યુએસ સરકારની મહત્ત્વની વેબસાઇટ્સને ગુજરાતી સહિતની ભાષામાં ટ્રાન્સલેટ કરવાની ભલામણ
અમેરિકામાં પ્રેસિડન્શિયલ કમિશને વ્હાઇટ હાઉસ અને બીજી ફેડરલ એજન્સીઓ સહિતની સરકારની ચાવીરુપ વેબસાઇ્ટનું ગુજરાતી, હિન્દી, પંજાબી સહિતના વિવિધ ભાષામાં ભાષાંતર કરવાની ભલામણ કરી છે. આ કમિશનની ભલામણને પ્રેસિડન્ટને મંજૂરી બાદ હવે અમેરિકન સરકારની ઘણી વેબસાઈટનું ભારતીય ભાષાઓમાં અનુવાદ કરવામાં આવશે. યુનાઇટેડ સ્ટેટ્સમાં રહેતા ભારતીયો અને વિવિધ ભાષાઓ બોલતા એશિયાના લોકો માટે અમેરિકન વેબસાઇટ્સને બહુવિધ ભાષાઓમાં અનુવાદિત કરવાની યુએસ પ્રેસિડેન્શિયલ કમિશને ભલામણ કરી છે, જેમાંથી મોટાભાગની ભારતીય ભાષાઓ છે.
અમેરિકામાં એશિયન અમેરિકન્સ, નેટિવ હવાઇયન, પેસિફિક આઇસલેન્ડરની વસતિમાં ઝડપથી વધારો થઈ રહ્યો છે ત્યારે આ મહત્ત્વની ભલામણ કરવામાં આવી છે. આ સમુદાયોની વસતી 2060 સુધીમાં 40 મિલિયનને પાર કરી શકાય તેવી શક્યતા છે. 2020ની વસતિ ગણતરી મુજબ અમેરિકામાં આશરે 25 મિલિયન લોકો વિદેશી ભાષા બોલે છે અને તેમની અંગ્રેજી બોલવાની ક્ષમતા ઓછી છે.
યુએસ પ્રેસિડેન્શિયલ કમિશને વ્હાઇટ હાઉસ અને અન્ય ફેડરલ એજન્સીઓ જેવી મુખ્ય સરકારી વેબસાઇટ્સનો હિન્દી, ગુજરાતી અને પંજાબી સહિત એશિયન-અમેરિકન અને પેસિફિક ટાપુવાસીઓ દ્વારા બોલાતી ભાષાઓમાં અનુવાદ કરવાની ભલામણ કરી છે. આ ભાષાઓને સમાવવા માટેની ભલામણોની શ્રેણીને તાજેતરમાં એશિયન અમેરિકન્સ (AA), નેટિવ હવાઇયન અને પેસિફિક આઇલેન્ડર્સ (NHPI) પરના પ્રેસિડન્ટના સલાહકાર કમિશન દ્વારા મંજૂર કરવામાં આવી હતી.
કમિશને આ મહિનાની શરૂઆતમાં મીટિંગ કર્યા પછી, યુએસ સરકારને તેનો ભલામણ અહેવાલ સુપરત કરતા કહ્યું કે ફેડરલ એજન્સીઓએ તેમની વેબસાઇટ્સને બહુવિધ એશિયન અને NHPI ભાષાઓનો અનુવાદ કરવો જોઈએ અને મહત્વપૂર્ણ દસ્તાવેજો, ડિજિટલ સામગ્રી અને વિવિધ ભાષાઓમાં ફોર્મ્સ પણ પૂરા પાડવામાં આવવા જોઈએ. આ સાથે ફૂલ કમિશને તેના રિપોર્ટમાં એવી પણ ભલામણ કરી છે કે જે લોકોને અંગ્રેજીનું વધારે જ્ઞાન નથી તેમના માટે તેમની ભાષાઓમાં જાહેર અને ઈમરજન્સી એલર્ટ ઉપલબ્ધ હોવા જોઈએ. કમિશને વધુમાં ભલામણ કરી હતી કે સરકારે એ સુનિશ્ચિત કરવું જોઈએ કે કટોકટી/આપત્તિ નિવારણ, આયોજન, સરકારનો પ્રતિભાવ, શમન અને રિકવરીના કાર્યક્રમો એવી રીતે તૈયાર કરવા જોઈએ કે મર્યાદિત અંગ્રેજી જ્ઞાન ધરાવતા લોકોને પણ સમસ્યા ન થાય.
