એલન મસ્કની ઈલેક્ટ્રિક કાર બનાવતી ટેસ્લાની ભારતમાં એન્ટ્રી થઈ ગઈ છે. એલન મસ્કે ભારતના બેંગલુરુમાં ટેસ્લા ઈન્ડિયા મોટર એન્ડ એનર્જી પ્રાઈવેટ લિમિટેડ નામની પેટાકંપનીનું રજિસ્ટ્રેશન કરાવ્યું છે. કંપની અહીં લક્ઝરી ઈલેક્ટ્રિક કારોનું નિર્માણ અને વેચાણ કરવાની યોજના ધરાવતી હોવાનું માનવામાં આવે છે. ટેસ્લાએ પહેલી ઓફિસ બેંગ્લુરુમાં બનાવી છે. બેંગ્લુરુમાં એક રિસર્ચ એન્ડ ડેવલપમેન્ટ યુનિટ સાથે પોતાની કામગીરી શરુ કરી છે.
કોર્પોરેટ બાબતોના મંત્રાલય મુજબ ટેસ્લા 8 જાન્યુઆરીએ બેંગ્લુરુમાં આવી છે. કંપની ભારતમાં ભારતમાં મોડલ 3 લોન્ચ કરી શકે છે. વર્ષના અંતિમ ત્રિમાસિકમાં ડિલિવરી શરુ કરવામાં આવી શકે છે.

વોટ્સએપે નવી પ્રાઇવસી પોલિસીના અમલને 15 મે સુધી મોકૂફ રાખ્યો હતો. વોટ્સએપની નવી પ્રાઇવસી પોલિસીથી દુનિયાભરના કરોડો લોકો નારાજ થયા હતા અને તેના યુઝર્સ હરીફ કંપનીઓ ખેંચી જશે તેવી ચિંતાને પગલે કંપનીએ આ નિર્ણય કર્યો હતો. વોટ્સએપની નવી પોલિસીથી તેની માલિક કંપની ફેસબૂકને યુઝર્સનો તમામ ડેટા મળશે તેવી ઊભી થયેલી ગેરસમજને દૂર કરવા માટે કંપની પ્રયાસ કરશે.
ટ્સએપે એક નિવેદનમાં જણાવ્યું હતું કે ફેબ્રુઆરીની 8મીએ કોઇએ પોતાના વોટ્સએપ એકાઉન્ટને ડિલિટ નહીં કરવું પડે. અમે કોઇ પણ એકાઉન્ટને ડિલિટ કરવાનો નિર્ણય લીધો નથી અને ભવિષ્યમાં પણ આવી કોઇ યોજના અમે હાથ ધરવાના નથી.

ભારતના સાત અગ્રણી શહેરોમાં મકાનના વેચાણમાં વર્ષ 2020 દરમિયાન આશરે 50 ટકાનો જંગી ઘટાડો થયો હતો. જોકે 2020ના અંતિમ ક્વાર્ટરમાં મકાનના વેચાણમાં વધારો થયો હતો.
એક રિપોર્ટમાં જણાવ્યા અનુસાર ૨૦૧૯માં ૧.૪૩ લાખ મકાનની સામે ૨૦૨૦માં સાત શહેરોમાં કુલ ૭૪,૪૫૦ મકાનો વેચાયા હતા. ડિસેમ્બર ત્રિમાસિક ગાળામાં મકાનના વેચાણમાં સપ્ટેમ્બર ત્રિમાસિકની સરખામણીએ ૫૧ ટકા વધારો થયો હતો. ૨૦૨૦માં વાર્ષિક ધોરણે ૫૨ ટકાનો ઘટાડો નોંધાયો હતો. ડિસેમ્બર ત્રિમાસિક ગાળમાં દેશના શહેરોમાં થયેલા કુલ વેચાણમાંથી ૨૩ ટકા વેચાણ મુંબઈમાં થયું હતું. દિલ્હી એનસીઆરમાં આ આંક વીસ ટકા રહ્યો હતો.

યુએસ ટ્રેડ રિપ્રેઝન્ટેટિવ ઓફિસે જારી કરેલી નોટોરિયસ માર્કેટની યાદીમાં ભારતના ચાર માર્કેટનો સમાવેશ થયો છે. ભારતની અગ્રણી ઇ-કોમર્સ કંપની સ્નેપડીલનો પણ તેમાં સમાવેશ થયો છે. યુએસ ટ્રેડ રિપ્રેઝન્ટેટિવ ઓફિસે બનાવટી પ્રોડક્ટ્સ અને પાઇરેટેડ પ્રોડક્ટ્સ માટેના નોટોરિયસ માર્કેટની 2020માં સમીક્ષા કર્યા બાદ આ યાદી જારી કરી હતી.
આ યાદીમાં સામેલ થયેલા ચાર ઇન્ડિયન માર્કેટમાં મુંબઈના હીરા પન્ના, કોલકતાના કિડરપોર તથા દિલ્હીના પાલિકા બજાર અને ટેન્ક રોડનો સમાવેશ થાય છે. નોટોરિયસ માર્કેટની ગયા વર્ષની યાદીમાં એઝવાલના મિલેનિયમ સેન્ટરનો સમાવેશ થયો હતો, પરંતુ હવે તેની જગ્યાએ પાલિકા બજારનો સમાવેશ થયો છે.

