મૈસુરના 18મી સદીના શાસક ટીપુ સુલતાનની બેડચેમ્બર તલવાર લંડનમાં એક હરાજીમાં 14 મિલિયન પાઉન્ડ ($17.4 મિલિયન અથવા ₹140 કરોડ)માં વેચાઈ હતી. વેચાણનું આયોજન કરનાર ઓક્શન હાઉસ બોનહેમ્સે જણાવ્યું હતું કે મંગળવારે મળેલો આભાવ અંદાજ કરતાં સાત ગણો હતો. ટીપુ સુલતાને 18મી સદીના ઉત્તરાર્ધના યુદ્ધોમાં ખ્યાતિ મેળવી હતી. ટીપુ સુલતાને 1775 અને 1779ની વચ્ચે મરાઠાઓ અનેક યુદ્ધ કર્યા હતા. ટીપુ સુલતાન માર્યા ગયા પછી, તેની તલવાર બ્રિટિશ મેજર જનરલ ડેવિડ બાયર્ડને સાહસના પ્રતીક તરીકે આપવામાં આવી હતી.
વર્ષ 1799ના મે મહિનામાં શ્રીરંગપટના ખાતે ટીપુ સુલતાનના શાહી કિલ્લાના વિનાશ બાદ તેના મહેલમાંથી ઘણા શસ્ત્રો દૂર કરવામાં આવ્યા હતા. આ શસ્ત્રોમાં કેટલાક હથિયારો તેની ખૂબ નજીકના ગણાતા હતા.
ટીપુ સુલતાનની આ તલવાર લોખંડની બનેલી છે અને તેના પર સોનાથી સુંદર કોતરણી કરવામાં આવી છે. આ સોળમી સદીમાં ભારતમાં રજૂ કરવામાં આવેલા જર્મન બ્લેડના મોડેલ પછી મુઘલ તલવાર નિર્માતાઓ દ્વારા બનાવવામાં આવી હતી. આ તલવારને શિલ્પકારઓએ પકડવાની જગ્યાએ સુંદર રીતે સોનાની નક્સી બનાવવામાં આવી છે. અંગ્રેજો આ તલવારને પોતાની સાથે લઈ ગયા હતા. ઓલિવર વ્હાઇટ ઇસ્લામિક અને ભારતીય કલાના વડા અને હરાજી કરનાર બોનહેમ્સને એક નિવેદનમાં જણાવ્યું હતું કે આ ભવ્ય તલવાર ટીપુ સુલતાનના તમામ શસ્ત્રોમાંથી શ્રેષ્ઠ છે.
ઇસ્લામિક અને ભારતીય કલાના ગ્રુપ હેડ નીમા સાગરચીએ જણાવ્યું હતું કે તલવારનો અસાધારણ ઇતિહાસ અને અજોડ કારીગરી છે. જૂથના પ્રમુખે કહ્યું કે બે લોકોએ ફોન દ્વારા બોલી લગાવી હતી જ્યારે રૂમમાં એક વ્યક્તિ બોલી લગાવી હતી અને તેમની વચ્ચે જોરદાર સ્પર્ધા થઈ હતી.
