રિઝર્વ બેન્કે સ્ટાન્ડર્ડ ચાર્ટર્ડ બેન્કે બે કરોડની પેનલ્ટી ફટકારી

ભારતીય રિઝર્વ બેન્કે ગેરરીતિની માહિતીમાં વિલંબ બદલ ગુરુવારે વિદેશી બેન્ક સ્ટાન્ડર્ડ ચાર્ટર્ડને રૂ.2 કરોડની પેનલ્ટી ફટકારી હતી.

રિઝર્વ બેન્ક ઓફ ઇન્ડિયા ડિરેક્ટન્સ 2016ના નિયમોનું પાલન ન કરવા બદ આ પેનલ્ટી ફટકાવામાં આવી છે. 31 માર્ચ 2018થી 31 માર્ચ 2019 દરમિયાન નાણાકીય સ્થિતિની તપાસ દરમિયાન એક ગેરરીતિની માહિતી બહાર આવી હતી. આ ગેરરીતિ અંગે બેન્કે રિઝર્વ બેન્કને સમયસર માહિતી આપી ન હતી.

આ નિયમોના પાલન ન કરવા બદલ બેન્કને નોટિસ આપીને પૂછવામાં આવ્યું હતું કે તેની સામે પેનલ્ટી શા માટે લાદવામાં ન આવે છે. બેન્કના જવાબને ધ્યાનમાં લીધા બાદ રિઝર્વ બેન્કે નિર્ણય કર્યો હતો કે નિયમ પાલન ન થવાનો આરોપ વાજબી છે અને તેથી પેનલ્ટી લાદવાની જરૂર છે.