સ્થાનિક વિસ્તારોને આકરા ટિયર 3 પ્રતિબંધોથી બહાર જવા માટે સરકારની યોજનાના ભાગ રૂપે, ઝડપી કોરોનાવાયરસ ટેસ્ટીંગ માટે એથનિક જૂથોને પ્રાથમિકતા આપી શકાશે.

અગ્રણી જી.પી.એ કોરોનાવાયરસ રસીના આગામી રોલઆઉટ દરમિયાન તેમની ઉપર આવનારા “વર્કલોડ પ્રેશર”માં સહાય માટે મદદની હાકલ કરી છે. NHS ઇંગ્લેન્ડ દ્વારા જી.પી. સર્જરીઓને આ સપ્તાહથી (તા. 1 ડિસેમ્બર) કોવિડ રસીકરણ કાર્યક્રમ માટેની તૈયારી શરૂ કરવાનું કહેવામાં આવ્યું છે.

યુકેમાં માસ વેક્સિન કાર્યક્રમ માટેના મિનિસ્ટર નદીમ જહાવીએ સોમવારે એવા સંકેતો આપ્યા હતા કે, દેશમાં પબ્સ, રેસ્ટોરેન્ટ્સ, બાર્સ, સિનેમા હોલ્સ, સ્પોર્ટિંગ ઈવેન્ટ્સ વગેરે દ્વારા થોડા સમયમાં એવા નિયમો અમલી બની શકે છે કે, જે લોકોએ કોરોનાની વેક્સિન લીધી ના હોય – વેક્સિન લીધાના પુરાવા ના હોય તેમને પ્રવેશ અપાશે નહીં.

અમેરિકાના ટોચના વિજ્ઞાની એન્થની ફૌસીએ રવિવારે ચેતવણી આપી હતી કે થેન્કસગિવિંગ હોલિડે પછી લાખ્ખો ટ્રાવેલર્સ ઘરે પરત આવશે ત્યારે અમેરિકામાં કોરોના વાઇરસના કેસોના નવા ઉપરાઉપરી મોજા આવી શકે છે. વિશ્વમાં કોરોના વાઇરસના સૌથી વધુ કેસ અને સૌથી વધુ મોત અમેરિકામાં થયા છે.

કેન્દ્ર સરકારના નવા કૃષિ કાયદાનો વિરોધ કરવા માટે પંજાબ અને હરિયાણાના ખેડૂતોનું આંદોલન રવિવારે ત્રીજા દિવસમાં પ્રવેશ્યું હતું. દિલ્હી ચલો આંદોલનના ભાગરૂપે હજારો ખેડૂતો દિલ્હી અને હરિયાણા વચ્ચે સિંધુ અને ટિકરી સરહદ પર એકઠા થયા છે.

બ્રિટનના નાણાપ્રધાન રિશી સુનકે ગુરુવારે જણાવ્યું હતું કે તેમને વિશ્વાસ છે, આશા છે કે યુરોપિયન યુનિયન સાથે બેક્ઝિટ ડીલ થઈ શકે તેમ છે અને આ સમજૂતીનું સ્વરૂપ સ્પષ્ટ છે.

કોંગ્રેસના વડા સોનિયા ગાંધીના રાજકીય સલાહકાર અને રાજ્યસભાના સભ્ય અહેમદ પટેલનું 25 નવેમ્બરે કોરાનાને કારણે નિધન થયું થયું હતું. તેમની ઉંમર 71 વર્ષ હતી. તેમનો જન્મ ગુજરાતનાં અંકલેશ્વર પાસે આવેલા પીરામણ ગામમાં થયો હતો. તેઓ મોહમ્મદ ઇશાક પટેલ અને હવાબહેન પટેલનાં પુત્ર હતા.

સૌરાષ્ટ્રમાં સોમવારે વહેલી સવારે ભૂકંપના 3 આંચકા આવતા લોકોમાં ભયનો માહોલ ફેલાયો હતો. જોકે કોઇ જાનહાની કે નુકસાનના અહેવાલ મળ્યા ન હતા.

