જર્મની સ્થિત ફાઇઝર – બાયોએનટેક અને હવે અમેરિકાની મોડેર્નાએ તેમની કોવિડ-19 સામે પ્રતિકાર કરતી રસીઓના પરીક્ષણના પ્રભાવશાળી પરિણામો જાહેર કરતા હવે ઑક્સફર્ડ એસ્ટ્રાઝેનેકાની રસી માટે ઉજ્જવળ આશાઓ બંધાઇ છે. યુ.એસ. કંપની મોડેર્નાએ કોવિડ રસીના ત્રીજા તબક્કાના ક્લિનિકલ ટ્રાયલ્સના વચગાળાના પરિણામો પછી કોવિડ-19 રોગચાળાને રોકવામાં તેમની રસી લગભગ 95% જેટલી અસરકારક હોવાનું જાહેર કર્યું છે.

વડા પ્રધાનના મુખ્ય સલાહકાર ડોમિનિક કમિંગ્સને આંતરિક લડાઇને પગલે શુક્રવારે સાંજે 10 ડાઉનીંગ સ્ટ્રીટમાંથી વિદાય આપવામાં આવી હતી. તેમની વિદાયથી સરકારને ફરીથી સેટ કરવાની તક મળશે એમ ટોરી સાંસદો માની રહ્યા છે.

અબુ ધાબીમાં નિર્માણાધિન પ્રથમ હિન્દુ મંદિરની ફાઇનલ ડિઝાઇન અને હાથ કોતરણીથી તૈયાર થયેલા પથ્થરના સ્થંભની પ્રથમ તસવીરો જારી કરવામાં આવી છે. ભારતના હિન્દૂ મહાકાવ્યો, ધર્મગ્રંથો અને પ્રાચીન કથાઓનું દ્રશ્ય અબુ ધાબીમાં બની રહેલા પ્રથમ હિન્દૂ મંદિરના રાજસી પત્થરના અગ્રભાગને સુશોભિત કરશે.

અમેરિકામાં પ્રેસિડન્ટ તરીકે ચુંટાયેલા જો બિડેને તેમની એજન્સી રિવ્યૂ ટીમ્સ (ART)માં 20થી વધુ ઇન્ડિયન અમેરિકનનો સમાવેશ કર્યો છે અને તેમાંથી ત્રણ વ્યક્તિ ટીમના વડા છે. એજન્સી રિવ્યૂ ટીમ્સ સત્તાના સરળ પરિવર્તનને સુનિશ્ચિત કરવા મહત્તવની ફેડરલ એજન્સીઓના વહીવટીની ચકાસણી કરશે.

અમેરિકામાં કોરોના વાઇરસ રૌદ્રરૂપ ધારણ કરી રહ્યો છે. મંગળવારે છેલ્લા ચોવીસ કલાકમાં અમેરિકામાં કોરોના વાઇરસના બે લાખથી વધુ કેસ નોંધાયા હતા, એમ જ્હોન હોપપિક્સ યુનિવર્સિટીના ડેટામાં જણાવવામાં આવ્યું હતું. જો બિડેન સત્તાનાં સૂત્રો સંભાળે ત્યારે કોરોના વાઇરસ સૌથી મોટો મુદ્દો બની રહેવાની ધારણા છે. સિરદર્દ આ મુદ્દે એમને થશે.

અમેરિકાના ભૂતપૂર્વ પ્રેસિડન્ટ બરાક ઓબામાએ કોંગ્રેસના વરિષ્ઠ નેતા રાહુલ ગાંધી સ્કૂલમાં ભણતા એવા ગભરાયેલા અને અવિકસિત ક્વોલિટીના વિદ્યાર્થી છે કે જે પોતાના શિક્ષકને અભિભૂત કરવા કરવા માગે છે, પરંતુ વિષયમાં માસ્ટર બનાવવા માટે અભિગમ અને જુસ્સાનો અભાવ છે.

વડાપ્રધાન નરેન્દ્ર મોદીએ પાંચમાં વૈશ્વિક આયુર્વેદિક દિન નિમિત્તે શુક્રવારે જામનગરની આયુર્વેદ યુનિવર્સિટીના રિસર્ચ સેન્ટરનું ઇ-લોકાર્પણ કર્યું હતું તેમજ આયુર્વેદિક યુનિવર્સિટીને રાષ્ટ્રીય દરજ્જો આપવાની જાહેરાત કરી હતી. વડાપ્રધાન નરેન્દ્ર મોદીએ નવી દિલ્હીમાંથી વિડિયો કોન્ફરન્સ મારફત ગુજરાતમાં ઇન્સ્ટીટ્યૂટ ઓફ ટીચિંગ એન્ડ રિસર્ચ ઇન આયુર્વેદ (ITRA) અને રાજસ્થાનમાં નેશનલ ઇન્સ્ટીટ્યૂટ ઓફ આયુર્વેદ (NIA)નું લોકાર્પણ કર્યું હતું.

દિવાળીની ઉજવણી કરવા અને અંગ દાન પ્રત્યે જાગૃતિ લાવવા માટે, જૈન અને હિન્દુ ઓર્ગન ડોનેશન સ્ટીઅરિંગ ગ્રુપ (JHOD) અને એનએચએસ બ્લડ એન્ડ ટ્રાન્સપ્લાન્ટ (NHSBT) દ્વારા ઉત્સવોના ભાગ રૂપે અંગ દાનને પ્રોત્સાહન આપતી રાષ્ટ્રીય કળા સ્પર્ધાનું આયોજન કરવામાં આવ્યું હતું.

