ઓસ્ટ્રેલિયામાં ત્રીજા હિન્દુ મંદિર પર હુમલો થયો હતો. સોમવાર, 23 જાન્યુઆરીએ મેલબોર્નના આલ્બર્ટા પાર્ક ખાતેના ઇસ્કોન મંદિરની દિવાલો પર ભારત વિરોધી ચિત્રણો કરાયા હતા, એમ ઓસ્ટ્રેલિયન ટુડેના અહેવાલમાં જણાવાયું હતું.
મેલબોર્નની ઈન્ટરનેશનલ સોસાયટી ફોર ક્રિષ્ણા ચેતના (ઈસ્કોન) મંદિરના મેનેજમેન્ટના હરે કૃષ્ણ મંદિર દિવાલો પર ભારત વિરોધી ચિત્રણ કરાયું હતું. ઓસ્ટ્રેલિયા ટુડે સાથે વાતચીત કરતા, ઇસ્કોન મંદિરના કોમ્યુનિકેશન ડિરેક્ટર ભક્ત દાસે જણાવ્યું હતું કે તેમને પૂજા સ્થળના અનાદરથી આઘાત લાગ્યો હતો. તેમણે વિક્ટોરિયા પોલીસમાં ફરિયાદ નોંધાવી છે.
આઈટી કન્સલ્ટન્ટ અને ઈસ્કોન મંદિરના ભક્ત શિવેશ પાંડેએ જણાવ્યું હતું કે વિક્ટોરિયા પોલીસ એવા લોકો સામે કોઈ પગલાં લેવામાં નિષ્ફળ રહી છે જેઓ હિંદુ સમુદાય વિરુદ્ધ “દ્વેષથી ભરપૂર એજન્ડા” ચલાવી રહ્યા છે.
વિક્યોરિયાના વિવિધ ધર્મના વડાઓએ વિક્યોરિયન મલ્ટિકલ્ચરલ કમિશન સાથે ઇમર્જન્સી બેઠક કર્યાના બે દિવસ બાદ ઇસ્કોન મંદિર પર હુમલો થયો છે. વિક્ટોરિયન મલ્ટિકલ્ચરલ કમિશને મિલ પાર્ક અને કરમ ડાઉન્સ ખાતેના હિન્દુ મંદિરોમાં તોડફોડની ટીકા કરતું નિવેદન જારી કર્યું હતું. આ પહેલા ઓસ્ટ્રેલિયાના કેરમ ડાઉન્સમાં આવેલા શ્રી શિવ વિષ્ણુ મંદિરમાં હિંદુ વિરોધી લખણો લખવામાં આવ્યા હતા.
અગાઉ કેરમ ડાઉન્સમાં શ્રી શિવ વિષ્ણુ મંદિરમાં તોડફોડ કરવામાં આવી હતી. 12 જાન્યુઆરીના રોજ, મેલબોર્નના મિલ પાર્ક વિસ્તારમાં આવેલા BAPS સ્વામિનારાયણ મંદિરમાં ભારત વિરોધી તત્વો દ્વારા ભારત વિરોધી સૂત્રો લખવામાં આવ્યા હતા
