ભારતીય ક્રિકેટ ટીમના કેપ્ટન વિરાટ કોહલી અને બોલીવૂડ અભિનેત્રી અનુષ્કા શર્માએ એક ગુડ ન્યૂઝ શેર કર્યા છે. આ સેલિબ્રિટી કપલે સોશિયલ મીડિયા પર શેર કરેલી પોસ્ટ મુજબ અનુષ્કા શર્મા પ્રેગનન્ટ હોવાનું જણાવાયું છે અને તેમનું ફર્સ્ટ બેબી આગામી જાન્યુઆરી 2021માં આવશે.
And then, we were three! Arriving Jan 2021 ❤️🙏 pic.twitter.com/0BDSogBM1n
— Virat Kohli (@imVkohli) August 27, 2020
વિરાટ કોહલી અને અનુષ્કાએ એક જ સાથે એક સરખી પોસ્ટ સોશિયલ મીડિયા પર શેર કરી છે. આ પોસ્ટમાં બન્નેએ તેમના ફર્સ્ટ બેબીને લઈને ગુડ ન્યૂઝ શેર કરી છે. વિરાટ કોહલીએ માઈક્રોબ્લોગિંગ સાઈટ ટ્વિટર પર એક ટ્વીટ પોસ્ટ કરી છે જેમાં અનુષ્કાના બેબી બમ્પ સાથે તેનો ફોટો છે અને કોહલીએ લખ્યું છે કે, અને પછી અમે ત્રણ થઈશું, એરાઈવિંગ જાન્યુઆરી 2021.
અનુષ્કાએ પણ વિવિધ સોશિયલ મીડિયા પ્લેટફોર્મ પર આ જ તસવીર શેર કરી છે અને ગુડ ન્યૂઝ આપ્યા છે. વિરાટ અને અનુષ્કાની આ પોસ્ટ વાયરલ થઈ છે અને તેમના લાખો ફેન્સ તેમના પર શુભેચ્છાઓનો વરસાદ વરસાવી રહ્યા છે.2017ની 11મી ડિસેમ્બરના રોજ ઈટાલીમાં વિરાટ કોહલી અને અનુષ્કા શર્મા લગ્નના બંધનમાં બંધાયા હતા. લગ્નના ત્રણ વર્ષ બાદ હવે કોહલી અને અનુષ્કાના ઘરે પારણું બંધાશે.
