વડાપ્રધાન બોરિસ જ્હોન્સને આજે મંગળવારે તા. 23ના રોજ લૉકડાઉનમાં વ્યાપક રાહતો આપી હતી. નવા નિયમો મુજબ તા. 4 જુલાઈથી લોકો એકબીજાના ઘરે જઇ શકશે અને ઓવરનાઇટ રહી શકશે. તા. 4 જુલાઇથી સિનેમાઘરો, સંગ્રહાલયો, આર્ટ ગેલેરીઝ સહિતના ઇન્ડોર સ્થળો, પબ, હેરડ્રેસર્સ, રેસ્ટૉરન્ટ્સ, કાફે, બાર્સ, પબ્સ, હોટલો, બેડ એન્ડ બ્રેકફાસ્ટ, હોલીડે હોમ્સ, કેમ્પસાઇટ્સ અને કેરેવાન પાર્ક, ધર્મસ્થાનો, પુસ્તકાલયો, સમુદાય કેન્દ્રો, કેન્ટીન, બિન્ગો હોલ, થિયેટરો અને કોન્સર્ટ હોલ, બાર્બર અને સલુન્સ, આઉટડોર રમતનાં મેદાનો, આઉટડોર જીમ, ફનફેર, થીમ પાર્ક અને એડવેન્ચર પાર્ક્સ અને પ્રવૃત્તિઓ, એમ્યુઝમેન્ટ આર્કેડ્સ, ઇન્ડોર લીઝર સેન્ટર્સ અને ઇન્ડોર ગેમિંગ સહિતની સુવિધાઓ, સોશ્યલ ક્લબ, મોડેલ વિલેજ, માછલીઘર, ઝૂ અને સફારી પાર્ક્સ તથા વન્યપ્રાણી કેન્દ્રો ખોલવા દેવાશે.

અમદાવાદના જમાલપુર સ્થિત ભગવાન જગન્નાથજીની 143મી રથયાત્રા આ વર્ષે મંગળવાર, 23 જૂનના રોજ અષાઢી બીજના દિવસે કોરોનાકાળામાં નગરચર્યાએ નિકળી શકી નહીં અને સરકાર તેમજ મંદિર વહીવટી કમિટી દ્વારા લંબાણપૂર્વકની બેઠકમાં નિર્ણય લેવાયા બાદ મંદિર પ્રાંગણમાં જ રથોને ફેરવવામાં આવ્યા હતા. દોઢ સૈકામાં પ્રથમ વખત ભગવાનના રથ મંદિરની બહાર નીકળી શક્યા નહતા.

એક અધ્યયન સૂચવે છે કે વંશીય લઘુમતી બેકગ્રાઉન્ડમાંના મોટાભાગના લોકોને શારીરિક મજૂરીમાં રોજગારી મળવાની સંભાવના હજુ પણ વધારે છે,અથવા જોબ જ મળતી નથી.
બ્રિસ્ટોલ યુનિવર્સિટી, માન્ચેસ્ટર યુનિવર્સિટી અને નેશનલ સેન્ટર ફોર સોશ્યલ રિસર્ચની ટીમે કરેલા સંશોધનમાં જણાયું હતું કે 1970ના દાયકાની તુલનામાં લઘુમતીઓની રોજગાર સંભાવનામાં સુધારો થયો હતો જો કે તેઓ શ્વેત બહુમતીથી પાછળ રહ્યા હતા.

કોવિડ-19ના કાળા કહેરમાંથી દેશ જેમ તેમ મુક્ત થવાની કોશિષ કરી રહ્યો છે ત્યારે મુળ લિબિયાના શરણાર્થી ખૈરી સદ્દલ્લાહ નામના 25 વર્ષીય યુવાને રેડિંગના ફોર્બરી ગાર્ડન્સમાં શનિવારે તા. 20ની સાંજે 7 વાગ્યે છરાબાજી કરી ત્રણ લોકોની હત્યા કરતા ફફડાટ ફેલાઇ ગયો છે. ખૈરી ગયા વર્ષના મધ્યથી બ્રિટનની જાસુસી સંસ્થા એમઆઇ-5ના રડાર પર હતો અને ગયા વર્ષે તપાસ કરવામાં આવી ત્યારે કોઈ ગંભીર જોખમની ઓળખ થઈ ન હતી. સાક્ષીઓના જણાવ્યા મુજબ હુમલાખોરે હુમલા પહેલા કોઇક “અગમ્ય શબ્દો” બોલ્યા હતા અને જૂથમાં રહેલા ઘણા લોકોને ચાકુ માર્યા હતા.

