વધતા જતા કોરોનાવાયરસના કેસો અને મરણ પામનારા લોકોની સંખ્યામાં થઇ રહેલા સતત વધારા બાદ ગ્રેટર માંચેસ્ટરને કોવિડ પ્રતિબંધોના ટાયર થ્રીમાં લઇ જવા અંગે સરકાર સાથે ડીલ કરવા માટેની મંગળવારે બપોરે નાણાકીય ટેકો આપવાની વાટાઘાટો તૂટી પડ્યા પછી ગ્રેટર માન્ચેસ્ટર પર કોવિડ પ્રતિબંધોના ઉચ્ચતમ સ્તર ટાયર થ્રીને લાદવામાં આવ્યું હતું. છેલ્લે ત્યાંના સ્થાનિક નેતાઓએ £65 મિલિયનની માંગણી કરી હતી, પરંતુ હવે તેમને સરકાર તરફથી 60 મિલિયનથી ઓછા (લગભગ £56 મિલીયન) મળશે.

પાકિસ્તાની લોકોની નોંધપાત્ર વસ્તી ધરાવતા મતદારક્ષેત્રોનું પ્રતિનિધિત્વ કરતા સાત ટોરી સાંસદોએ કન્ઝર્વેટિવ ફ્રેન્ડ્સ ઑફ કાશ્મીર (સીએફકે)નું ફરીથી લોકાર્પણ કરાતા જાણીતા કન્ઝર્વેટિવ પીઅર લોર્ડ રેમી રેન્જરે તેની નિંદા કરતાં જણાવ્યું છે કે તેનાથી ભારત-યુકે વચ્ચેના દ્વિપક્ષીય સંબંધોને “અતિશય નુકસાન” થઈ શકે છે. તેમણે આ જૂથ માટે જવાબદાર સાંસદોને “સ્વાર્થી” ગણાવ્યા હતા. ટોરી પીઅર લોર્ડ રમી રેન્જર અને એમપી બોબ બ્લેકમેન તેના વિવેચકો તરીકે સામેલ થયા છે અને તેમણે ચેતવણી આપી છે કે “ભારતની આંતરિક બાબતે જોખમ ભર્યું છે”

હાર્ટ ઑફ લંડન બિઝનેસ એલાયન્સ દ્વારા લંડનના લેસ્ટર સ્ક્વેરના ઇસ્ટર્ન ટેરેસ ખાતે ‘સીન્સ ઇન સ્ક્વેર’ સ્થિત સ્ટેચ્યુ ટ્રેઇલમાં ‘કિંગ ઓફ બોલીવૂડ’ શાહ રૂખ ખાન અને તેની કો-સ્ટાર કાજોલની કાંસ્ય પ્રતિમાને મૂકવાનું આયોજન કરાયું છે. આદિત્ય ચોપડાની જગવિખ્યાત ફિલ્મ ‘દિલવાલે દુલ્હનિયા લે જાયેંગે’ના પોઝમાં પ્રતિમા મૂકવામાં આવશે. અત્યાર સુધી સૌથી લાંબો સમય ચાલેલી આ હિન્દી ફિલ્મના એક ભાગમાં લેસ્ટર સ્ક્વેરનું દ્રશ્ય દર્શાવવામાં આવ્યુ હતું.

ન્યૂયોર્કના મધ્યમવર્ગીય શહેર ફિશકિલમાં એકલી રહેતી ત્રણ પુત્રીઓની માતા, 44 વર્ષની એન્ડ્રીયા ગાર્લેન્ડે પોતાની સુરક્ષા માટે મે મહિનામાં એક ગન ખરીદી હતી. તેણે ગોળીબાર કેવી રીતે કરી શકાય તે માટે સ્થાનિક ગન ક્લબમાં તાલિમ લીધી હતી. ત્યારબાદ તેણે પિસ્તોલની મંજૂરી માટે અરજી પણ કરી હતી. સ્થાનિક વોલમાર્ટમાં તે અઠવાડિયામાં ત્રણવાર મુલાકાતે જાય છે. તેઓ હંમેશા બહાર રહે છે, તેવું તેણે જણાવ્યું હતું.

