વિસ્તારા એરલાઇન્સે ભારતના ઉત્તરપૂર્વના વિસ્તારોમાં ન્યૂનતમ સંખ્યા ફ્લાઇટ્સનું સંચાલન ન કરવા બદલ ભારતના નાગરિક ઉડ્ડયન નિયમનકારને ₹70 લાખનો રેકોર્ડ દંડ ચૂકવ્યો છે. ડિરેક્ટોરેટ જનરલ ઓફ સિવિલ એવિએશન (DGCA) એ ગયા વર્ષે ઓક્ટોબરમાં નિયમોનું પાલન ન કરવા બદલ આ ફુલ સર્વિસ કેરિયરને દંડ ફટકાર્યો હતો. એરલાઈને આ મહિને દંડ ચૂકવ્યો હતો, એમ એક અધિકારીએ જણાવ્યું હતું.
ડાયરેક્ટર જનરલ અરુણ કુમારે આ ગતિવિધિને પુષ્ટિ આપી હતી, પરંતુ આ મુદ્દે વધુ ટિપ્પણી કરવાનો ઇનકાર કર્યો હતો. વિસ્તારાના પ્રવક્તાએ જણાવ્યું હતું કે, “કાયદાનું પાલન કરતી સંસ્થા તરીકે અને આદેશનું પાલન કરીને, વિસ્તારાએ વિરોધ હેઠળ દંડ ચૂકવ્યો છે. અધિકારીઓએ જણાવ્યું હતું કે વિસ્તારા બાગડોગરાથી એક ફ્લાઈટ ઓપરેટ કરી શકી નથી જેના કારણે એરલાઈન પર રેકોર્ડબ્રેક દંડ લાદવામાં આવ્યો હતો.
