વડા પ્રધાન બોરિસ જ્હોન્સને સોમવારે તા. 12ના રોજ એક નવી રાષ્ટ્રીય થ્રી ટાયર વોર્નીંગ સીસ્ટમ દ્વારા દેશભરમાં કોરોનાવાયરસ લોકડાઉન પ્રતિબંધોને “સરળ અને માનક બનાવવાનું” વચન આપ્યું છે. સમગ્ર નોર્થ ઇંગ્લેન્ડમાં કોરોનાવાયરસના રોગચાળાનો વ્યાપને કારણે સૌથી વધુ જોખમી સ્તર જણાઇ રહ્યું છે ત્યારે વડા પ્રધાન બોરીસ જ્હોન્સને તા. 12, સોમવારે રાત્રે નોર્થ ઇંગ્લેન્ડની કાઉન્સિલના નેતાઓને વિનંતી કરી હતી કે કોરોનાવાયરસના રોગચાળાના વધતા વ્યાપને રોકવા માટે તેઓ પગલા ભરે અને કડક નિયંત્રણોને સ્વીકારે.

કોરોના સંક્રમણના બીજા મોજાં વચ્ચે એશિયનો, અશ્વેતો, વંશીય લઘુમતિઓને અપ્રમાણસર માઠી અસર થવાનું ચાલુ છે. ઇન્ટેન્સીવ કેર નેશનલ ઓડીટ અને રિસર્ચ સેન્ટરે એપ્રિલમાં બહાર પાડેલા આંકડા પ્રમાણે ઇંગ્લેન્ડ વેલ્સ અને નોર્ધર્ન આયર્લેન્ડમાં ઇન્ટેન્સીવ કેર યુનિટમાં દાખલ કોરોનાના 2,000 જેટલા દરદીમાંથી 35 ટકા બિનગોરા હતા.

અમેરિકામાં વોશિંગ્ટન ખાતેની ઇન્ડિયન એમ્બેસીએ વિઝા સર્વિસિસ માટે તેના આઉટસોર્સિંગ સર્વિસ પ્રોવાઇડર બદલવાની જાહેરાત કરી છે. બે નવેમ્બરથી કોક્સ એન્ડ કિંગ્સ સર્વિસિસ (CKGS)ની જગ્યાએ VFS ગ્લોબલ વિઝા, OCI, રીનન્સીએશન, પાસપોર્ટ અને ગ્લોબલ એન્ટ્રી પ્રોગ્રામ સહિતની કામગીરી કરશે. CKGS બુધવાર 14 ઓક્ટોબર 2020ના રોજ 1700 કલાક (ઇસ્ટર્ન ટાઇમ) થી વોશિંગ્ટન ખાતેનું તેનું હાલનું સર્વિસ સેન્ટર બંધ કરશે.

નોર્થ વેસ્ટ લંડનના બ્રેન્ટમાં આવેલા નીસ્ડન સ્થિત શ્રી BAPS સ્વામિનારાયણ મંદિરની બહારના ભાગે આવેલા રોડ ‘મેડો ગાર્થ’ના કેટલાક ભાગનું નામ બદલીને ‘પ્રમુખ સ્વામી રોડ’ કરવાનું તા. 12 ઑક્ટોબરના રોજ બ્રેન્ટ કાઉન્સિલની કેબિનેટ દ્વારા નક્કી કરવામાં આવ્યું હતું. કાઉન્સિલે બ્રેન્ટમાં “આંતરરાષ્ટ્રીય સીમાચિહ્ન” તરીકે મંદિરની સ્થિતિ તેમજ બરોમાં તેના યોગદાનને સ્વીકાર્યું હતું.

કોરોનાની મહામારીને પગલે તહેવારોની સિઝન માટે ગુજરાત રાજ્ય સરકારે શુક્રવારે માર્ગદર્શિકા જારી કરી છે, જે અનુસાર રાજ્યમાં કોઈપણ ગરબાનું જાહેરમાં આયોજન કરી શકાશે નહીં. નવરાત્રી દરમિયાન જાહેરમાં ખુલ્લી જગ્યાએ ગરબી કે મૂર્તિની સ્થાપના અને પૂજા-આરતી કરી શકાશે, પરંતુ ફોટા કે મૂર્તિને ચરણ સ્પર્શ કરી શકાશે નહીં. પ્રસાદ વિતરણ પણ નહીં કરી શકાય.

