કૃષ્ણ જન્માષ્ટમીની ઉજવણી દરમિયાન બાંકે બિહારી મંદિરમાં ભાગદોડ જેવી સ્થિતિ ઉભી થતાં બે ભાવિકોના મોત થયા હતા અને સાતથી વધુ કચડાઇ ગયા હતા. આ ઘટના શનિવારની વહેલી સવારે બની હતી. મંગલા આરતી દરમિયાન આ ઘટના બની હતી. નોઇડાની ૫૫ વર્ષીય મહિલા નિર્મલા દેવી અને જબલપુરનો ૬૫ વર્ષનો ભક્ત રામ પ્રસાદનું આ ઘટનામાં મોત થયું હતું. અચાનક જ ભાવિકોનો ધસારો થતાં સ્થિતિ વણસી હતી અને તેના કારણે આ ઘટના બની હતી. અનેક ભાવિકો બેભાન થઇ ગયા હતા. ઉત્તરપ્રદેશના મુખ્યપ્રધાન યોગી આદિત્યનાથે આ ઘટનામાં જીવ ગુમાવનાર પ્રત્યે દુખની લાગણી વ્યક્ત કરી હતી અને ઇજાગ્રસ્તોને જરૂરી તમામ સહાય આપવાનો આદેશ કર્યો હતો.