યુકે “હ્યુમન ચેલેન્જ” અભ્યાસ કરવા માટેનું પ્રથમ રાષ્ટ્ર બનવા તરફ આગળ ધપી રહ્યું છે અને 90 જેટલા તંદુરસ્ત લોકોને ઇરાદાપૂર્વક કોવિડના સંપર્કમાં લાવવામાં આવશે. જાન્યુઆરીમાં શરૂ થઈ શકે તેવા આ અભ્યાસનો હેતુ કોવિડ-19 રસી મેળવવા માટેની દોડને વેગ આપવાનો છે.

યુનિવર્સિટી અને બિઝનેસ સહિત 17 સંસ્થા અને વ્યક્તિએ અમેરિકાના શ્રમ વિભાગે તાજેતરમાં જારી કરેલા H-1B વિઝા હોલ્ડરના વેતન સંબંધિત નિયમને કોર્ટમાં પડકાર્યો છે. અમેરિકાના શ્રમ વિભાગે તાજેતરમાં આ વચગાળાનો અંતિમ નિયમ જારી કર્યો હતો, જે સ્થાનિક કામદારોની જગ્યાએ સસ્તાં વિદેશી કામદારો લાવવાની કંપનીઓની ક્ષમતાને મર્યાદિત બનાવે છે.

અમેરિકામાં ડોનાલ્ડ ટ્રમ્પ અને જો બિડેન વચ્ચેના પ્રેસિડેન્ટપદના તા. 3 નવેમ્બરના મુખ્ય ચૂંટણી જંગમાં વહેલા ચૂંટણીના ગયા સપ્તાહે શરૂ થયેલા ટ્રેન્ડ્સમાં કેટલાક રાજ્યોમાં નવા રેકોર્ડ સ્થપાયા છે. યુએસ ઈલેકશન પ્રોજેક્ટે આપેલી સત્તાવાર માહિતી અનુસાર ગયા સપ્તાહે – શુક્રવાર સુધીમાં જે લોકો વહેલું કે પોસ્ટથી વોટિંગ કરવા એલિજિબલ છે તેવા 22 મિલિયનથી વધુ મતદારોએ વોટિંગ કરી નાખ્યું હતું, જે એક રેકોર્ડ છે.

ભારતના વડાપ્રધાન નરેન્દ્ર મોદીએ મંગળવાર, 20 ઓક્ટોબરે રાષ્ટ્રજોગ સંબોધનમાં જણાવ્યું હતું કે ભારતમાં લોકડાઉનનો અંત આવ્યો છે, પરંતુ વાઇરસ હજુ ગયો નથી. વેકિસન ન આવે ત્યાં સુધી કોરોના સામેની લડાઈને હળવાશથી લઈ શકાય નહીં. મોદીએ ઉત્સવોની હાલની સિઝનમાં નાગરિકોને કોરોના સામેની લડાઈ માટે સાવચેતીના તમામ પગલાંનું પાલન કરવાનો ભારપૂર્વક અનુરોધ કર્યો હતો. મોદીનું કોરોના મહામારી પછીનું આ સાતમું રાષ્ટ્રજોગ સંબોધન હતું.

ગુજરાતમાં વિધાનસભાની આઠ બેઠકો માટેની પેટા ચૂંટણીમાં 81 ઉમેદવારો વચ્ચે જંગ જામશે. આગામી 3જી નવેમ્બરના ગુજરાતમાં આઠ વિધાનસભા બેઠકો અબડાસા, લિમડી, મોરબી, ધારી, ગઢડા, કરજણ, ડાંગ અને કપરાડા પર મતદાન યોજાશે. સોમવારે ઉમેદવારી પત્ર પરત ખેંચવો અંતિમ દિવસ હતો અને કુલ 102 ઉમેદવારો પૈકી 21 ફોર્મ પરત ખેંચાયા હતા, જેને પગલે 81 ઉમેદવારો વચ્ચે ખરાખરીનો જંગ જોવા મળશે.

ગુજરાતમાં અમદાવાદ સહિતના નાનાં મોટા શહેરો અને ગામડાઓમાં નવરાત્રિનો તહેવાર દર વર્ષે ભારે ઉત્સાહ અને ઉમંગથી ઉજવવામાં આવે છે. એક તરફ શેરી, સોસાયટી અને પોળામાં ટ્રેડિશનલ ગરબાની ધૂમ મચતી હતી. તો, બે ડઝનથી વધુ પાર્ટી પ્લોટોમાં યુવા ધન શક્તિની ભક્તિના ભાવ સાથે મન મુકીને ગરબે ઘુમતા હતા.