પ્રેસિડેન્ટ ટ્રમ્‍પે એચ-૧બી વીઝાને લાયકાત આધા‌રિત સીસ્ટમની દિશામાં લઇ જવાના આશય સાથેના સુધારા માટે વહીવટીતંત્રને આદેશ આપ્‍યો છે. વ્‍હાઇટ હાઉસના અધિકારીઓએ, એચ-૧બી અને બીજા વર્ક વીઝા ડિસેમ્‍બર સુધી સસ્‍પેન્‍ડ કરવાના પ્રમુખના જાહેરનામા બાદ જણાવ્‍યું હતું કે, લાયકાત આધા‌રિત ઇમિગ્રેશન પધ્‍ધ‌તિની દિશામાં આગળ વધવાની શરૂઆત થઇ છે.

અમે‌રિકન વહીવટીતંત્રે વંદે ભારત મિશનની સ્‍વદેશગમન ફલાઇટો પર નિયંત્રણો લાદતા જણાવ્‍યું છે કે ભારત સરકારે અમે‌રિકન એરલાઇન્‍સને આવા જ ઉડ્ડયનો હાથ ધરતાં અટકાવવાનો ભેદભાવભર્યો વ્‍યવહાર કર્યો છે. યુએસ ટ્રાન્‍સપોર્ટ વિભાગનો આદેશ ૩૦ દિવસ પછી અમલમાં આવશે. આદેશમાં જણાવાયું હતું કે, અમેરિકાની એરલાઇન્‍સ સાથેના નિયંત્રણાત્‍મક અને ભેદભાવપૂર્ણ વ્‍યવહાર અંગે ૧૯મી મેએ રજૂઆત કરાઇ હતી પરંતુ ભારતીય સત્તાવાળાઓએ અમે‌રિકાની ચિંતા ધ્‍યાનમાં લીધી ન હતી.

તમે જગતમાં પગરવ માંડો છો ત્‍યારે ઘણી બધી ગંદકી, મ‌લિનતા, ઘણો બધો ભ્રષ્ટાચાર અને ચારે બાજુ ઘણું બધું ગાંડપણ કે મૂર્ખામીભર્યું થતું રહેતું હોય છે. જગતમાં એવા પણ કેટલાક લોકો હોય છે જેમને આવી ગંદકી, મ‌લિનતાની સૂગ કે ચીડ હોય છે. આવા લોકો ‌હિમાલય પહોંચી જતા હોય છે. આવા લોકોને બધું જ ચોખ્‍ખું અને શુદ્ઘ જોઇતું હોય છે પરંતુ એવું થઇ શકતું નથી કારણ કે જગતની ગંદકી કે મ‌લિનતા એક યા બીજી રીતે આપણા મગજમાં ઘૂસી ગઇ હોય છે.

ભારતીય ક્રિકેટમાં ફિક્સિંગ અને ભ્રષ્ટાચારના મૂળ બહુ ઊંડા હોવાનું આઈસીસી માને છે. ક્રિકેટની આ વિશ્વ સંસ્થા લગભગ 50 ફિક્સિંગના કેસોની તપાસ કરાવી રહ્યું છે, તેમાંથી મોટાભાગના કેસ કોઈક ને કોઈક રીતે ભારત સાથે સંકળાયેલા છે.તો ભારતીય ક્રિકેટ બોર્ડના એન્ટી કરપ્શન યુનિટના હેડ, અજિત સિંહનું કહેવું છે કે દર વર્ષે સટ્ટાબાજીથી 40 હજાર કરોડ રૂપિયાની ગેરકાયદે આવક થાય છે.

2011ના વર્લ્ડ કપ ક્રિકેટની ભારત અને શ્રીલંકાની વચ્ચેની ફાઈનલ ફિક્સ થઈ હોવાના શ્રીલંકાના ભૂતપૂર્વ રમતગમત પ્રધાન મહિદાનંદ અલુધગામગેએ આક્ષેપો કર્યા પછી એ વિષે તપાસનો શ્રીલંકા સરકારે આદેશ આપ્યો છે. હાલના રમત ગમત પ્રધાન ડલ્લાસ અલાહાપ્પેરુમાએ શુક્રવારે (19 જુન) તપાસનો આ આદેશ આપ્યો હતો.

બંગલાદેશના ભૂતપૂર્વ કેપ્ટન મશરફે મોર્તઝા તથા બે અન્ય ખેલાડીઓ નઝમુલ ઇસ્લામ અને નફીસ ઇકબાલ કોરોના પોઝિટિવ હોવાનું જણાયું છે. પાકિસ્તાનના પણ ભૂતપૂર્વ કેપ્ટન શાહિદ આફ્રિદી કોરોના પોઝિટિવ જણાયો હતો. આફ્રિદી થોડા દિવસથી બિમાર હતો. શુક્રવારે તેનો કોવિડ રીપોર્ટ કરાયો હતો, જેમાં તે પોઝિટિવ જણાયો હતો.