હેલ્થ સેક્રેટરી મેટ હેનકોકે ચેતવણી આપી હતી કે કોરોનાવાયરસનો નવો ભારતીય વેરિયન્ટ “જંગલની આગની જેમ” ફેલાય છે અને તેનાે ફેલાવાે રોકવા સ્થાનિક લોકડાઉનની જરૂર પડી શકે છે. કોરોનાવાયરસના આ નવા ભારતીય વેરિયન્ટ સામે રસી કામ કરતી હોવાના નવા પુરાવાઓથી “વધુ આત્મવિશ્વાસ” મળ્યો છે. વૈજ્ઞાનિકોએ લોકોને ગભરાવા નહીં અને છતાં સાવચેત રહેવા જણાવ્યું છે.નવો વેરિયન્ટ જે રીતે ફેલાય છે તે જોતાં સરકાર દિવસમાં એક મિલિયન લોકોને રસી આપવાની આશા રાખે છે.મિ‌નિસ્‍ટરોએ સાંસદોને જણાવ્યું છે કે તેઓ એક પખવાડિયામાં રસીની દૈનિક માત્રાની સંખ્યા 5,00,000થી વધારીને 8,00,000 સુધી કરશે અને ઉનાળા દરમિયાન સંભવત: તે એક મિલિયન સુધી લઇ જશે.

અરબી સમુદ્રમાં સર્જાયેલું ‘તાઉતે’ વાવાઝોડું સોમવારે, 17મેની મોડી રાત્રે ગુજરાતના દરિયાકાંઠે ત્રાટક્યું હતું. પોરબંદર અને મહુવા (દીવના પૂર્વ ભાગમાં) ૧૫૫થી ૧૬૫ કિલોમીટર પ્રતિ કલાકની ઝડપે ફૂંકાયેલા આ વાવાઝોડાથી ગુજરાતમાં 13 માણસોના મોત નિપજ્યા હોવાનું મુખ્યપ્રધાન વિજય રૂપાણીએ મંગળવારે જણાવ્યું હતું.રાજ્યભરમાં તોફાની વરસાદ પડ્યો હતો, તો ઠેર ઠેર વૃક્ષો અને વીજળીના થાંભલા ધરાશાયી થવા તેમજ મકાનોના છાપરાં ઉડી જવાની ઘટનાઓ બની હતી. રાજ્યભરમાંથી આશરે બે લાખ લોકોનું સ્થળાંતર કરાવાયું હતું. વાપી, રાજકોટ અને ગરિયાધારમાં એક-એક વ્યક્તિનું તેમજ ઉનામાં બે તથા આણંદમાં એક બાળકીનું મોત થયું હોવાના સમાચાર છે.

બ્રિટનના વડાપ્રધાન બોરિસ જોન્સને ભારતમાંથી આવતા પ્રવાસીઓ પર પ્રતિબંધ લાદવામાં વિલંબ કરતા દેશમાં પ્રવેશવાની મંજૂરી આપવામાં આવેલા ઓછામાં ઓછા 20 હજાર પ્રવાસીઓ કોવિડ-19ના સ્ટ્રેઇનથી ચેપગ્રસ્ત હોવાની સંભાવના દર્શાવવામાં આવી છે.ભારતીય વેરિયન્ટના કેસીઝમાં વધારો થતાં હવે લોકડાઉનમાં આપેલી છૂટછાટો સામે ખતરો ઊભો થયો છે. વડાપ્રધાને પાકિસ્તાન અને બાંગ્લાદેશથી આવતી ફ્લાઇટ્સ પર પ્રતિબંધ જાહેર કર્યાના ત્રણ અઠવાડિયા પછી 23 એપ્રિલે ભારતનો ‘રેડ’ લિસ્ટમાં ઉમેરો કર્યો હતો.

અમેરિકાની ઉચ્ચ કક્ષાની હેલ્થ એજન્સીએ ગુરુવારે જણાવ્યું હતું કે, તે કોવિડ-19 સામે રક્ષણ માટે સંપૂર્ણ રસી લેનારા લોકો માટે માસ્ક પહેરવા સંબંધિત સૂચનાઓ પરત લઇ રહી છે. પ્રેસિડેન્ટ જો બાઇડેને આ ક્ષણને મહત્ત્વની ગણાવીને લાંબા સમયથી ચાલી રહેલી મહામારી સામેની લડતમાં એક મહાન દિવસ તરીકે તેને ગણાવ્યો છે.આ જાહેરાત સેન્ટર્સ ફોર ડીસીઝ કંટ્રોલ એન્ડ પ્રીવેન્શન (સીડીસી)એ વાઇરસને ફેલાતો અટકાવવા માટે લોકોને તેમના ચહેરા ઢાંકવા વિનંતી કરી હતી તેના એક વર્ષ કરતા વધુ સમય પછી નિયમોમાં છૂટછાટ આપવામાં આવી છે.

