મહારાષ્ટ્રના જલગાંવ જિલ્લામાં સોમવાર, 15 ફેબ્રુઆરીએ મજૂરોને લઇને જતી ટ્રક ઊંઘી વળી જતાં 15 લોકોના મોત થયા હતા અને બે મજૂરો ઘાયલ થયા હતા. આ ટ્રકમાં 21 લોકો સવાર હતા.
પોલીસે જણાવ્યું હતું કે સોમવારની વહેલી સવારે યવલ તાલુકાના કિંગાંવ ગામ પાસે પપૈયા ભરેલી ટ્રક પલ્ટી ખાવાના કારણે અકસ્માત સર્જાયો હતો. આ અકસ્માતમાં 2 મજૂરો ઘાયલ થયા હતા, જેમને સારવાર માટે નજીકની હોસ્પિટલમાં ખસેડવામાં આવ્યા હતા. અકસ્માતની જાણ થતાં પોલીસે ઘટના સ્થળ પર પહોંચીને તપાસ શરુ કરી હતી. આ સાથે ટ્રકને રોડ પરથી ખસેડવાની કામગીરી પણ આરંભવામાં આવી હતી.
