોનાના કેસો દૈનિક કેસ 5,000થી નીચે આવી ગયા બાદ ગુરુવારે રાજ્ય સરકારે કોરોના નિયંત્રણોમાં આંશિક રાહત આપી હતી. રાજ્યના મુખ્યપ્રધાન વિજય રૂપાણીએ 21થી 27 મે સુધી વેપાર-ધંધાને છૂટ આપવાની જાહેરાત કરી હતી.

ભારતીયો અને ગુજરાતીઓથી છલકાતા લેસ્ટરમાં ભારતીય વેરિયન્ટનો વ્યાપ વધતા સરકારે મુસાફરી કરવાનું ટાળવા અને તકેદારી રાખવા જે આઠ શહેરો – વિસ્તારોને વિનંતી કરી છે તેમાં લેસ્ટરનો પણ સમાવેશ થાય છે.રવિવારે, કિંગ પાવર સ્ટેડિયમ ખાતેની લેસ્ટર સિટીની સીઝનની અંતિમ મેચમાં કાઉન્ટીમાંથી 8,000 લોકો મેચ જોવા ઉપસ્થિત રહ્યા હતા.