અભિનેત્રી સની લિયોની એક સમયે પોર્નસ્ટાર તરીકે જાણીતી હતી. હવે તેણે બોલીવૂડમાં પોતાનું સ્થાન જમાવી દીધું છે. તે અભિનય ઉપરાંત સોશિયલ મીડિયા પર પણ સક્રિય રહે છે. તેણે હાલમાં જ મુંબઇમાં એક પોતાનું ઘર ખરીદ્યું છે.
સની લિયોનીએ મુંબઇના અંધેરી પરામાં પાંચ બેડરૂમનો રૂપિયા ૧૬ કરોડમાં વૈભવી ફ્લેટ ખરીદ્યો છે. સનીએ આ સોદો ૨૮ માર્ચ ૨૦૨૧ના કર્યો છે. તેણે ટોકન તરીકે હાલ ૪૮ લાખ રૂપિયા આપ્યા છે. તેણે આ ફ્લેટ પોતાના અસલી નામ કરણ જીત કૌર વોહરાના નામે ખરીદ્યો છે.
સનીનો આ ફ્લેટ પાંચ બેડરૂમ ધરાવે છે તેમજ તેનો કારપેટ એરિયા ૩,૯૬૭ વર્ગમીટર છે. આ ફ્લેટ સાથે ત્રણ કારનું પાર્કિંગ પણ આપવામાં આવ્યું છે.મુંબઇના જુહુ એરિયામાં પણ સની લિયોનીનું એક ઘર આવેલું છે. આ ઉપરાંત અમેરિકાના લોસ એન્જલસમાં પણ સનિ લિયોનીનું વૈભવી મકાન છે.
