બીજી એક બ્રિટિશ લેબોરેટરી વિવિધ વેક્સીનની અસરકારકતાને સ્થાપિત કરવા માટે સંભવિત કોરોનાવાયરસ રસીના ડેટાની આકારણી કરવા માટે વૈશ્વિક લેબ નેટવર્કમાં જોડાઈ રહી છે.
આ મહિનાની શરૂઆતમાં, કોએલીએશન ફોર એપીડેમિક પ્રપેર્ડનેસ ઇનોવેશન્સ (સીઇપીઆઈ) દ્વારા નેટવર્ક સ્થિપીત કરવામાં આવ્યું હતું જેથી વૈજ્ઞાનિકો અને દવા ઉત્પાદકો રસીની તુલના કરી શકશે અને સૌથી અસરકારક શોટની પસંદગીને ઝડપી બનાવશે.
બ્રિટનની મેડિસિન્સ અને હેલ્થકેર પ્રોડક્ટ્સ રેગ્યુલેટરી એજન્સીએ મંગળવારે કહ્યું હતું કે નેશનલ ઇન્સ્ટિટ્યૂટ ફોર બાયોલોજિકલ સ્ટાન્ડર્ડ્સ એન્ડ કંટ્રોલ (એનઆઈબીએસસી) આ યોજનામાં જોડાઈ રહ્યું છે, અને તેમને સીવીપીઆઈ પાસેથી કોવિડ-19 એન્ટિબોડી માટે આંતરરાષ્ટ્રીય ધોરણ વિકસાવવા માટે નાણાં પ્રાપ્ત થયા છે. સીઇપીઆઈ યોજનામાં પબ્લિક હેલ્થ ઇંગ્લેંડ પણ શામેલ છે.
વિશ્વભરના સેંકડો સંભવિત કોરોનાવાયરસ રસીઓ વિકાસના વિવિધ તબક્કામાં છે, રશિયા અને ચીન દ્વારા સંપૂર્ણ અસરકારકતાની કસોટી કરવામાં આવે તે પહેલાં જ રસીની જાહેરાત કરી દેવાઇ છે. ફાઈઝર, મોડર્ના અને એસ્ટ્રાઝેનેકાના રેસના અંતિમ તબક્કામાં છે અને વર્ષના અંત પહેલા પરિણામો આવે તેમ છે.
