તગડો નફો કરતી લેટેસ્ટ ફેશન બ્રાન્ડ માટે ફેશનેબલ કપડાનું ઉત્પાદન કરતા લેસ્ટરના ટેક્સટાઇલ મેન્યુફેક્ચરિંગ ઉદ્યોગમાં વર્ષોથી ફેક્ટરી માલિકો બિન્દાસ્ત થઇ મજૂરોનું શોષણ કરે છે. અધિકારીઓ છુપાયેલી આ સમસ્યાનો સામનો કરવામાં નિષ્ફળ ગયા છે. એન્ફોર્સમેન્ટ એજન્સીઓનું કહેવું છે કે તેમની પાસે સત્તાનો અભાવ છે. અનિશ્ચિત ઇમિગ્રેશન સ્ટેટસ ધરાવતા કામદારો ગુનાઓની જાણ કરતા ડરે છે, તેમને બદલો લેવાની ધમકીઓ મળે છે અને ઘણા લોકોની તો પ્રથમ ભાષા અંગ્રેજી નથી જે તેમને માટે અન્ય ઉદ્યોગોમાં કામ શોધવાનું મુશ્કેલ બનાવે છે. ગેંગમાસ્ટર અને લેબર એબ્યુઝ ઑથોરિટી, વર્ક એન્ડ પેન્શન વિભાગ અને હેલ્થ એન્ડ સેફ્ટી અક્ઝીક્યુટીવ આ મુદ્દાઓથી વાકેફ છે પરંતુ આજે પણ પ્રગતિ માટે સંઘર્ષ કરે છે.

લેસ્ટરમાં થઇ રહેલા કામદારોના કથિત શોષણને અટકાવવા માટે “સાંસ્કૃતિક સંવેદનશીલતા” જવાબદાર હોવાના હોમ સેક્રેટરી પ્રીતિ પટેલે કરેલા દાવાને કારણે તેઓ ટીકાઓનો સામનો કરી રહ્યા છે. રેગ્યુલેટર્સમાં મૂકાયેલા કાપ, મર્યાદિત ઇન્સ્પેક્શન કરવાના નિર્ણય અને યુનિયનોની ગેરહાજરી એ સૌથી મોટા કારણો હતા એમ વિવેચકો માની રહ્યા છે.

અમેરિકામાં ટ્રમ્પ એડિમિનિસ્ટ્રેશને તાજેતરમાં જાહેર કરવામાં આવેલી નવી વીસા નીતિની વિરુદ્ધમાં જુદી જુદી ટેકનોલોજી કંપનીઝ અને વિવિધ રાજ્યોએ આકરું વલણ અપનાવ્યું છે. ગૂગલ, ફેસબુક, માઇક્રોસોફ્ટ સહિતની 10થી વધુ ટેકનોલોજી કંપનીઝ અને 17 રાજ્યોએ વીસા નીતિના મામલે ટ્રમ્પ એડમિનિસ્ટ્રેશન સામે કેસ દાખલ કર્યો છે. યુએસ ચેમ્બર ઓફ કોમર્સ પણ સરકાર વિરૂદ્ધ આ કેસમાં સામેલ થઈ છે.

ચાન્સેલર ઋષિ સુનકે બેરોજગારીની મુશ્કેલીને થાળે પાડવા અને દેશ પરના આર્થિક સંકટને ડામવા £30 બિલીયનની યોજના જાહેર કરી છે. આ મિની બજેટ અંતર્ગત એમ્પલોયર તેમના ફર્લો કરાયેલા કર્મચારીઓને પાછા લેશે તો કર્મચારી દીઠ તેમને £1,000 આપવામાં આવશે, £5 લાખ સુધીનું મકાન ખરીદનારને સ્ટેમ્પ ડ્યુટીમાં રાહત અપાશે અને હોસ્પિટાલિટી સેક્ટર પરના વેરા ઘટાડવામાં આવશે.

અમેરિકામાં પ્રેસિડેન્ટ ટ્રમ્પે બે અઠવાડિયા પહેલા પોતાના ટ્વીટમાં જે આશંકા વ્યક્ત કરી હતી તે ગુરુવારે થયું. ટ્રમ્પ ટાવર સામે શહેરના એક્સક્લુઝિવ ફિફ્થ એવન્યુ પર મોટા પીળા અક્ષરોમાં ‘બ્લેક લાઇવ્ઝ મેટર’ લખવામાં આવ્યું છે. આ લખનાર લોકોમાં ન્યૂયોર્કના મેયર બિલ ડી બ્લાસિયો પણ સામેલ હતા.