વિશ્વની સૌથી મૂલ્યવાન 500 કંપનીઓની યાદીમાં ભારતની ખાનગી ક્ષેત્રની 11 કંપનીઓનો સમાવેશ થયો હતો. આ પ્રતિષ્ઠિત સૂચિમાં ભારત દેશ 10મા ક્રમે છે. 2020ના વર્ષમાં આ 11 કંપનીઓના કુલ મૂલ્યમાં 14 ટકાનો વધારો થયો હતા અને તેમનું મૂલ્ય 805 બિલિયન ડોલર અથવા ભારતના જીડીપીના લગભગ ત્રીજા ભાગનું રહ્યું હતું

સૈફ અલી ખાનની તાંડવ વેબસીરીઝ વિવાદમાં સપડાઇ

સૈફ અલી ખાન, ડિમ્પલ કાપડિયા, સુનીલ ગ્રોવર, ગૌહર ખાન અને ઝીશાન અયુબ અભિનીત તાંડવ વેબ સિરીઝ વેબ સિરીઝ રિલીઝ થતાં જ વિવાદોમાં ઘેરાયેલી જોવા મળે છે. વેબ સીરીઝનાપહેલા એપિસોડને લઈને વિવાદ ઉભો થયો છે. હકીકતમાં, વેબ સિરીઝના પહેલા જ એપિસોડમાં, ઝીશાન અયુબ ભગવાન શિવનો વેશ જોવા મળે છે અને આ પોશાકમાં તે યુનિવર્સિટીમાં વિદ્યાર્થીઓને સંબોધન કરતા પણ જોવા મળે છે.
આ દરમિયાન, ઝીશાન અયુબ સ્ટેજ પરથી કહેતા જોવા મળે છે – ‘તમને કોની સ્વતંત્રતા જોઈએ છે?’ ઝીશાન પહોંચતાંની સાથે જ સ્ટેજ ઓપરેટર કહે છે- ‘નારાયણ-નારાયણ, ભગવાન કંઈક કરો. રામજીના અનુયાયીઓ સોશિયલ મીડિયા પર સતત વધી રહ્યા છે. મને લાગે છે કે આપણે નવી વ્યૂહરચના ઘડવી જોઈએ.

સોનમ કપૂર પ્રજ્ઞાચક્ષુ યુવતીની ભૂમિકા ભજવશે

અભિનેત્રી સોનમ કપૂર તેની આગામી ફિલ્મ બ્લાઇન્ડમાં પ્રજ્ઞાચક્ષુ યુવતીની ભૂમિકા ભજવવાની છે. જેના માટે તે બોડી લેન્ગવેજની તાલીમ લઇ રહી છે.
ફિલ્મ સાથે જોડાયેલા એક વ્યક્તિએ જણાવ્યું હતુ ંકે, ફિલ્મનાપાત્રને યોગ્ય ન્યાય આપવા માટે સોનમ હાલ સખત ડાયટ કરી રહી છે. કહેવાય છે કે, તે મહામારી પછી જલદી જ શૂટિંગ શરૂ કરશે.ફિલ્મના દિગ્દર્શક સાથે તે વિવિધ વિષયોના રિસર્ચ પર ચર્ચા કરી રહી છે. એક કોચ પાસેથી પોતાના પાત્રને ઉત્તમ રીતે ભજવવા માટે તાલીમ પણ લઇ રહી છે.

વરૂણ ધવન નતાશા દલાલ સાથે ટુંક સમયમાં જ લગ્ન કરશે

અભિનેતા વરુણ ધવન અને તેની ગર્લફ્રેન્ડ નતાશા દલાલ પોતાની લવસ્ટોરી માટે ચર્ચામાં છે. આ કપલને લઇને એક સમાચાર જાણવા મળ્યા છે.જોકે તેને સત્તાવાર પુષ્ટિ કરવામા ંઆવી નથી. એક રિપોર્ટના અનુસાર વરુણ અને નતાશા આ જ મહિને લગ્ન કરવાના છે. અલીબાગમાં તેઓ પંજાબી રીતરિવાજથી લગ્નબંધનમાં બંધાવાના છે. આ માટે તેમણે એક ફાઇવસ્ટાર હોટલ બુક કરી છે.
આ લગ્નમાં તેઓ ૨૦૦ મહેમાનોને આમંત્રણ આપવાના છે. ૨૦૧૮માં વરુણે નતાશા સાથેના સંબંધોને ઓફિશિયલ કરી દીધા હતા. બે વરસપહેલા જ તેમના લગ્નની તૈયારી શરૂ કરવામાં આવી હતી.

અનુપ જલોટા સત્ય સાંઇબાબાનો રોલ કરશે

ભજન સમ્રાટ અનુપ જલોટા ટુંક સમયમાં જ સત્ય સાંઇબાબાની બાયોપિકમાં જોવા મળવાના છે. આ ફિલ્મ આદ્યાત્મિક ગુરુ સત્ય સાંઇબાબા પર આધારિત હશે.અનુપ જલોટાના આ રોલવાળી તસવીર સોશિયલ મીડિયા પર વાયરલ થઇ રહી છે. અનુપ જલોટાએ એક વાતચીત દરમિયાન જણાવ્યું હતું કે, તેઓ ૧૨ વરસના હતા ત્યારે સાંઇબાબાને મળ્યા હતા. હું ૫૫ વરસનો હતો ત્યારે સત્ય સાંઇ બાબાને મળ્યો હતો.

પ્રિયંકા ચોપરા એક કરતાં વધુ બાળકોની માતા બનવા માગે છે

અભિનેત્રી પ્રિયંકા ચોપરા પણ હવે માતા બનવા માગે છે. તે એક કરતા વધારે બાળકોની માતા બનવા માગે છે. વર્ષ 2018 માં નિક જોનાસ સાથે લગ્નના બંધનમાં બંધાયેલ પ્રિયંકા ચોપડાએ તાજેતરમાં જ એક મેગેઝિન સાથેની વાતચીતમાં તેણે તેના ફેમિલી પ્લાનિંગ વિશે વાત કરી હતી.