લગભગ 19 મિલિયન દર્દીઓના તબીબી રેકોર્ડ્સ સાથે જોડાયેલા કુલ 50 અધ્યયન પર આધારિત એક તપાસમાં જણાયું છે કે શ્યામ અને એશિયન લોકોને શ્વેત લોકોની સરખામણીએ કોવિડ થવાનું જોખમ ડબલ જેટલું છે.

કોરોના મહામારી બાદ બંધ કરવામાં આવેલી સ્કૂલો 23મી નવેમ્બરથી તબક્કાવાર ધોરણે ફરી ખોલવાનો ગુજરાત સરકારે બુધવારે નિર્ણય કર્યો હતો. સરકાર 23 નવેમ્બરથી કોલેજ, યુનિવર્સિટી પણ ફરી ખોલવાની યોજના બનાવી છે. જોકે તે માટે ભારત સરકારની ગાઇડલાઇનના સંપૂર્ણ પાલન સાથે શરૂ કરાશે.

ગુજરાત વિધાનસભાની પેટાચૂંટણીમાં તમામ 8 બેઠકો પર ભાજપની વિજય થતાં ભાજપ કાર્યાલયે વિજયોત્સવ જેવો માહોલ સર્જાયો હતો, જ્યારે પેટાચૂંટણીના પરિણામોથી કોંગ્રેસ કાર્યાલયે સન્નાટો છવાયો છે. મોરબી, અબડાસા, ગઢડા, કરજણ અને લીંબડી, ધારી, કપરાડા અને ડાંગ બેઠક એમ તમામ બેઠક પર ભાજપનો વિજય હતો.

ગુજરાતમાં વિધાનસભાની 8 બેઠકની પેટાચૂંટણી ભાજપના નવા પ્રદેશ પ્રમુખ સી.આર.પાટીલની પ્રથમ કસોટી હતી અને તેઓ તેમાં ખરા ઉતર્યા છે. આ તમામ બેઠકો અગાઉ કોંગ્રેસ પાસે હતી અને હવે તેમાં ભાજપના ઉમેદવાર વિજયી બન્યા હોવાથી પાટીલ માટે આ વિજયનું ઘણું મહત્ત્વ છે.

ગુજરાતમાં દિવાળીના ઉત્સવો દરમિયાન કોરોના વાઇરસના કેસોમાં ઉછાળો આવ્યો છે. રાજ્ય સરકારના આરોગ્ય વિભાગે શનિવારે જારી કરેલા ડેટા મુજબ છેલ્લાં 24 કલાકમાં રાજ્યમાં કોરોના વાયરસના 1124 નવા કેસ નોંધાયા હતા. આની સરખામણીમાં કોરોનામાંથી 995 દર્દીઓ સાજા થયા છે.

અમેરિકાના પ્રેસિડન્ટ ડોનાલ્ડ ટ્રમ્પ અને ફર્સ્ટ લેડી મિલેનિયા ટ્રમ્પે શનિવારે દિવાળીના પ્રસંગે લોકોને શુભકામના આપી હતી. ટ્રમ્પે વ્હાઇટ હાઉસમાં દીપ પ્રગટાવીને તેની તસવીર જારી કરી હતી. અમેરિકી વિદેશ પ્રધાન માઇક પોમ્પિયો અને વિદેશ વિભાગે પણ દિવાળી પર્વની શુભેચ્છા આપી હતી.

ભૂતપૂર્વ ચાન્સેલર જ્યોર્જ ઓસ્બોર્ને ટાઇમ્સ રેડિયોને જણાવ્યું હતું કે ડેવિડ કેમેરોન, ટોની બ્લેર, ગોર્ડન બ્રાઉન અને સર જ્હોન મેજરે સંયુક્ત રીતે વડા પ્રધાન બોરિસ જ્હોન્સનને મહિનાઓ પહેલા માસ ટેસ્ટીંગ માટે પ્રાધાન્યતા આપવા વિનંતી કરી હતી, જેથી સામાન્ય જીવનને ફરીથી શરૂ કરવામાં મદદ મળી શકે.

’દિવાળીના આ શુભ પર્વની ઉજવણી પ્રસંગે યુકે અને સમગ્ર વિશ્વમાં હિન્દુઓને એક સાથે આવી દિવાળી ઉત્સવની ઉજવણી કરવા હું હાર્દિક શુભેચ્છાઓ પાઠવું છું’’ એમ વિપક્ષ લેબરના નેતા અને એમપી સર કેર સ્ટાર્મરે એક સંદેશામાં જણાવ્યું હતું.

તા. 12 ગુરૂવારે કોવીડ-19 માટે પોઝીટીવ ટેસ્ટ મેળવનાર એશફિલ્ડના સાંસદ લી એન્ડરસન સાથે આશરે 35 મિનિટ ગાળ્યા બાદ વડા પ્રધાન બોરીસ જ્હોન્સન સેલ્ફ આઇસોલેટ થઈ ગયા હતા. રવિવારે હેલ્થ ઓફિશીયલ્સ દ્વારા તેમનો સંપર્ક કરવામાં આવ્યો હતો, પરંતુ તેમને કોઇ લક્ષણો જણાયા નહતા.