મેગાસ્ટાર અમિતાભ બચ્ચન અને પુત્ર અભિષેક બચ્ચનનો ગઈકાલે કોરોના રિપોર્ટ પોઝિટિવ આવ્યા બાદ તેમને મુંબઈની નાણાવટી હોસ્પિટલમાં દાખલ કરવામાં આવ્યા છે. બચ્ચન પરિવારના એક પછી એક સભ્યો કોરોનાના ભરડામાં આવી ગયા છે. પિતા-પુત્ર બાદ ઐશ્વર્ચા રાય બચ્ચન તેમજ આરાધ્યા બચ્ચનનો કોરોના રિપોર્ટ પણ પોઝિટિવ આવ્યો છે. આમ બચ્ચન પરિવારના કુલ ચાર સભ્યો કોરોનાગ્રસ્ત થયા છે. ઐશ્વર્ચા અને આરાધ્યા બચ્ચનનો બીજો કોરોના ટેસ્ટ પોઝિટિવ આવ્યો હતો અને તેમને પણ સારવાર માટે હોસ્પિટલ ખસેડવામાં આવ્યા છે.

અમેરિકામાં 40 પ્રેસિડેન્ટના કપડા બનાવનાર અને 200 વર્ષ જૂની મેન્સવેર કંપની- બ્રૂક્સ બ્રધર્સે નાદારી નોંધાવી છે. બ્રૂક્સ બ્રધર્સે બુધવારે લેણદારોથી બચવા માટે કોર્ટમાંથી સુરક્ષાની માગણી કરી છે. કંપની એક ખરીદનારની શોધમાં છે. કંપનીએ અગાઉ જ પોતાના કેટલાક શોરૂમ બંધ કરી દીધા હતા અને હવે અમેરિકાની ફેકટરી પણ બંધ કરવાની તૈયારીમાં છે. કંપનીની આ સ્થિતિ માટે કોવિડ-19ની મહામારી પણ જવાબદાર માનવામાં આવે છે. 1818માં આ કંપની શરૂ થઇ હતી.

અમેરિકામાં કેલિફોર્નિયા યુનિવર્સિટીએ એક ઓનલાઇન અરજી ફગાવી દેતાં મહાત્મા ગાંધીની પ્રતિમા હટાવવાનો ઇન્કાર કર્યો છે. આ પ્રતિમા બ્લેક લાઇવ્ઝ મેટર આંદોલનની એકતા માટે હટાવવા માટે અરજીમાં માગણી કરવામાં આવી હતી કે. ફ્રેસ્નોમાં એક ભારતીય મૂળના એક વિદ્યાર્થીએ 25 મે ના રોજ મિનીયાપોલીસમાં આફ્રિકન અમેરિકન જ્યોર્જ ફ્લોઇડના વિવાદસ્પદ મૃત્યુ પછી એક ઓનલાઇન અરજી કરી હતી.

સદગુરુ – વાઈરસ એ આપણા જીવનમાં પ્રવેશતાં નવાગંતુકો નથી. આપણે બેક્ટેરિયા અને વાઈરસોના મહાસાગરમાં જીવી રહ્યા છે પરંતુ કોઈચોક્કસ વાઈરસ આપણી શારીરિક વ્યવસ્થા માટે નવા હોવાથી આપણા શરીરને પણ તેનો સામનો કરવા ઝઝૂંમવું પડવું હોય છે. આવા સમયે આપણું શરીર જરૂરી એન્ટીબોડીઝ જન્માળ અને જે તે વાઈરસનો સામનો કરવાની રોગપ્રતિકાર શક્તિ મેળવે તે જરૂરી છે કારણ કે આપણે આપણા જીવનમાં બધા જ પ્રકારના કામકાજ કે સમસ્યાને હલ કરવા અથવા તેને અનુરૂપ થવા ટેવાઈ ગયા છે. કોરોના વાઈરસ સામે પણ લડવા આપણે થોડુંઘણું કરી શકીએ તેમ છીએ કોરોનાનો આ કોઈ ઈલાજ નથી પરંતુ જો આ સાદી સરળ ઘરગથ્થુ ચીજોને અપનાવાય તો આપણે છ થી આઠ સપ્તાહમાં આપણી રોગપ્રતિકાર વ્યવસ્થામાં નોંધપાત્ર સુધારો અનુભવી શકીએ છીએ.