કેથરિન બિરબલસિંહ, સ્થાપક અને હેડટીચર, મિશેલા કમ્યુનિટિ સ્કૂલ. શિક્ષણની સેવાઓ માટે (લંડન) ઝુબેર વલી ઇસા, સહ-સ્થાપક, ઇજી ગૃપ. બિઝનેસ અને ચેરીટી માટે (બ્લેકબર્ન, લેન્કેશાયર) મોહસીન વલી ઇસા, સહ-સ્થાપક, ઇજી ગૃપ. બિઝનેસ અને ચેરીટી માટે (બ્લેકબર્ન, લેન્કેશાયર) મોહમ્મદ ખાન OBE, બ્લેકબર્ન વીથ ડાર્વેન કાઉન્સિલ, બ્લેકબર્ન. સ્થાનિક સરકારની સેવાઓ માટે

ગયા સપ્તાહે વિરોધ પક્ષ ડેમોક્રેટ્સ સાથેના મતભેદોના પગલે અમેરિકન અર્થતંત્ર માટે નવું રાહત પેકેજ ચૂંટણી પછી જ આપવાની ટ્રમ્પે જાહેરાત કર્યા બાદ તેના ઉગ્ર પડઘા પડતાં પ્રેસિડેન્ટે ફેરવી તોળ્યું છે અને હવે વ્હાઈટ હાઉસ $1.8 ટ્રિલિયનનું પેકેજ ઘડી રહ્યું હોવાના સંકેતો વચ્ચે ટ્રમ્પે એવું કહ્યું હતું કે પોતે તો હજી એનાથી પણ વધુ જંગી રાહતો વિષે આયોજન કરી રહ્યા છે.

ટેક્સાસમાં મેયરપદના ઉમેદવાર ઝુલ મોહંમદની બુધવારની રાત્રે (7 ઓક્ટોબર) ધરપકડ થઈ હતી અને તેમની સામે વોટર ફ્રોડના 109 આરોપ મૂકવામાં આવ્યા છે. કસૂરવાર ઠરશે તો તેમને 20 વર્ષ સુધી જેલની સજા થઈ શકે છે. 39 વર્ષના ઝુલ મોહંમદ કેરોલ્ટનના મેયરપદની સ્પર્ધામાં છે, પરંતુ મેઇલ-ઇન બેલેટ સ્કીમમાં ફસાયા છે.

વર્ષ 2020માં શાંતિ માટેનુ નોબેલ પ્રાઈઝ યુનાઇટેડ નેશન્સ ફૂડ એજન્સીના વર્લ્ડ ફૂડ પ્રોગ્રામ ((WFP)ને આપવાની શુક્રવારે જાહેરાત થઈ હતી. આ એજન્સી દુનિયાભરમાંથી ભૂખમરો દુર કરવા માટે પ્રયત્નો કરી રહી છે. સંગઠનનો પ્રયાસ છે કે દુનિયાના વિવિધ દેશોના લોકોને ફૂડ સિક્યુરિટીનો મૂળભૂત અધિકાર પ્રાપ્ત થાય.

અમેરિકાની ટ્રમ્પ સરકારે ટેકનોલોજી કંપનીઓ દ્વારા વ્યાપક પણે ઉપયોગમાં લેવામાં આવતા H-1B ઇમિગ્રેશન વીઝાના નિયમો વધુ આકરા બનાવ્યા છે. નવી સિસ્ટમમાં અમેરિકાના લોકોને પ્રાથમિકતા આપવામાં આવી છે. નવા નિયમો મુજબ કંપનીઓએ વિદેશી પ્રોફેશનલ લાવતા પહેલા અમેરિકાના નાગરિકોને વાસ્તવિક ઓફર કરવાની રહેશે. નવા નિયમોથી ભારતના ટેકનોલોજી પ્રોફેશનલને નુકસાન થવાની ધારણા છે.