ભારતીય ભાષાઓમાં ચૂંટણી પ્રચાર રિપોર્ટ અનુસાર ફૂલ કમિશનનો આ ભલામણ રિપોર્ટ હવે વ્હાઇટ હાઉસને મોકલવામાં આવશે અને પ્રેસિડન્ટના હસ્તાક્ષર બાદ તેના પર કામ શરૂ થશે. અલગ-અલગ ભાષાઓનો સમાવેશ કરવા માટે વર્ષ 2020માં બાઇડનના ડેમોક્રેટિક પાર્ટીના ઉમેદવાર ભારતીય અમેરિકન અજય જૈન ભુટોરિયાએ કેમ્પેઇન કર્યું હતું અને તેમણે પ્રેસિડન્ટ બાઇડનની પોતાની ભલામણ મોકલી હતી અને અજય ભુટોરિયા દ્વારા ભારતીય ભાષાઓમાં ચલાવામાં આવેલી ઝુંબેશથી બાઇડનને ઘણો ફાયદો થયો હતો. વર્ષ 2020ની પ્રેસિડન્ટની ચૂંટણીમાં હિન્દી ઉપરાંત ગુજરાતી, પંજાબી અને તમિલ ઉપરાંત તેલુગુ અને બીજી ઘણી ભારતીય ભાષાઓમાં પ્રચાર કરવામાં આવ્યો હતો, જેના કારણે બાઇડનની પાર્ટીએ ભારતીય સમુદાયના લોકોના હૃદયને સ્પર્શવામાં ઘણી સફળતા મેળવી હતી.તમને જણાવી દઈએ કે અજય જૈન ભુટોરિયા અમેરિકાના પ્રતિષ્ઠિત ઉદ્યોગ હબ સિલિકોન વેલીમાં એક પ્રતિષ્ઠિત ઉદ્યોગપતિ છે અને હવે તેઓ પ્રમુખ જો બિડેનના એશિયન-અમેરિકન-હવાઇયન એડવાઇઝરી કમિશનના સભ્ય પણ છે અને તેમણે કમિશનની બેઠક દરમિયાન દલીલ કરી હતી કે, જો સરકારી કાર્યક્રમોની માહિતી , ઝુંબેશ અથવા જાહેરાતો વિવિધ ભાષાઓમાં આપવામાં આવે તો તો તે કોમ્યુનિકેશનના અંતરને ઓછું કરવામાં મદદરુપ થશે. તેમણે પોતાન દલીલ આપતા કહ્યું કે ફેડરલ ગવર્નમેન્ટ એજન્સીની માહિતી અને પહોંચ બહુભાષીય પહોંચ દ્વારા ખૂબ જ વધી જશે અને આ એક સક્રિય અભિગમ યુએસ સરકારના દિશાનિર્દેશોને પૂર્ણ કરવામાં મદદ કરશે.
તેથી ભુટોરિયાએ કમિશન સમક્ષના તેમની દરખાસ્તમાં જણાવ્યું હતું કે AAPIએ એક મજબૂત અને ગતિશીલ અમેરિકાના નિર્માણમાં મદદ કરી છે. તેમણે કહ્યું કે એશિયન અમેરિકન અને NHPI વ્યક્તિઓ અને પરિવારો અને સમુદાયો વિવિધ સંસ્કૃતિથી વૈવિધ્યસભર અમેરિકા બનાવે છે, તેથી માહિતી તેમની ભાષામાં પહોંચાડવી જોઈએ. તેમજ આ ઠરાવ એ પણ કહેવામાં આવ્યું છે કે, તેઓ મહત્વની આર્થિક ભૂમિકા ભજવે છે, વ્યવસાયો શરૂ કરે છે અને નોકરીઓનું સર્જન કરે છે જે વેતન અને કર દ્વારા અબજો ડોલર ચૂકવે છે, એશિયન અમેરિકન આપણા દેશના કેટલાક સૌથી સફળ અને નવા સાહસિકો તરીકે ઉભરી આવ્યા છે.