ગત વર્ષના આઈપીએલ ફાઈનાલિસ્ટ, કેપ્ટન કૂલ ધોનીની આગેવાની હેઠળની ચેન્નાઈ સુપર કિંગ્સ સોમવારે પોતાની 10 મેચમાં પણ પરાજય પછી હવે પ્લેઓફ્સની તકો લગભગ ગુમાવી ચૂકી છે, પોઈન્ટ્સ ટેબલમાં તે તળિયે પહોંચી ગઈ છે. તેની સામે વિજય પછી રાજસ્થાન રોયલ્સ પાંચમા ક્રમે પહોંચી જતાં તેની પ્લેઓફ્સ માટેની તકો હજી જીવંત રહી છે.

સંયુક્ત આરબ અમિરાતમાં રમાઈ રહેલી આઈપીએલ 2020માં રવિવારનો દિવસ જબરજસ્ત સ્પર્ધા અને ઉત્તેજના, રોમાંચનો રહ્યો. દિવસની બન્ને મેચ રેગ્યુલર સમયના અંતે ટાઈ રહી હતી અને સુપર ઓવરમાં ગઈ હતી, તેમાં પણ મુંબઈ ઈન્ડિયન્સ અને કિંગ્સ ઈલેવન પંજાબ વચ્ચેની બીજી મેચમાં તો પહેલી સુપર ઓવર પણ ટાઈ રહેતા બીજી સુપર ઓવરમાં મેચ ગઈ હતી અને તેમાં નાટ્યાત્મક રીતે કિંગ્સ ઈલેવન પંજાબનો વિજય થયો હતો.

દિલ્હી કેપિટલ્સના ફાસ્ટ બોલર કગિસો રબાડા આઈપીએલ-2020મા શાનદાર ફોર્મમાં રહ્યો છે અને ટીમ માટે મેચ વિનર સાબિત થઈ રહ્યો છે. તેણે ચેન્નાઈ શનિવારે ધારદાર બોલિંગ કરી આઈપીએલમાં સૌથી વધુ ઝડપી 50 વિકેટનો રેકોર્ડ પણ કર્યો હતો. રબાડાએ ફાફ ડુ પ્લેસિસને આઉટ કરી આઈપીએલ સૌથી ઓછી મેચમાં 50 વિકેટની સિદ્ધિ મેળવી છે.

પાકિસ્તાન ક્રિકેટ બોર્ડે ગયા સપ્તાહે આપેલી માહિતી અનુસાર પીસીબીએ આગામી જાન્યુઆરી મહિનામાં ત્રણ ટી-20 મેચની ટુંકી સીરીઝ રમવા પાકિસ્તાન આવવાનું આમંત્રણ ઈંગ્લેન્ડની ટીમને આપ્યું છે. પીસીબીના સીઈઓ વાસિમ ખાને આ માહિતી આપતાં જણાવ્યું હતું કે, બોર્ડે ઈસીબીને એક વિધિવત આમંત્રણ આ હેતુસર મોકલ્યું છે. ઈંગ્લેન્ડની ટીમ છેલ્લે 2005-06માં પાકિસ્તાનમાં ટેસ્ટ અને વન-ડે સીરીઝ રમવા ગઈ હતી.

ડેવિડ વોર્નર તેની તોફાની બેટિંગ માટે જાણીતો છે. દરેક ફોર્મેટમાં તે ધમાકેદાર બેટિંગ કરી ચૂક્યો છે. આઈપીએલની આ સીઝનમાં તે હજી સુધી તો ખાસ ચમત્કાર નથી બતાવી શક્યો, પરંતુ તે ક્રીઝ પર હોય છે તો કોઈને કોઈ નવો રેકોર્ડ થતો હોય છે. વોર્નરના નામે હવે આઈપીએલમાં 5000 રન થઈ ગયા છે. આઈપીએલમાં 5000 રન કરનારો તે પ્રથમ વિદેશી બેટ્સમેન છે.