ભારતના શિક્ષણ મંત્રાલયે 15મી ઓક્ટોબરથી શાળાઓ શરૂ કરવા માટેની ગાઈડલાઈન જાહેર કરી દીધી છે. એ પ્રમાણે શાળા શરૂ થશે તેના ત્રણ સપ્તાહ સુધી વિદ્યાર્થીઓની કોઈ જ પરીક્ષા લેવાશે નહીં. શાળાનું કેમ્પસ સ્વચ્છ રાખવું પડશે. સોશિયલ ડિસ્ટન્સિંગના નિયમોનું પાલન ફરજિયાત રહેશે.

સોમવારે રોયલ ચેલેન્જર્સ બેંગલોર અને કોલકાતા નાઈટ રાઈડર્સની મેચ સાથે આઈપીએલ 2020ની લીગ સ્ટેજની અડધી સીઝન પૂર્ણ થઈ છે, ત્યારે બેંગલોરે કોલકાતાને 82 રને હરાવી રેકોર્ડ કર્યો હતો. એ. બી. ડીવિલિયર્સે 200 ટકાથી વધુના સ્ટ્રાઈક રેટ સાથે ફક્ત 33 બોલમાં અણનમ 73 રન કર્યા હતા, તો તેણે સુકાની કોહલી સાથે સદીથી વધુની ભાગીદારી કરી હતી.

ભારતીય ક્રિકેટ બોર્ડની મહત્ત્વની આઈપીએલ ટી-20 લીગ હવે પૂર્ણ થવાના આરે છે, ત્યારે બોર્ડે મહિલાઓની ટી-20 ચેલેન્જ ટુર્નામેન્ટનો કાર્યક્રમ રવિવારે જાહેર કર્યો હતો. એ મુજબ ત્રણ ટીમ્સની આ સ્પર્ધામાં ત્રણે ટીમ્સ એકબીજા સામે એક-એક મેચ રમશે અને પછી ફાઈનલ રમાશે. લીગ સ્ટેજની મેચ 4, 5 અને 7 નવેમ્બરે અન પછી ફાઈનલ 9 નવેમ્બરે રમાશે.

પેરિસમાં રવિવારે રમાયેલી ફ્રેન્ચ ઓપન ટેનિસની પુરૂષોની સિંગલ્સની ફાઈનલમાં વર્લ્ડ નંબર વન નોવાક યોકોવિચને સીધા સેટ્સમાં 6-0, 6-2, 7-5થી હરાવી બીજા ક્રમના ખેલાડી, સ્પેઈનના રફેલ નડાલે 13મી વખત ફ્રેન્ચ ઓપનનું ટાઈટલ પ્રાપ્ત કર્યું હતું, જે એક રેકોર્ડ છે. 34 વર્ષના નડાલે કેરિયરનું પણ 20મું ગ્રાંડ સ્લેમ ટાઈટલ મેળવ્યું હતું, જે સ્વિસ લેજેન્ડ રોજર ફેડરરના સૌથી વધુ સિંગલ્સ ગ્રાંડ સ્લેમના વિજયના રેકોર્ડની બરાબરી છે.

પોલેન્ડની ટીનેજર (19 વર્ષની) ઈગા સ્વિઆટેકે પોતાની 21 વર્ષની અમેરિકન હરીફ સોફીઆ કેનિકને હરાવી શનિવારે ફ્રેન્ચ ઓપન મહિલા સિંગલ્સનો તાજ જીતી લીધો હતો. ઓસ્ટ્રેલિયન ઓપનની ચેમ્પિયન કેનિનને સીધા સેટ્સમાં 6-4, 6-1થી હરાવી પોલિશ ટીનેજરે રેન્કીંગ વિનાની હરીફ તરીકે મેજર અપસેટ કર્યો હતો. તે સિંગલ્સમાં ગ્રાન્ડ સ્લેમ જીતનારી પોલેન્ડની પ્રથમ ખેલાડી છે.