ગુજરાતમાં કોરોનાના નવા કેસ અને અને મોતના સત્તાવાર આંકડામાં ઘટાડો થયો છે. શહેરી વિસ્તારોમાં કેસો ઘટ્યા છે પરંતુ રાજ્યના ગામડાંઓમાં કોરોનાએ હાહાકાર મચાવી દીધો છે. ગ્રામીણ વિસ્તારોમાં ટેસ્ટિંગ સુવિધા અને હેલ્થકેર સુવિધાને અભાવે દરરોજ સંખ્યાબંધ લોકો મરી રહ્યા હોવાનું માનવામાં આવે છે.ગામડામાં કોરોનાની સાથે સાથે મ્યુકરમાઇકોસિસ (બ્લેક ફંગસ) નામની ભયાનક બિમારી પણ ફેલાઈ રહી છે. ગ્રામ્ય વિસ્તારોમાં કોરોનાએ માથું ઉંચકતા સરકાર પણ દોડતી થઇ ગઇ છે.

અમેરિકામાં વસતા પાટીદારોએ ગુજરાતમાં પોતાના વતનની મદદે ચઢ્યા હોવાના અનેક દાખલાઓ છે, ત્યારે સૌરાષ્ટ્રના પાટીદાર સમાજના લોકો કોરોનામાં ગુજરાતીઓને મનમૂકીને દાન આપ્યું છે. સૌરાષ્ટ્ર પટેલ કલ્ચર સમાજ – અમેરિકાએ ગુજરાતના ગામડાઓમાં કોરોનાના દર્દીઓ માટે ઓક્સિજનના મશીનો મોકલવાનું નક્કી કર્યું છે. માત્ર 4 જ દિવસમાં 5 કરોડ (6,80,000 ડોલર)નું દાન ભેગું કરી નાંખ્યું હતું,

ભારતની રાજધાની દિલ્હીમાં કોરોના કેસોમાં ઘટાડો થયો હોવા છતાં મુખ્યપ્રધાન અરવિંદ કેજરીવાલે લોકડાઉન વધુ એક સપ્તાહ વધારવાની રવિવારે જાહેરાત કરી હતી. દિલ્હીમાં ચોથી વાર આ લૉકડાઉન વધારવામાં આવ્યું છે. દિલ્હીમાં ગયા મહિને પહેલી વાર લોકડાઉનની જાહેરાત કરવામાં આવી હતી ત્યારપછી સતત તેને લંબાવવામાં આવ્યું છે.

ગુજરાત સરકારમાં ગૃહ રાજ્ય પ્રધાન પ્રદીપસિંહ જાડેજાએ મીડિયામાં ‘ગુજરાતમાં મૃત્યુના આંકડા સરકાર છૂપાવે છે. ૭૧ દિવસમાં ૧.ર૩ લાખ ડેથ સર્ટીફીકેટ ઇસ્યુ થયાં’ એવા પ્રસિદ્ધ થયેલા સમાચારને હકીકતલક્ષી વિગતોથી તદ્દન જુદા અને આધારવિહીન ગણાવ્યા છે. તેમણે આ સંદર્ભમાં સ્પષ્ટપણે જણાવ્યું છે કે, આ અહેવાલમાં મરણ પ્રમાણપત્ર-ડેથ સર્ટીફીકેટને આધાર બનાવીને જે મૃત્યુની સંખ્યા ગણવામાં આવી છે

કોરોનાના કેસ અને મોતમાં સતત વધારાને પગલે મહારાષ્ટ્ર સરકારે 1 જૂન સુધી રાજ્યમાં લોકડાઉન લંબાવવાનો ગુરુવારે નિર્ણય કર્યો હતો. સરકારે કોરોના ગાઈડલાઈન્સ પણ જાહેર કરી છે, જેમાં મહત્વના દિશાનિર્દેશ કરવામાં આવ્યા છે. જૂના નિયમોની સાથે કેટલાક નવા નિયમો પણ જોડવામાં આવ્યા છે જેથી કોરોના વાયરસની ચેઈનને તોડી શકાય. સરકારી આંકડા પ્રમાણે મહારાષ્ટ્રમાં કોરોના વાયરસના બુધવારે વધુ 46,781 કેસ પોઝિટિવ આવ્યા છે અને 816 દર્દીઓએ જીવ ગુમાવ્યો છે. હાલ રાજ્યમાં કોરોનાના એક્ટિવ કેસની સંખ્યા 5,46,129 છે.

ભારતમાં કોરોના મહામારીના પ્રકોપ વચ્ચે ભારતના ગુજરાચ સહિતના કેટલાંક રાજ્યોમાં મ્યુકરમાઈકોસિસ અથવા બ્લેક ફંગસ નામની નવી બિમારીએ આફત ઊભી છે. મહારાષ્ટ્ર, ગુજરાત, રાજસ્થાન જેવા રાજ્યોમાં આ બીમારીની અસર વધારે જણાઈ રહી છે. સ્થિતિ એ હદે ખરાબ છે કે, આ બીમારીમાં લગભગ 50 ટકા દર્દીઓ પોતાનો જીવ ગુમાવી રહ્યા છે અને આ બિમારીની સારવારમાં વપરાતી દવાની અછત ઊભી થઈ છે.