ગુજરાતના રાજ્યસભાના સાંસદ અભય ભારદ્વાજનું ચેન્નાઈની હોસ્પિટલમાં મંગળવારે નિધન થયું હતું. તેમની ઉંમર 66 વર્ષ હતી. કોરોના રિપોર્ટ પોઝિટિવ આવતા તેમને ફેફસાંમાં સમસ્યા ઊભી થઈ હતી અને રાજકોટથી ચાર્ટર્ડ પ્લેનમાં ચેન્નાઈની હોસ્પિટલમાં ખસેડાયા હતા.

ગુજરાતના રાજકોટમાં ગુરુવારની મધરાતે ઉદય શિવાનંદ ગોકુલ યુનિટ એક કોવિડ હોસ્પિટલમાં વિકરાળ આગ ભભૂકી ઉઠતાં 5 દર્દીઓ જીવતા ભૂંજાયા હતા. હજુ અન્ય ત્રણની હાલત ગંભીર મનાય છે. દર્દીઓના સંબંધીઓ ભારે વિલાપ કરી રહ્યા હતા અને હોસ્પિટલ સંચાલકો તેમજ પ્રશાસન સામે રોષ ફેલાઈ ગયો હતો.

સીડનીમાં રવિવારે રમાયેલી બીજી વન-ડે ઈન્ટરનેશનલમાં પણ ઓસ્ટ્રેલિયાએ ભારતને 51 રને હરાવી ત્રણ મેચની આ સીરીઝમાં 2-0ની અજેય સરસાઈ સાથે સીરીઝ જીતી લીધી હતી. બન્ને મેચમાં ઓસ્ટ્રેલિયાએ પહેલા બેટિંગ કરી જંગી સ્કોર ખડકી દીધા હતા.

વડોદરાના ખેલાડી, ભારતના ઓલરાઉન્ડર હાર્દિક પંડ્યાએ શુક્રવારે ઓસ્ટ્રેલિયા સામેની પહેલી વન-ડેમાં 90 રનની શાનદાર ઈનિંગ દરમિયાન પોતાની વન-ડે કેરિયરમાં 1,000 રન પુરા કર્યા હતા અને તે સાથે સૌથી ઓછા – 857 બોલ રમી એક હજાર રન પુરા કરનારો તે ભારતનો મોખરાનો ખેલાડી બન્યો છે.

ઓસ્ટ્રેલિયાનો આક્રમક ઓપનર ડેવિડ વોર્નર ગ્રોઈનની ઈજાના કારણે ભારત સામેની લિમિટેડ ઓવર્સની બાકીની ચાર મેચ નહીં રમી શકે. રવિવારે સિડનીમાં બીજી વનડે દરમિયાન તેને મેદાન છોડી બહાર જવુ પડ્યું હતું.

ન્યૂઝીલેન્ડના પ્રવાસે ગયેલી પાકિસ્તાની ક્રિકેટ ટીમના સાતમા ખેલાડીનો કોરોના ટેસ્ટ પોઝિટિવ ગયા સપ્તાહે પોઝિટિવ આવ્યો હતો. 6 ખેલાડીઓ તો અગાઉજ કોરોના પોઝિટિવ જાહેર થઈ ચૂક્યા હતા. કોરોનાના નિયમોનુ પાલન કરવાની જગ્યાએ પાકિસ્તાની ખેલાડીઓ તમામ ગાઈડલાઈનનો ભંગ કરી રહ્યા હોવાથી ન્યૂઝીલેન્ડ સરકાર રોષે ભરાઈ છે.

ભારતમાં ગોવાના એક મિનિસ્ટરે રાજ્યના પૂર્વના કાંઠા વિસ્તારમાં કેલેન્ગુટ ખાતે વિખ્યાત ફૂટબોલર મારાડોનાની પ્રતિમા મુકવાની જાહેરાત ગયા સપ્તાહે કરી હતી. રાજ્ય સરકારના સિનિયર પ્રધાન માઇકલ લોબોએ આપેલી માહિતી મુજબ એક શિલ્પી આ પ્રોજેક્ટ પર કામ કરી જ રહ્યો હતો.